Чин причащения Великой водой


Б
лагословен Бог наш, всегда, и ныне и присно, и во веки веком. Аминь.

Царю Небесныи. Трисвятое и по Отче наш.

Яко Твое есть Царство и Сила и Слава, Отцу и Сыну и Святому Духу, ныне и присно и во веки веком. Аминь. 

Господи помилуй (12 раз). Слава и ныне. Приидите, поклонимся Цареви нашему Богу (поклон). Приидите, поклонимся Христу, Цареви и Богу нашему (поклон). Приидите, поклонимся и припадем к самому Господу Исусу Христу, Цареви и Богу нашему (поклон). 

Таже, Псалом 50. Помилуй мя Боже…

Таже, исповедание православныя веры (перекрестись без поклона): Верую во единаго Бога Отца, Вседержителя, Творца…

Тропари, глас 5.

Иже чашу имея неизчерпаемых сокровищ, даждь ми почерпсти воду сию во оставление грехов, яко утесняемь есмь жаждею, Благоутробне Господи и спаси мя.

Слава и ныне. Дево Чистая Слова полато, душу мою покажи дом Пресвятаго Духа, воды источника живоначальна напой мя, горением греха истаема, яко да подолгу славлю Тя.

Господи Боже наш, иже со Безначальным Ти Отцем сразумеваем, и Соприсносущным и Бзсмертным Духом спребывая, иже всякого освящения Датель, иже и прежде своим Крещением воды освятил еси. И ныне присно сих Твоим Святым призыванием освящая, сам и сею Святою Водою пришествием и действием Святаго Духа, сотвори рабу Твоему (имя рек), быти причащающуся, в просвещение души, во освящение телу, во умерщвение страстем, во отвержение лукавых помысл, во отложение лукаваго настояния, в хранило на всяку пользу прилучну. Яко да ея благодатию покрываем неврежен от всякаго навета пребудет, в славу Твоего Преблагаго и Святаго Имене, молитвами Пречистыя Ти Матере, Владычицы нашея Богородицы и всех святых, аминь.

Таже 3 поклона, глаголя тропарь Крещению.

Во Иордане крещающутися, Господи, Тройческое явися поклоняние. Родителев бо глас свидетельствоваше Ти, Возлюбленна Тя Сына именуя. И Дух в видении голубине, извествоваше словеси утвержение. Явлеися Христе Боже и мир просвещеи, слава Тебе.

Слава и ныне. Явился еси днесь вселенней, и свет Твой Господи знаменася на нас, иже в разуме поющих Тя. Прииде бо и явися Свет неприкосновенныи.

Молитва после причащения. Слава неизреченней, и не изследованней Ти благости. Слава премногому долготерпению Твоему, Слава благоутробию Твоему. Яко ныне мя грешнаго и недостойнаго раба Твоего, освящением сподобил еси, освященныя воды сея причастием, укрепи ми ея ради живот, и невредима всего соблюди. Неуловлена мя сопротивными соделай, непорабощена покажи мя нечистым помыслом. Всего мя обнови, всего во благая вождели делания. Всего впери ко Твоему желанию. Яко Ты еси сладость душам нашим, и Тебе славу возсылаем со Безначальным Ти Отцем, и со Пресвятым и Благим и Животворящим Ти Духом, ныне и присно и во веки веком, аминь.

Премудрость. Достойно есть. Слава и ныне. Господи помилуй дважды, Господи благослови. Отпуст Крещению: Крестивыися от Иоанна во Иордане…

+

Авторизация

* *
*

Регистрация

*
*
*
*

Проверочный код


Восстановление пароля