Канон Вербному воскресению

Вход Господень в Иерусалим (Неделя ваий, Вербное воскресение) — двунадесятый праздник, который совершается в шестое воскресенье Великого поста и установлен в воспоминание торжественного входа Господня в Иерусалим. Праздник этот переходящий, то есть дата его каждый год меняется и зависит от Пасхи. С Вербного воскресенья начинается Страстная седмица — последняя и самая важная часть Великого поста.
 

——————————————————————

Общее начало и конец всем канонам →
Порядок чтения по уставу
——————————————————————
 

Тропарь, глас 1-й

Общее воскресение прежде Своея страсти уверяя, из мертвых воздвигл еси Лазаря Христе Боже. Тем же и мы яко отроцы, победныя образы носяще, Тебе Победителю смерти вопием, осанна в вышних благословен грядыи во имя Господне. (2 раза). Слава, и ныне.

Тропарь, глас 4-й.

Спогребшеся Тебе крещением Христе Боже наш, безсмертныя жизни сподобихомся воскресением Твоим, и воспевающе зовем, благословен грядыи во имя Господне.
 

Канон, глас 4-й
 

Песнь 1. Ирмос

Явишася источницы бездны, югу непричастни, и открышася моря волнующася основания бурею, манием бо запретив ему, избранныя же люди спасл еси поюща, победную песнь Ти Господи.

Запев: Слава Тебе Боже наш, слава Тебе (поклон).

Изо уст младенец незлобивых и ссущих, хвалу Твоих раб свершил еси. Разрушити супостата, и отмстити страстию Креста, падение древняго Адама, древом же воздвигнути сего поюща, победную песнь Ти Господи.

Запев. (Повторяем стих).

Слава. Пение церкви преподобных, живущему в Сионе, Тебе Христе приносит, о Тебе же Израиль Творце своем радуется, и горы языцы противнии закону и каменосердечнии, от лица Ти возвеселишася, и поюще победную песнь Ти Господи.

И ныне. (Повторяем стих).

Катавасия: Сохрани от бед рабы Своя Милостиве, яко усердно к Тебе прибегаем к милостивому Избавителю и всех Владыце Господу Исусу (поклон). Господи помилуй (3 раза с поклонами).
 

Песнь 3. Ирмос

Точащь несекомыи повелением Твоим, твердыи ссавше камень израильстии людие. Камень же Ты еси Христе и Жизнь, на Нем же утвердися церковь зовущи, осанна благословен еси грядыи.

Запев. Мертвеца четверодневна повелением Твоим, из мертвых с трепетом ад испусти Лазаря. Воскресение бо Ты еси Христе и Жизнь, о Нем же утвержена бысть церкви зовущи, осанна благословен еси грядыи.

Запев. (Повторяем стих).

Слава. Воспойте людие боголепно в Сионе, и молитву воздадите Христу во Иеросалиме, Сам грядет во славе со областию, о Нем же утвердися церкви зовущи, осанна благословен еси грядыи.

И ныне. (Повторяем стих). Катавасия.

Слава, и ныне. Ипакой, глас 8-й. С ветвьми воспевше первее, последи с древесы яша неразумивии иудее Христа Бога. Мы же верою непреложною присно почитающе, яко благодателя, всегда поюще вопием Ему, благословен еси грядыи Адама воздвигнути.
 

Песнь 4. Ирмос

Христос грядыи яве Бог наш, приидет и не закоснит, из горы присенныя часты, Девы раждающия неискусомужныя, пророк древле рече. Темже вси вопием, слава силе Твоей Господи.

Запев. Да каплют облацы веселие крепко, на масличней горе, и вси холми, и древа дубравная да воспоют Христа, хваляще с языки. Тому вси людие вопием, слава силе Твоей Господи.

Запев. (Повторяем стих).

Слава. В крепости царьствуяи вечныи Господь, оболчен приидет, сего убо красоты же и славы, несказанно есть благолепие в Сионе. Тем же вси вопием, слава силе Твоей Господи.

И ныне. Пядию измеривыи небо, дланию же землю, Господь прииде. Сиона бо избра, в том жити и царьствовати изволи, и возлюби люди верно поющия, слава силе Твоей Господи. Катавасия.
 

Песнь 5. Ирмос

На Сион гору взыди, благовествуяи, и Иеросалиму проповедуяи, крепостию вознеси глас, преславная глаголашася о тебе граде Божии, мир на Израиля и спасение языком.

Запев. Иже в вышних седяи на херувимех Бог, и призираяи на смиренныя, Той грядет во славе со областию, да исполнятся всяческая божественыя хвалы Его, мир на Израиля, и спасение языком.

Запев. (Повторяем стих).

Слава. Сионе, горо Божия святая, Иеросалиме окрест очи твои возведи, и виждь собранная чада твоя в тебе, се бо приидоша издалеча поклонитися Царю твоему, мир на Израиля, и спасение языком.

И ныне. (Повторяем стих). Катавасия.
 

Песнь 6. Ирмос

Возопиша с веселием праведных дуси, ныне мирови завет нов завещается, и кроплением да обновятся людие, божественою кровию.

Запев. Приими Израилю Божие Царство, и пребываяи во тме, свет да узриши велик, и кроплением да обновятся людие, божественою кровию.

Запев. (Повторяем стих).

Слава. Разрешены своя юзники Сионе испусти, и от рова неведения безводна возведи, и кроплением да обновятся людие, божественою кровию.

И ныне. (Повторяем стих). Катавасия.

Слава, и ныне. Кондак, глас 6-й. На престоле на Небеси, на жребяти на земли носимь Христе Боже, от Ангел хваление, и от детей воспевание приимаше, зовущих Ти, благословен еси пришедыи Адама воздвигнути.

Икос. Понеже ада связав, и смерть умертвил еси, и мира воставил еси, с ваием отроцы восхваляху Тя Христе яко Победителя, и вопиюще Ти днесь, осанна Сыне Давыдов. Не к тому бо рече, закалаются младенцы, за Младенца Мариина, но за вся и младенцы и старцы, Един распинаешися, и к тому на нас не вместится мечь. Твоя бо ребра прободутся копием, тем же радующеся глаголем, благословен еси грядыи Адама воздвигнути.
 

Песнь 7. Ирмос

Спасыи во огни авраамския си дети, и халдеи убивыи яже без правды праведныя уловляху, препетыи Господи Боже отец благословен еси.

Запев. Поклоняющеся людие, и со ученики радующеся, с ваиями осанна Сыну Давыдову зовяху, препетыи Господи Боже отец благословен еси.

Запев. (Повторяем стих).

Слава. Неискусозлобное множество, еще младенствующее естество, боголепно Тя Царя израилева отрочески пояху, препетыи Господи Боже отец благословен еси.

И ныне. С ваиями Тя Христе, и ветвьми хваляще множество, благословен пришедыи Царь веком вопияху, препетыи Господи Боже отец благословен еси. Катавасия.
 

Песнь 8. Ирмос

Веселися Иеросалиме, торжествуйте любящии Сиона, царьствуяи бо во веки Господь силам прииде, да говеет от лица Его вся земля, и да вопиет, благословите вся дела Господня Господа.

Запев. На жребя младо всед, царствуяи тобою Сионе Христос, прииде бо безсловесную идольскую прелесть разрушити, и неудержанное стремление уставити всех языков, во еже пети, благословите вся дела Господня Господа.

Запев. (Повторяем стих).

Слава. Бог твой Сионе, радуися зело, царствуяи бо во веки Христос, Сей яко же пишет, кроток и спасаяи, праведный Избавитель наш прииде на жребяти, конечное вражие убити шатание, Ему же вопием, благословите вся дела Господня Господа.

И ныне. Оскуде божественых даров, законопреступное сонмище непокоривых: дом бо молитвы Божия, вертеп сотвориша разбойническ, и от сердца Избавителя отринувше, Ему же поем, благословите вся дела Господня Господа. Катавасия.
 

Песнь 9. Ирмос

Бог Господь и явися нам, составите праздник, и радующеся приидите. Возвеличим Христа, с ваиями и ветвьми, песньми зовуще, благословен грядыи во имя Господа Спаса нашего.

Запев с поклоном. Языцы почто шатаетеся писаньми; и священницы почто тщетным поучистеся; кто Сей рекше, Ему же дети с ваиями и ветвьми и песньми зовут: благословен грядыи во имя Господа Спаса нашего.

Запев. (Повторяем стих).

Слава. Се убо Бог наш, Ему же никто же подобен: праведен всяк путь изобрет, и даде возлюбленному Израилю. По сих же с человеки поживе и явлься: благословен грядыи во имя Господа Спаса нашего.

И ныне. Соблазны стези, что близ вы положисте непокоривии: ноги ваша скоры кровь излияти Владычню. Но воскреснет всех спасти зовущих: благословен грядыи во имя Господа Спаса нашего. Катавасия.

Задостойник: Бог Господь и явися нам, составите праздник, и радующеся приидите. Возвеличим Христа, с ваиями и ветвьми, песньми зовуще, благословен грядыи во имя Господа Спаса нашего. (Поклон земной).

Отпуст: Пришедыи во град Иеросалим, и хвалу прием от детей еврейских, Господи Исусе Христе Сыне Божии, молитв ради пречистыя Твоея Матере, и всех святых, помилуй и спаси нас, яко Благ и Человеколюбец. Аминь.

+

Авторизация

* *
*

Регистрация

*
*
*
*

Проверочный код Time limit exceeded. Please complete the captcha once again.


Восстановление пароля