Праздник Крещения Господня (другое название — Святое Богоявление) — это двунадесятый православный праздник, который совершается ежегодно 19 января (6 января по старому стилю). Праздник Крещения Господня установлен в воспоминание события евангельской истории — Крещения Исуса Христа в Иордане от Иоанна Предотечи. Крещению Господню предшествует несколько дней предпразднества, а после него — попразднество. Все знают, что в этот день и накануне, в сочельник, бывает освящение воды. Обычно в эти дни в храм приходят даже те, кто обычно не посещает службы — «за водой».
——————————————————————
Общее начало и конец всем канонам →
Порядок чтения по уставу
——————————————————————
Тропарь, глас 1-й
Во Иордане крещающутися Господи, тройческое явися поклоняние, родителев бо глас свидетельствоваше Ти, возлюбленнаго Тя Сына именуя, и Дух в видении голубине, извествоваше словеси утвержение, явлеися Христе Боже, и мир просвещеи, слава Тебе.
Канон, глас 2-й
Песнь 1. Ирмос
Глубине открыл есть дно, и по суху Своих изводит, в ней погруж супостаты, крепкии во бранех Господь, яко прославися.
Запев: Слава Господи Богоявлению Твоему (поклон).
Адама истлевшаго обновляет водами иорданскими, и змием главы гнездящимся сокрушает, Царь веком Господь, яко прославися.
Запев. (Повторяем стих).
Слава. Огнем Божества невещественым, в плоть веществену одеявся, иорданскою облагается водою, воплощеися от Девы Господь, яко прославися.
И ныне. Скверну отмывая человеком, сими очищься во Иордане, им же восхотев уподобися, иже бяше пребыв, сущыя во тме просвещает Господь, яко прославися.
Катавасия: Сохрани от бед рабы Своя Милостиве, яко усердно к Тебе прибегаем к милостивому Избавителю и всех Владыце Господу Исусу (поклон). Господи помилуй (3 раза с поклонами).
Песнь 3. Ирмос
Крепость дая царю нашему Господь, и рог Христа Своего вознося, от Девы раждается, грядет же ко крещению. Тем вернии возопием, несть свят яко же Бог наш.
Запев. Неплодная древле и безчадная люте, днесь веселися Христова церкви. Водою и Духом, Сынове бо ти ся родиша, верою взывающе, несть свят, яко же Бог наш.
Запев. (Повторяем стих).
Слава. Велиим гласом в пустыни вопиет Предотеча, Христу уготовайте пути, и стези Богу нашему правы соделайте, верою взывающе, несть свят яко же Бог наш.
И ныне. (Повторяем стих). Катавасия.
Слава, и ныне. Ипакой, глас 5-й. Егда явлением Своим просветил еси всяческая, тогда сланое неверия море побеже, Иордан доле текии возвратися, к небеси возводя нас. Но высотою божественых заповедей Твоих соблюди Христе Боже, молитвами Богородицы, и помилуй нас.
Песнь 4. Ирмос
Слышашеся Господи глас Твой иже рече, глас вопиющаго в пустыни, яко возгремел еси над водами многими, Твоему свидетельствуяи Сыну. Весь быв сущему, Духом же возопи, Ты еси Христос, Божия сила и мудрость.
Запев. Очищаемо солнце кто виде, проповедник вопиет, пресветлаго естеством, да Тебе водами сияние славы Отчи, образ присносущаго омыю, и сено сыи огню прикоснуся Твоему Божеству; Ты еси Христос, Божия мудрость и сила.
Запев. (Повторяем стих).
Слава. Явися божественое, еже име благоговение Моисей прилучься Тебе. Яко бо в купине Тя возглашша разуме, абие отврати лице. Аз же како Тя вижу ясно; или како рукою косну Тя; Ты бо еси Христос, Божия мудрость и сила.
И ныне. Душевное свершая мудре, и словом почитаемь, бездушных стыжуся. Аще бо крещу Тя, клеветна ми есть огнем дымящаяся гора. Побегшее же море на двое, Иордан сице возвращься. Ты бо еси Христос, Божия мудрость и сила. Катавасия.
Песнь 5. Ирмос
Исус животу начальник, разрешити осуждения приходит, Адама первозданнаго. Очищения же яко Бог не требуя, падшаго очищает во Иордане, в нем же вражду убив, преимущь всяк ум, мир подавает.
Запев. Сшедшимся без числа людем, от Иоанна креститися, Сам посреде их ста. Провозгласи же предстоящим, кто показа непокоривии, гнева вам уклонитися, хотящаго быти; плоды достойны Христови сотворите, настоит бо ныне, и мир подавает.
Запев. (Повторяем стих).
Слава. Делатель же и Зиждитель посреде стоя, яко Един всех сердца испытает, очищения же лопату рукою прием, всемирное гумно премудро разлучая, неплодие паля, благоплодным вечныи живот дарует.
И ныне. (Повторяем стих). Катавасия.
Песнь 6. Ирмос
Глас словесе, светильник света, денница Солнцу Предотеча. В пустыни покайтеся, всем вопиет людем, и предочиститеся, се бо предстоит Христос, от тли мира избавляя.
Запев. Рождься нетленно от Бога и Отца, от Девы кроме скверны воплощается Христос. Ему же встуг иже от нас словеси сочтания, решити неудобь учит Предотеча, земнородныя от льсти избавляя.
Запев. (Повторяем стих).
Слава. Огнем крестит конечным Христос противныя, а не богомудрствующих Его. Духом же обновляет водою благодати, разумливыя Божества Его, от прегрешении избавляя.
И ныне. (Повторяем стих). Катавасия.
Слава, и ныне. Кондак, глас 4-й. Явился еси днесь вселенней, и свет Твой Господи знаменася на нас, в разуме поющих Тя, прииде и явися свет неприкосновенныи.
Икос. Галилейску языку, завулоне стране, и неффалимле земли, яко же рече пророк: Свет велик восия Христос, омраченым светла явися заря, из Вифлеема облистающи, паче же из Марии Господь, всей вселенней восияет заря солнце правде. Темже иже от Адама назии, приидите вси облечемся в онь, да согреемся, покрывает бо нагия, и просвещает темныя, прииде и явися Свет неприкосновенныи.
Песнь 7. Ирмос
Юноши благочестивыя в пещь огненную влезша, шумящь дух хладен невредимы сохрани, и Божия Ангела схождение. Темже в пламени прохлаждаеми благодарственно воспеваху, препетыи отцем Господь и Бог благословен еси.
Запев. Яко же на небеси с трепетом и чудом, предстояху во Иордане силы Ангельския, смотряюще толика Божия схождения: яко держаи превышних вод состав, в водах плотоносец стояше, Бог отец наших.
Запев. (Повторяем стих).
Слава. Облак древле и море, божественаго проображаху крещения чудо, в них же древнии крестишася, исходяще законнии людие: море же бе образ воде, и облак Духови. Ими же совершаеми поем, благословен еси, зовуще, Господи Боже во веки.
И ныне. Вси вернии, о нем же совершение прияхом, богословяще немолчно со Ангелы, прославим Отца, и Сына, и Духа Святаго: се бо Троица составми единосущная, един же Бог, Ему же поем, благословен еси Господи Боже во веки. Катавасия.
Песнь 8. Ирмос
Тайну преславну вавилонская показа пещь, источшая хлад, яко струя хотяше невещественныи огнь прияти, Иордан стерпети плотию крестима Зиждителя, Его же благословят людие, и превозносят во вся веки.
Запев. Отложи страх весь, Избавитель Предотечи изрече, Мне же повинися, яко благому, Мне приступи, се бо естеством бых, Моим повелением покорися, и крести Мя сшедшаго, Его же благословят людие, и превозносят во вся веки.
Запев. (Повторяем стих).
Слава. Глаголы яко же услыша Креститель Владычни, с трепетом длань простирает. Обаче же рукою коснувся версе Зиждителя своего, Крещшемуся вопияше: освяти мя, Ты бо еси Бог мой, Его же благословят людие, и превозносят во вся веки.
И ныне. Троицы явление во Иордане бысть: тамо бо пребожественое естество Отец возгласи. Сей крещаемыи Сын возлюбленныи мой. Дух же прииде к подобному, Его же благословят людие, и превозносят во вся веки. Катавасия.
Песнь 9. Ирмос
Недоумеет всяк язык хвалити Тя достойно, низумеет же ум премирныи пети Тя Богородице. Обаче Блага сущи веру приими, ибо любовь веси Божественую нашу: Ты бо християном еси Предстательнице, и Тебе величаем.
Запев с поклоном. Давыде, прииди духом к просвещеным. Ныне приступите, пой к Богу верою, глаголя, просветитеся, се нищии возва, Адам в падении: ибо того услыша Господь, пришед струями Иорданскими, тленнаго же обнови.
Запев. (Повторяем стих).
Слава. Исаия, измыйтеся и очиститеся глаголет, лукавствия пред Господем оставите, жаждущии на воду живу идите: кропит бо водою обновляя Христос, приступающыя к Нему верою, и к Животу нестареющемуся, крещает Духом.
И ныне. Соблюдаемся благодатию вернии, и печатию. Яко бо губителя бежаша прага жидове, древле окровавлена: тако и нам, исходное божественое се, паки бытия баня будет, отсюду и Троицы узрим свет незаходимыи. Катавасия.
Задостойник: О, выше ума рожества Ти чудес, Невесто пречистая, Мати благословеная, Ею же получивше совершеное спасение. Достойно поем яко Благодетелю, дары носяще пение благодарения. (Поклон земной).
Отпуст: Крестивыися от Иоанна во Иордане, Господи Исусе Христе Сыне Божии, молитв ради пречистыя Твоея Матере, и всех святых, помилуй и спаси нас, яко Благ и Человеколюбец. Аминь.