Канон трем святителям московским Петру, Алексию и Ионе

Святитель Петр в 1305 году был избран и посвящен в митрополита всея Руси. Много потрудился для благоустроения Русской Церкви. Святитель Алексий был посвящен в 1355 году в митрополита Московского и всея Руси. Прославился церковноучительной и книжной деятельностью, перевел с греческого на славянский язык Новый Завет, благоустраивал монастырскую жизнь, известен как чудотворец (например, исцеление от слепоты ханши Тайдулы).

Святитель Иона в 1448 году был поставлен Собором епископов Русской Церкви как первый из числа русского духовенства митрополит Московский и всея Руси. Выдающийся церковный деятель Древней Руси.

В 1596 году патриархом Иовом было установлено праздновать этим трем святителям церковную память в один день — 5 октября, воздавая каждому из них равную честь как небесным покровителям города Москвы и нашего Отечества. Будем просить в своих молитвах святителей Петра, Алексия, Иону быть небесными заступниками перед Господом за Русь, чтобы в нашем Отечестве не было вражды между людьми, не вспыхивали военные конфликты, а были мир и благоденствие. Будем просить трех русских святителей ходатайствовать перед Господом за благоустроение Русской Церкви, за наше земное благоденствие и вечное спасение. Память трех святителей Петра, Алексия, Ионы 5 октября (18 октября по гражданскому стилю).
 

——————————————————————

Общее начало и конец всем канонам →
Порядок чтения по уставу
——————————————————————
 

Тропарь, глас 4-й

Первопрестолницы русстии, и истиннии хранителие, апостольским преданием, столпи непоколебимии, и православию наставницы, Петре и Алексие и Ионо, Владыку всех молите, мир вселенней даровати, и душам нашим велию милость. (Дважды).

Слава, и ныне. Богородичен. Иже от века утаенное и ангелом несведомое таиньство. Тобою Богородице земным явися, Бог в неразмесне снятии воплощаемь. И крест волею нас ради восприим, им же воскресив первозданнаго, и спасе от смерти душа наша.
 

КАНОН, глас 8-й
 

Песнь 1. Ирмос

Воду прошед яко по суху, из египетска зла избежав, израильтянин вопияше, Избавителю Богу нашему поем.

Запев: Святии трие святителие: Петре, Алексие и Ионо, молите Бога о нас (поклон).

Многими содержими напастьми, к вам прибегаем спасение получити, о велицыи трие святителие, Петре и Алексие и Ионо, от лютыя нужды и бед спасите нас.

Запев. Страстей прилози, и многия печали и беды погубляют ми душу, умирите святии святителие к Богу вашими молитвами, и от печали, на веселие преложите.

Слава. Спаса Христа молите велицыи чудотворцы, и избраннии, Петре и Алексие и Ионо, избавитися нам от бед и скорбей, и варварскаго нахождения, вашими молитвами.

И ныне. Богородичен. В скорби ны и болезни суща, посещения божественаго и промышления, еже от Тебе сподоби, о Богомати Владычице.

Катавасия: Избавите от бед рабы своя, святии трие святителие: Петре, Алексие и Ионо, яко вси по Бозе к вам прибегаем, вы бо молите о нас Христа Бога нашего (поклон). Господи помилуй (трижды с поклонами).
 

Песнь 3. Ирмос

Небесному кругу верхотворче Господи, и Церкви Зиждителю, Ты мене утверди в любви Своей, желанием сыи край, и верным утвержение, едине Человеколюбче.

Запев. Заступницы и покровителие граду Москве, вы есте по Бозе, Божии угодницы, направите нас, на пристанище спасения. Вы бо есте верным ограждение.

Запев. Молим вас святии чюдотворцы, Петре и Алексие и Ионо, душевное смущение, и печали бурю разорити нам. И тишину подати, к Богу вашими молитвами.

Слава. Благороднейшии и благим подражателие бывше, от Бога чудесы обогатившеся. Всем помогайте, молящеся Богу, вас прославляющу Своя угодники.

И ныне. Богородичен. Лютыми недуги, и болезнеными тяжкими варварскими находы истязаемым, Дево Богородице Ты нам помози, и печаль на радость преложи. Катавасия.

Седален, глас 4-й. Прострите свои длани святии отцы, ко всех Владыце, ими же добре потрудистеся, и Богу угодисте, и требующим не оскудно подасте. И устне свои на молитву отверзите. Ими же Бога славословисте, и люди на благоразумие настависте. Ускорите убо на помощь нашу. И от находящих на нас бед и зол, и всякия нужды избавите нас, вашими молитвами к Богу.

Слава, и ныне. Богородичен. Дево всенепорочная, яже пресущнаго Бога рождьшая, со святители Того непрестанно моли, оставление согрешением, и исправление житию дати нам прежде конца, иже верою и любовию поющим Тя подолгу, едина Всепетая.
 

Песнь 4. Ирмос

Услышах Господи смотрения Твоего таиньство, разумех дела Твоя, и прославих Твое Божество.

Запев. Страстей моих смущение, и многих бед нахождения бурю, утишити молитеся святии отцы к Богу, вашими молитвами.

Запев. Милосердия бездну прострите нам святии отцы, призывающим вас на помощь. Яко милосердаго Бога, имате послушающа ваша молитвы.

Слава. Надежду имуще вас святии отцы, Петре и Алексие и Ионо, и яко стену недвижиму к Богу ваша молитвы, зол и всех бед избавляемся.

И ныне. Богородичен. Исцели Чистая душевныя наша немощи, и страсти телесныя. Поспеши Госпоже здравие подати молитвами си. Катавасия.
 

Песнь 5. Ирмос

Просвети нас повелением си Господи. И мышцею высокою Твоего мира подаждь нам, едине Человеколюбче.

Запев. Исполните святии отцы веселия живот наш, избавляюще нас варварскаго нахождения, и межусобныя брани.

Запев. Избавите нас от бед святии чудотворцы, яко предстателие теплии. И молитвеницы о душах наших.

Слава. Разрушите мглу прегрешении моих, и безместных деянии. Вашими к Богу молитвами.

И ныне. Богородичен. Яко стену нерушиму, и пристанище стяжахом, и душам Тя совершеное спасение, и пространьство в скорбех. О Владычице, ныне нас от страстей и бед спаси. Катавасия.
 

Песнь 6. Ирмос

Молитву пролию ко Господу, и Тому возвещу печаль мою. Яко зол душа моя наполнися, и живот мой аду приближися. Но молюся яко Иона от тли Боже мой возведи мя.

Запев. Смерти и тли и варварскаго пленения избавите. И огненаго запаления свой град сохраните, к Богу вашими молитвами.

Запев. Заступники вас свемы, и твердыя хранители граду нашему трие святителие. Тем к вам прибегающе милость приемлем, и бед избавляемся.

Слава. Яко стену и пристанище стяжахом вас святии чудотворцы, и пространство в скорбех. Подтвержение и спасение душам нашим.

И ныне. Богородичен. Заступницу Тя животу свем, и хранителницу тверду Девице. Напастей решащю молвы, и налоги бесов отгонящю. И молюся всегда, страстей мя избавити Всенепорочная. Катавасия.

Слава, и ныне. Кондак, глас 3-й. Во святителех благочестно пожисте, и люди к богоразумию настависте. И добре Богу угодисте. Сего ради от Него нетлением и чюдесы прославистеся, яко ученицы Божия благодати.

Икос. Первозваннаго наместницы, и русстии первопрестолницы, трие велицыи светильницы, Петре и Алексие и Ионо. Троице поборницы. Православию наставницы. В мире благочестно пожисте, и учением своим вселенную просветисте. Сего ради Царствию Небесному наследницы бысте. Нетлением и чюдесы прославистеся, яко ученицы Божия благодати.
 

Песнь 7. Ирмос

Иже от Июдеи дошедше отроцы в Вавилон древле, верою утвержени, пламень пещныи попраша глаголюще, отец наших Боже благословен еси.

Запев. Наше спасение, яко же восхоте Спасе устроити, прославляеши Своя угодники чюдесы, вопиющия Ти, отец наших Боже благословен еси.

Запев. Волителя милости, Его же роди Мати, молите святии трие святителие, Петре и Алексие и Ионо, избавити нас от прегрешении, и бед и зол, зовущих, отец наших Боже благословен еси.

Слава. Сокровище спасения, и источник исцеления, наставницы покаяния, вы есте Божии угодницы, вопиющим, отец наших Боже благословен еси.

И ныне. Богородичен. Сокровище спасения, и источник нетления Тебе Рождьшую, и столп утверждения, и дверь покаяния вопиющим показа, отец наших Боже благословен еси. Катавасия.
 

Песнь 8. Ирмос

Царя Небеснаго, Его же поют вои ангельстии, хвалите людие, и превозносите Его во веки.

Запев. Помощи вашея требующия, не презрите святии отцы, и наставницы православия, поющыя и превозносящыя Христа во веки.

Запев. Неможение душ наших исцеляете, и от телесных болезней возставляете, вопиющих и превозносящих Христа во веки.

Слава. Исцелением богатство источаете, к вам притекающим Божиим угодником, и верно поющим, и превозносящим Христа во веки.

И ныне. Богородичен. Напастныя Ты прилоги отгоняеши, и страстныя находы Дево. Яко да Тя поем, и превозносим Чистую во веки. Катавасия.
 

Песнь 9. Ирмос

Воистину Богородицу Тя исповедающе, иже Тобою спасении Дево чистая, с небесными вои Тя величаем.

Запев с поклоном. Точения слез непрезрите, молим вас святии отцы Петре и Алексие и Ионо. И всем утешение подати блажащим вас.

Запев. Радости сердца наша исполните, вашими к Богу молитвами святии отцы, и заступницы теплии.

Слава. Светилницы пресветлии, Троицы поборницы, Петре и Алексие и Ионо, труды и подвиги вашими, мрак неведения отгоняшеся, благоверно вас ублажающих.

И ныне. Богородичен. Света Твоего зарями просвети Дево, мрак неведения отгоняющи, и лютых бед спасающи, иже благоверно Богородицу Тя исповедающих. Катавасия.

Отпуст: Господи Исусе Христе, Сыне Божии, молитв ради пречистыя Твоея Матере, и святых триех святителей: Петра, Алексия и Ионы, и всех ради святых, помилуй и спаси нас, яко Благ и Человеколюбец. Аминь. Господи помилуй (трижды). Исходные поклоны.

+

Авторизация

* *
*

Регистрация

*
*
*
*

Проверочный код Time limit exceeded. Please complete the captcha once again.


Восстановление пароля