Канон святым младенцам, избиенных Иродом

Когда родился Господь Исус Христос, царь Ирод, опасаясь, что новорожденный Божественный Младенец будет его соперником на царском престоле, решил найти Младенца и убить Его. Но так как Ирод не мог точно узнать Богомладенца Христа, он приказал убить в Вифлееме и окрестностях его всех детей мужского пола от двух лет и младше, рассчитывая, что среди убитых будет и Родившийся Мессия. По распоряжению тирана Ирода было убито 14 тысяч младенцев, которые стали первыми мучениками за Христа. Будем просить в своих молитвах святых малюток-страстотерпцев, чтобы они непрестанно ходатайствовали перед Господом о нашем спасении, укрепляли в нас твердость христианской веры. Память св. младенцам, избиенных Иродом, 29 декабря (11 января по гражданскому стилю).
 

——————————————————————

Общее начало и конец всем канонам →
Порядок чтения по уставу
——————————————————————
 

Тропарь, глас 1-й

Страстьми святых яже по Тебе прияша, умолен буди Господи. И вся наша страсти и болезни исцели, Человеколюбче молим Тя. (Дважды).

Слава, и ныне. Богородичен. Гавриилу провещавшу Ти Дево, еже радуися. И со гласом воплощашеся всех Владыка, в Тебе святем киоте, яко же рече праведныи Давыд. Явися пространнейши небес, поносивши Зиждителя Своего. Слава всельшемуся в Тя, слава прошедшему ис Тебе, слава свободившему нас рожеством Своим.
 

КАНОН, глас 4-й
 

Песнь 1. Ирмос

Пределил еси пучину морьскую яко Бог, фараона погружь в ней. Провед Моисея немокрено в пустыню. И одождив манну на пищу людем израилевом, яко Всесилен.

Запев: Святии мученицы, молите Бога о нас (поклон).

Звезда восия в Вифлееме, и Едема от мрачныя разреши клятвы. И спасения день даруется родоначалником, от Девическа облака просиявыи Исус, сущим во тме просвещение.
Запев. (Повторяем стих).

Слава. Чертог днесь младенец отверзеся верным по Христе и за Христа, врагом обличая начала и власти. И Иродов обличая мужески младоумныи гнев смыслено.

И ныне. Богородичен. Божествено утвержение, и стена нерушима Чистая, и мысленыи мост присно, и необорим столп, и основание и покров, Его же ради спасаемся вси от бед, Ты еси воистину.

Катавасия: Избавите от бед рабы своя, святии мученицы, яко вси по Бозе к вам прибегаем, вы бо молите о нас Христа Бога нашего (поклон). Господи помилуй (трижды с поклонами).
 

Песнь 3. Ирмос

Утвержаяи грома и зиждаи Духа, утверди мя Господи, да Тя пою целомудрено, и творю волю Твою. Яко несть свят паче Тебе Господи.

Запев. Девическими дверьми прошед Содетель и Бог наш, плотьскии дом Себе созда неизглаголанно. И младенец бысть, и в яслех положися.

Запев. (Повторяем стих).

Слава. Сверстницы дети страдальцы Христова воплощения, иродово неразумное ослепиша бешение. И очи всесветлии цареви явистеся.

И ныне. Богородичен. Ис Тебе без Отца явися, иже без Матере, и прежде век Господь. И зиждется паче естества, и наздание дарует сущим от Адама и обновление, Дево неискусобрачная. Катавасия.

Седален, глас 5-й. Поруган быв Ирод от волхвов, в Вифлееме творяаше детоубиение, непомиловав матерьская рыдания. Но яко Человеколюбец Христос, иже от Девы воплощься, и вся устроив, осуждения сего избави, и спаси душа наша.

Слава, и ныне. Богородичен. Ис Тебе воплощьшагося Бога и Господа, нас ради истлевших прегрешеньми, моли прилежно ущедрити нас. И отвратити ярость и гнев Свой Чистая, от иже верою чтущих и хвалящих, непрестанно силу и державу Его.
 

Песнь 4. Ирмос

Услышах слух Твой и убояхся, пророк глаголаше, разумех дела Твоя, и дивихся. И возопих, слава силе Твоей Господи.

Запев. Одеваяи небо, и небесныя и земленыя, рожеством ходатаивши паче ума, и измени. И вражды средоградие разори.

Запев. (Повторяем стих).

Слава. Младенец множество мученически, по Бозе всех пострадавше, почести страдания от Него приемлют. Их же ради Ирод весь устыдеся.

И ныне. Богородичен. Божественое слово во утробе заченши, страшным словом, паче слова породила еси плотию Всенепорочная. Тем же Тя Богородицу славим. Катавасия.
 

Песнь 5. Ирмос

Восияй ми Господи свет повелении Твоих, яко к Тебе Христе дух мой утренюет, и поет, Ты еси Бог мой, и к Тебе прибегох Царю мирныи.

Запев. Чувьственое убо солнце облаки покрывается. Мысленое же и все невещественое, безмерным благоутробием в плоть одеявся, в вертепе днесь пеленами повивается нас ради.

Запев. (Повторяем стих).

Слава. Скверноубийства кровьми, Ирод оскверневается. Ибо Владыку всех Бога и Царя убити окушаяся. На отроки бесится, и шатается люте.

И ныне. Богородичен. Зарею молитвы Твоея Богородителнице чистая, ослепление сердца моего озари. Яко Едина светилника Господа, и славы солнце восиявши Христа. Катавасия.
 

Песнь 6. Ирмос

Буря мя многих согрешении моих потопляет, и изнемогает дух мой. Но Ты Господи яко Милостив сшед, возвел еси живот мой.

Запев. Божественаго воплощения слову свершается днесь таиньство Богородице. Тобою бо явися плотию Бог превечныи, да обожит вочеловечение.

Запев. (Повторяем стих).

Слава. Рахиль убо чад плачьшися, древле провозвести иже по Христе младенец, приемша безгодное заколение. Тем же и отрицашеся утешитися не хотящи.

И ныне. Богородичен. Божественное рожество Ти Пресвятая, прозябшую пресече в Раи клятву. И стезю древа животнаго человеком отверзе, благословение источи. Катавасия.

Слава, и ныне. Кондак, глас 6-й. В Вифлееме рождьшуся Царю, волсви от перс с дары приходят, звездою свыше наставляеми. Но Ирод смущается, и пожинает младенцы яко же пшеницу. Рыдая себе, яко держава его разорится вскоре.

Икос. Вышним и нижним веселящимся, что есть в раме, яко слышано бысть рыдание, тамо безмерно. Ияков радуется, и Рахиль что рыдает. Иосиф познан бысть, и Рахиль что стенет. Вениамин возвысися, что плачет Рахиль. Приидете убо видим рыдание и плачь, не первых бо плачется детей ни проданых, и паки обретеных. Но яже ныне закла Ирод суровыи, лето бо испыта звезды восиявшия. И посла в Вифлеем обесчадити Рахиль, за младенца Мариина. Но она в радости обрете паки сия. Ирод же рыдает, яко держава его разорится вскоре.
 

Песнь 7. Ирмос

В пещи авраамския дети персьстей, любовию паче, неже ли пламенем попаляеми вопияаху, благословен Бог отец наших.

Запев. Веселится днесь Вифлеем с нами, Тя бо невместимаго в вертепе приемлет. Благословен еси вопия, Боже отец наших.

Запев. (Повторяем стих).

Слава. Незлобива жертва и нескверненая по тебе предзакалается, Божии слове. Вопиющи, благословен Бог отец наших.

И ныне. Богородичен. Радуися небурное покаянию пристанище. В неже прибегающе Богородице зовем, благословена еси едина рождьши Бога отец наших. Катавасия.
 

Песнь 8. Ирмос

Всяческая Владыко Своею мудростию состави. Землю же паки вдрузил еси яко же веси дно, хожение поставив на водах безмерных. Тем же вси вопием воспевающе, благословите вся дела Господня непрестанно Господа.

Запев. Ангели славят власть рождьшагося, пастырие чюдятся, и волсви покланяются, небеса возвещают звездою Зиждителя. С ними же вси воспевающе поем, благословите и превозносите Его во веки.

Запев. (Повторяем стих).

Слава. Множество неискусозлобных, воиньствует Владыце днесь кровию, и на Ирода твердо вооружися, Тебе Христе рождьшуся. Тем же вси вопием воспевающе, благословите и превозносите Его во веки.

И ныне. Богородичен. Девую Тя Чистая храм и дверь, и облак купину неопалиму, и ручку манны, и жезл прозябыи, ковчег и светилник, и скрижали завета, гору святую, из нея же камень отсечеся, пророцы Божии проповедаша. Катавасия.
 

Песнь 9. Ирмос

Яко сотвори мне, величие Сильныи, и свято имя Его, и милость Его в род и род, на боящихся Его.

Запев с поклоном. Весь в Тебе вмещается, иже в недрех сыи Отца. И зиждется Зиждитель небу, и истощавается мене ради. И в пеленах повится, разрешает согрешением пленицы.

Запев. (Повторяем стих).

Слава. Иже в раме слышано бысть, Рахили горькое рыдание и плачь, и увы и сокрушение. Скверноубиица бо враг, на чада вифлеемская, Ирод показася.

И ныне. Богородичен. Рожеством Ти Дево обожихомся мертвии, Бога бо питателя всему, и единославна Отцу раждаеши, и млеком питаеши. О странному чюдеси. Катавасия.

Отпуст: Господи Исусе Христе, Сыне Божии, молитв ради пречистыя Твоея Матере, и святых мученик младенец, избиенных от Ирода в Вифлееме, и всех ради святых, помилуй и спаси нас, яко Благ и Человеколюбец. Аминь. Господи помилуй (трижды). Исходные поклоны.

+

Авторизация

* *
*

Регистрация

*
*
*
*

Проверочный код Time limit exceeded. Please complete the captcha once again.


Восстановление пароля