Канон Пресвятой Богородице «Неопалимая Купина»

Когда Господь призывал Моисея на служение народу Божию, Моисей увидел у горы Хорив, что купина (терновый куст) горит огнем, но не сгорает (Исх. 3, 2). Это был прообраз Пресвятой Богородицы, от Которой по величайшему и непостижимому чуду родился Господь наш Исус Христос, безболезненно и без повреждения ее девства. Канон Пресвятой Богородице явления Ея иконы «Неопалимая Купина» необходимо молиться, чтобы Небесная Заступница уберегала нас от ужасов пожара и особенно от сожжения молнией. Память Пресвятой Богородице явления Ея иконы «Неопалимая Купина» 4 сентября (17 сентября по гражданскому стилю).
 

——————————————————————

Общее начало и конец всем канонам →
Порядок чтения по уставу
——————————————————————
 

Тропарь, глас 1-й

Иже во огне показавыи Моисеови, еже во плоти на землю приход Твой, и иже законнаго священства Аарону прообразивыи образом жезла Благодателю Тя рождьшую. Ея же молитвами Христе Боже наш, умири живот наш яко Человеколюбец. (Дважды).

Слава, и ныне (повторяем тропарь).
 

КАНОН, глас 6-й
 

Песнь 1. Ирмос

Волною морскою, сокрывшаго древле гонителя мучителя, под землею скрыша спасеных дети. Но мы яко отроковица, Господеви поем, славно бо прославися.

Запев: Пресвятая Госпоже Богородице, услыши молитву раб Своих, молящихся Тебе (поклон).

Помраченую душу мою Дево, юже омрачих страстными деянии, светлее солнца яже славе Мати просвети, и к свету настави, хвалящих Тя Всехвалную.

Запев. Праотец Дево вкушением древа, объем терние, Ты же огнем божественым попаляеши, иже в купине Тя Владычице огненеопално показаему.

Слава. Устрашается пророк Моисей в купине видении огня и удивляется умом Пренепорочная, ибо многоразумием огня Божественаго Духа, провиде тем неизреченную Твою славу, Дево Мати Божия.

И ныне. Корень от терния прелестныи, корень затворивыи созданныя вся, изсыхает весь огнем божественным, иже купину Тя Пречистая.

Катавасия: Спаси от бед рабы Своя, Богородице Дево, яко вси по Бозе к Тебе прибегаем, яко к нерушимей стене и заступлению (поклон). Господи помилуй (трижды с поклонами).
 

Песнь 3. Ирмос

Тебе иже на водах повесившаго, всю землю не одержимо, тварь видевши на лобнем висяща, ужасом одержима бе, несть свята, разве Тебе Господи взывающи.

Запев. Яко тернием Всехвальная попаляеши ереси, рожеством Ти Дево. Купина бо огнем неопально показа. Тебе прообразующи Пречистая, огнь непостоянныи родити хотящу Пренепорочная.

Запев. Покланяются полцы ангельстии, видяще огнена начала обстояща, паче естества Тя огненыи предуготован Престол, Владычице пречистая.

Слава. Место на нем же Ты стоиши есть свято, и неудобь прикасайся зде, глас Божии возва из купины, яко же слыша Моисей. Воста убо узре сию Владычице неопалну.

И ныне. Гора синайская божественая, благословися паче всех гор, на ню же сшед, иже огнь положивыи на земли последи, купину паля неопалне. Его же воспеваем, Слова воплощение. Катавасия.

Слава, и ныне. Седален, глас 8-й. Духовными лучами предочистився Моисей боговидец. Пророческими Тя купину, огнем неопалну в Синаи провиде. И стамну и трапезу, образно прописа Рожество Ти Владычице. Тем же исхожения Его видения, и мы ныне зряще, богомудрено взываем Ти Богородице. Молися даровати нам, верно покланяющимся Рожеству Твоему (поклон), грехов оставление, и велию милость.
 

Песнь 4. Ирмос

Иже на кресте Твое божественое смотрение, предзря Аввакум, дивяся вопияше, Ты сильных ссече державу Благии, приобщаяся сущим во аде, яко Всесилен.

Запев. Новотвореное всяческое огненое преже явленое очищение, купине неопалныи огнь испущьши. И божественем ныне содержащи естестве, и сего воспославшии.

Запев. Уснув паки Тя провиде Иаков, от земли лествицу возносиму. Моисей же купину Тя виде очевидную, огнепалну, но не опалившу Владычице.

Слава. Увядают пламы естеством воды, и железу огнь, и каменю естество опаляет, купины же не опали. Тебе Благая приемлет разрешение огню непостоянному.

И ныне. Закон смертныи из внутрь прободе, иже купине Чистая терн, и гной излияв, иже в купине божественным огнем очистися, явльшимся Моисею Всенепорочная. Катавасия.
 

Песнь 5. Ирмос

К Тебе утренюю, милосердия ради в Самого падшаго, преложьшуся непреложно, и до страсти безстрастием преклоншуся слове Божии мир подаждь ми Человеколюбче.

Запев. Красен Дево Тя Плод, купина паче естества проявляет, огнем опаляема, и вся огненая с солнцем ясно просвещающи, от Тебе бо огнь облиставши непостоянныи.

Запев. Столп Дево огненыи Израиля наставляя к земли обетованней, мы же огнем купинным, к земли востицаем Тобою, еже о Бозе восприятия.

Слава. Солнца лучи, огнь купины омрачи Дево, Солнце бо славы Чистая, в Тебе посреде купины восия разумно, просвещая создание все.

И ныне. Синайския горы боговидцу, паки видение странно зрится паче естества. Купина бо яже горящи неопално прозябе Тя цвет Дево неувядаемыи. Катавасия.
 

Песнь 6. Ирмос

Ят бысть, но не удержан в персех китовех Иона, Твой бо образ нося. Пострадавша и погребению дана, яко из чертога от зверя исшед. Приглашаше же кустодии, иже хранящии суетная и лжю, милость вашу оставили есте.

Запев. Изощряется огнем купинным, ныне секира страстем и клятвам. Паки же ныне куется искушаемым оружие божественное, и ссекает весь, иже терновныи венец всякого возраста преступление Тобою Владычице.

Запев. От Бога погубляема зависть, огнь с небесе Илии испустися, и попали тук законнаго существа. Но купина не опали Тебе Владычице, огня сказа божественнаго в восприятие. Выше убо ума и паче естества не опалися.

Слава. Мечтается яко же в клещах Исаия благая угль божественыи восприимовав Богородителнице не опалився Непорочная, иже прописа Тя Пречистая, купину божественую Владычице.

И ныне. Ты пламень юным несоделанныи Пречистая, преже огнь вся пояде. Ныне же прохлаждь Тя соделанием, иже и купину показавыи огненеопальную, и соблюд Тя по рожестве всю целу Владычице, и огнем неопалившуся божественым. Катавасия.

Слава, и ныне. Кондак, глас 8-й. Предочистимся и мы божественно в Дусе, и на гору синайскую верою взыдем, да видим тамо купину огненосную, Девыя провозвещающу рожество. И видевше поклонимся (поклон) вси со страхом вопиюще, радуися Невесто неневестная.

Икос. Провиде пророк Моисей в Синаи Тя Дево, прежде огнем в неопальней купине, и видению чюдному удивися, и ужасеся видя Владычице, носящу огнь божественыя славы. Сего ради зовем Ти, радуися закону Дателя порождьшая. Радуися Света миру родившая. Радуися купино прохлаждающи разумы верных. Радуися яко просвещаеши сущыя во тме житейстей. Радуися яко помрачаеши попирателя миру. Радуися Свету незаходимому Родителнице. Радуися огня непостоянна приемнице. Радуися иже Тобою младенствовав Бог Слово. Радуися яко Тобою проклинается прелесть. Радуися Невесто неневестная.
 

Песнь 7. Ирмос

Неизреченное чюдо иже в пещи избавивыи преподобныя отроки из пламене, во гробе нове бездушно полагается на спасение нам поющим, Избавителю Боже благословен еси.

Запев. Пламенно окружие ин путь показа фезвитянину Илии, яко же огня неопаляюща Пречистая, в купине огнедухновенна явлена проявляя. Яко бо родити сугуба естеством, а не составом, Избавителя поющим, Боже благословен еси.

Запев. Свещеносно вседушно приидете, ныне разумно божественому, иже купины не опали незлобьством в вере свещи вжегши, глаголюще и поюще, Избавителю Боже благословен еси.

Слава. Во огнь вверже беззаконныи, благочестиваго огня служителя Владыце, но невредимы пребыша. Божественыи же огнь купину опаляя, но не опали, яко пети ны ведяща, Избавителю Боже благословен еси.

И ныне. Оружие ныне Тебе ради плещи дает огненое пречистая Владычице, яко божественыи огнь купину не опаляя. О Тебе учит ны в Дусе Святе, попаляеши бо страсти терновныя поющих, Боже благословен еси. Катавасия.
 

Песнь 8. Ирмос

Ужаснися бояися небо, и да подвижатся основания земли, се убо в мертвых вменяется, иже в вышних живыи, и во гробе мале полагается. Его же дети благословите, священнии пойте, и превозносите Его во веки.

Запев. Кто чюдеса Твоя Благая воспети может; пламы бо яко же пишет своих служитель, купину опаляет преславно, и неопалима показуется воображающи Рожество Твое, схождением показует.

Запев. Обогащьшися Всечистая, Его же полцы огненыя служители во страсе обходят, не возмогающе сего славы зрети. Вселибося в Твоя чресла, и не опали их, яко же и купину огнь не опали божественое слово Чистая.

Слава. Под кров Твой Чистая прибегающе, от всех искушении, и всякия избавляемся скорби, и вечнаго огня, в вере Рожество Ти хваляще еже неизглаголанно восия Боговидцу, купину горящу всю неопальну.

И ныне. Купину огнем неопалиму Пречистая Тя прозря пророк Моисей. Гору же пресенну, видев Тя боговидно Аввакум. Мы же верно взываем, попали терние страстей наших Дево, и кровом крилу Твоею покрый ны. Катавасия.
 

Песнь 9. Ирмос

Не рыдай о Мне Мати, зрящи во гробе, Его же во чреве без семене зачала еси Сына. Воскресну бо и прославлюся, и вознесу со славою немолчно яко Бог, иже верою и любовию Тебе величающия.

Запев с поклоном. С силы небесными, со ангелы и Престолы, с Херувимы и Серафимы, чюдо страшное огненеопалныя купины, воспоем поюще песнь трисвятую.

Запев. Превышьшу и превознесенную пламенных служитель и огненых Престол, страшнаго Царя Матерь воспоем, яко Богородителницу.

Слава. Весь распалаюся Благодатию Твоею, и любовию Ти приношу похвалную песнь, яко убо моя страсти попали Дево, огнь божественыи порождьши.

И ныне. Суща терния моих страстей попали Рождьшая иже выше естества венчаваемая Дево, и огня избави мя купино огненная и неопалимая. Катавасия.

Отпуст: Господи Исусе Христе, Сыне Божии, молитв ради пречистыя Твоея Матере, честнаго и славнаго явления чюдотворныя иконы Ея Пеопалимыя купины, и всех ради святых, помилуй и спаси нас, яко Благ и Человеколюбец. Аминь. Господи помилуй (трижды). Исходные поклоны.

+

Авторизация

* *
*

Регистрация

*
*
*
*

Проверочный код Time limit exceeded. Please complete the captcha once again.


Восстановление пароля