Сорок святых великомучеников пострадали за Христа в IV веке в армянском городе Севастии от язычников. Они были родом каппадокийцы и представляли собой воинскую дружину. Когда им предложено было принести жертву идолам и отречься от Христа, воины непоколебимо избрали мученичество вместо измены Господу.
Святых мучеников подвергали тяжким истязаниям, желая сломить их веру во Христа. Затем в сильный мороз их привели к озеру, раздели, поставили на ночь под стражей на лед, а недалеко от этого места разогрели баню. Один из воинов не вынес страданий и направился к бане, но, войдя в нее, сразу же скончался. Господь послал отраду Своим угодникам: лед растаял, вода стала теплой. Стражники спали, не спал только один из них по имени Аглай. Он увидел над головами мучеников венцы, которых насчитал тридцать девять, и понял, что бежавший воин лишил себя венца. Этот стражник-язычник убедился в истинности христианской веры. Разбудив остальных стражников, он исповедал себя христианином и пошел на страдание вместе с воинами-христианами. Утром мучители были удивлены, что эти мужественные исповедники живы, и умертвили их, перебив им голени.
Будем чаще молиться канон святым великомученикам четыредесяти, прося их укрепить нашу веру во Христа и быть молитвенными ходатаями перед Господом о вечном спасении наших душ. Память св. великомученикам четыредесяти 9 марта (22 марта по гражданскому стилю).
——————————————————————
Общее начало и конец всем канонам →
Порядок чтения по уставу
——————————————————————
Тропарь, глас 1-й
Страстьми святых, яже по Тебе прияша, умолен буди Господи. И вся наша болезни и страсти тех ради исцели, Человеколюбче молимся. (Дважды).
Слава, и ныне. Богородичен. Гавриилу провещавшу Ти Дево, еже радуися. И со гласом воплощашеся всех Владыка, в Тебе святем киоте, яко же рече праведныи Давыд. Явися пространнейши небес, поносивши Зиждителя Своего. Слава всельшемуся в Тя. Слава прошедшему ис Тебе. Слава свободившему нас рожеством Своим.
КАНОН, глас 2-й
Песнь 1. Ирмос
Грядите людие, поем песнь Христу Богу, раздельшему море, и наставльшему люди, яже испусти из работы египетския, яко прославися.
Запев: Святии великомученицы четыредесяте, молите Бога о нас (поклон).
Боговенчанныи полк пою мученик Христовых, богодухновенными песньми, четыредесятих, молебную память светло торжествуяи, яко прославися.
Запев. На земли всего отвергшеся, именования изволиша четыредесяте христоименитое звание. Им же в вышних ныне живут.
Слава. Иже о Христе плоти и мира возненавидевше, ветхаго убо человека совлекостеся, со временною одеждею. Во одежду же нетления облекостеся.
И ныне. Богородичен. Кто изрещи Твое по достоянию может, паче слова зачатие; Бога бо родила еси плотию Пречистая, явльшася Спаса всем нам.
Катавасия: Избавите от бед рабы своя, святии великомученицы четыредесяте, яко вси по Бозе к вам прибегаем, вы бо молите о нас Христа Бога нашего (поклон). Господи помилуй (трижды с поклонами).
Песнь 3. Ирмос
Утверди нас Собою Господи, древом умерщвлеи прегрешения. И страх Твой всади в сердца наша, яко милосерд.
Запев. Воиньство и жизнь, и красоту телес, и богатьства небрегше славнии четыредесяте. Христа вместо всех наследоваша.
Запев. Камением без щадения четыредесяте, повелением биемы мучителевым. Метания Божиим Духом, на повелевающих возвращахуся.
Слава. Глаголаше на Самого, мучителевыми усты змий Зиждителя хулу, но того богоборная уста, теми иже на мученики каменьми сокрушаются.
И ныне. Богородичен. Без семене во утробе Бога зачала еси, и рождьши несказанно воплощьшася. Нань же зрети не смеют Чистая, небесныя силы присно Дево. Катавасия.
Седален, глас 8-й. Христови ввоиньшеся мученически, врага низложиша страдальчески. Делом скончавше пророка глаголы, сквозе огнь и воду мужески проидосте, покой обретше жизнь нетленную.
Тем же небесными украшьшеся венцы, с лики веселитеся небесных сил, страстотерпцы прехвалнии. Молите Христа Бога, грехов оставление даровати, чтущим любовию святую память вашу.
Слава, и ныне. Богородичен. В напасти многоплетенныя впад, от враг видимых и невидимых, бурею одержимь есмь, безмерных прегрешении моих. И яко к теплому заступлению, и покрову моему Пречистая, к пристанищу притекаю Твоея благости. Тем же пресвятая, ис Тебе воплощеннаго без семене, моли о всех рабех Твоих, непрестанно поющих Тя Богородице пречистая. Молящи Того прилежно, прегрешением оставление даровати, поклоняющимся верою рожеству Твоему (поклон).
Песнь 4. Ирмос
Услышах Господи слух Твоего смотрения, и прославих Тя, едине Человеколюбче.
Запев. Умовредуете глаголаху страдальцы, странную тщету, дар простирающе пребезбожнии.
Запев. Изощреныи мечь, и звери и огнь, и распятие святым, Христовы гонители простирааху.
Запев. Страшен нам, глаголаху страдальцы огнь геенскии. Нынешняго же яко клеврета не убоимся.
Слава. Да отъяты будут руки, сожжена же буди нога святии вопияаху. Нетленны бо сия паки приимем.
И ныне. Богородичен. Молим Тя Чистая, юже Бога без семене заченшую, присно молитися за рабы Твоя. Катавасия.
Песнь 5. Ирмос
Света подателю, и веком творче Господи, во свете Твоих повелении настави нас. Разве бо Тебе иного Бога не знаем.
Запев. Неистовством несмысленых гонителей, страдалцы под воздухом, обнощь в студени стояти, осуждени бывше. Воспеваху пение Богу благодарьствено.
Запев. Радующеся четыредесяте Христовы мученицы, болезненыи претерпевше мраз. Во езере стояще, надеждею божественых венец укрепляеми.
Слава. Смех предлагается, четыредесятем Христовым мучеником, удавлен быв, иже прежде гнездяися в водах змий. От губителныя бо крепости отъят бысть.
И ныне. Богородичен. Тебе рождьшей Христа всех Зиждителя зовем, радуися Чистая. Радуися восиявшая свет нам. Радуися вмещьшая Бога невместимаго. Катавасия.
Песнь 6. Ирмос
В бездне греховней одержим, неизследную милосердия Твоего призываю бездну. От тля Боже мой возведи мя.
Запев. Радуяся началник злобе восхити, яко же от двоюнадесяте Июду окаяннаго, и от Едема человека, от четыредесяте отпадшаго.
Запев. Безстуден сыи всуе шатаяся, яко же бо разбойником, и Матфеем первие, тако и ныне мучитель, стрегущаго званием осудися.
Слава. Суемудреныи и рыдания достоин, иже животу обою погреши. Огнем бо растаяся и ко огню изыде негасимому.
И ныне. Богородичен. Неискусомужно Дево родила еси, и вечнуеши Девая являющися, истиннаго Божества, Сына и Бога Твоего образы. Катавасия.
Слава, и ныне. Кондак, глас 6-й. Все воиньство мира оставльше, на Небесех Владыце прилепистеся, страстотерпцы Господни четыредесяте. Сквозе бо огнь и воду прошедше блаженнии, достойно приясте славу с Небес, и венец множество.
Икос. Иже на Престоле неприступнем седящему, простершему небо яко кожу, и землю утвердившему, и собравшему воды в соньмы их, и вся от несущих сотворшему быти, и всем дающу дыхание и живот, и приемлющему от архангел пение, и от ангел покланяемому, и от всех славиму, Христу Вседержителю, Зиждителю и Богу нашему припадаю недостойныи, принося свое моление Слова благодать прося. Да возмогу благочестно пети и аз святыя, их же Сам показа победителя. Даровав им славу с Небес, и венец множество.
Песнь 7. Ирмос
О теле злате на поли Деире служимем, трие отроцы не радиша о безбожнем велении, но посреди пламене ввержени, прохлаждаеми пояаху: благословен еси Боже отец наших.
Запев. Дивяся зря венцы стражник четыредесяте, и отринув любожизненое, вперися любовию явленныя Ти славы. И с мученики пояше: благословен еси Боже отец наших.
Запев. В баню притек душетленну, умерщвяется жизнолюбныи. Христолюбец же, хищник изряден видим быв, яко же в бани нетления, с мученики пояаше: благословен еси Боже отец наших.
Запев. Огню мысленому возжену, во уме четыредесятим, многокозненое нечестивых попаляшеся безумие, яко же некии воск таемь. Тебе же Христе воспевааху: благословен еси Боже отец наших.
Слава. Яко зело светла, боголепна же Христе крестная сила, сопротивно венец плетущи четыредесятим мучеником. Воду бо и огнь прошедше в нетлении зовут: благословен еси Боже отец наших.
И ныне. Богородичен. Тя купину Моисей, в горе Синайстей огнем горящу Чистая предзряше, понесшую неопално, непостоянную зарю, неизреченнаго существа. Соединшуся толстоте плотьстей, Единой иже в Неи, святым составом. Катавасия.
Песнь 8. Ирмос
В пещь огненую к детем еврейским сошедшаго, и пламень на росу преложьшаго Бога, пойте вся дела Господа, и превозносите Его во веки.
Запев. Неистовно страдальцем, воздвигнув враг всяко умышление, всеми постыдеся. Четыредесяте бо непрестанно поют Господа, и превозносят во вся веки.
Запев. Немилостивно по Христе телес ваших уды сокрушьшеся, всесожжение божествено принесостеся Богови. Со ангелы присно ликуете мученицы, поюще Христа во веки вся.
Запев. Крепостию смысла, его же роди на рамо вземши, христолюбивая мати, благочестия плод приносит, с мученики мученика, священнодейству Авраамову подобящися.
Слава. К непрестанней жизни, правоточно о сыне приими сошествие, христолюбивая мати, христолюбивому детищу вопияаше: не терплю тебе второе, подвигоположнику Христу явитися.
И ныне. Богородичен. Иже в недрех Отчих, неотступнаго Сына суща в вещественем чреве Ти всельшася Чистая, поем Дево Богоневесто, и превозносим во вся веки. Катавасия.
Песнь 9. Ирмос
Иже от Бога Бога Слова, неизреченною мудростию, сошедшаго обновити Адама, ядию тления падшаго зле, и от Святыя Девицы неизреченно воплощьшася нас ради, вернии единомудрено песньми величаем.
Запев с поклоном. По Христе обнажившеся, и камением биени бывше, воздушную претерпесте зиму. Водныи лед, и сокрушение удом, и огнем опальшеся, в речней сияете быстрине издалеча, яко же светила мученицы четыредесяте.
Запев. Жезл силы божественыя, крест стяжавше, вопияаху Христови страдалцы четыредесяте, Владыко всесилныи победителю, рукою Ти да венчаемся. Да вси Тя песньми непрестанно величаем.
Запев. Яко болезнен убо лед, и яко безмерна лютость, юже претерпесте мраза, но сладок Рай. Авраамово бо недро патриарха греет вас, в селех вечных мученицы четыредесяте.
Слава. Победивше страданьми, и венцы приемше, от божественыя Владычни десницы, ныне даровати молитеся мир мирови, победы державе нашей, и нам спасение, мученицы четыредесяте.
И ныне. Богородичен. Невесто Мати Дево, ангельская множества Твоего молят Сына, приими моление наше, едина надежде верным. Мир мирови, и победы державе нашей, и нам спасение Тебе поющим даруй. Катавасия.
Отпуст: Господи Исусе Христе, Сыне Божии, молитв ради пречистыя Твоея Матере, и святых четыредесятех великомученик, и всех ради святых, помилуй и спаси нас, яко Благ и Человеколюбец. Аминь. Господи помилуй (трижды). Исходные поклоны.