Канон Вознесению Господню

Вознесение Господне — подвижный двунадесятый праздник, совершаемый в сороковой день после Пасхи, то есть он всегда бывает в четверг шестой недели после Пасхи. В этот день вспоминается, как после воскресения Исус Христос привел своих учеников на Елеонскую гору и вознесся на небо, а также дал обещание о Своем втором пришествии. Этот праздник, установленный еще во времена апостолов, ежедневно вспоминают все православные христиане, читая Символ Веры.
Празднуем через 40 дней после Пасхи.
 

——————————————————————

Общее начало и конец всем канонам →
Порядок чтения по уставу
——————————————————————
 

Тропарь, глас 4-й

Вознесеся во славе Христе Боже наш, радость сотворив учеником Своим обетованием Святаго Духа, извещение приемше яве благословения ради, яко Ты еси Сын Божии Избавитель миру.
 

Канон, глас 5-й
 

Песнь 1. Ирмос

Спасителю Богу, в мори люди немокрыми стопами наставльшу, и фараона с вои потопльшу, Тому Единому воспоем, яко прославися.

Запев: Слава Господи Вознесению Твоему (поклон).

Воспоем вси людие иже на раму херувимску, вознесшуся со славою Христу, и спосадившу нас одесную Отца, песнь победную яко прославися.

Запев. (Повторяем стих).

Слава. Ходатая Богу и человеком Христа, лицы Ангельстии видевше с плотию в вышних, удивляхуся, согласно же воспеваху пение победное, яко прославися.

И ныне. (Повторяем стих).

Катавасия: Сохрани от бед рабы Своя Милостиве, яко усердно к Тебе прибегаем к милостивому Избавителю и всех Владыце Господу Исусу (поклон). Господи помилуй (трижды с поклонами).
 

Песнь 3. Ирмос

Силою Креста Твоего Христе, утверди мое помышление, яко пети и славити, спасительное Твое Вознесение.

Запев. Возшед Жизнодавче Христе ко Отцу, и вознесл еси род наш Человеколюбче, неизреченным благоутробием Своим.

Запев. (Повторяем стих).

Слава. Чини Ангельстии, человеческое естество видевше Спасе совосходимо, Тебе непрестанно удивляеми славляху.

И ныне. Ужасахуся Ангельстии лицы Христе, зряще Тя с телесем вознесшася, и воспеваху Святое Твое Вознесение. Катавасия.

Слава, и ныне. Седален, глас 8-й. Вседе на облаки небесныя, оставив мир сущим на земли, взыде и седе одесную Отца, яко единосущен Сему сыи и Духу. Аще бо и плотию явися, но непреложен пребыл еси, темже и чаем совершению конца, оттуду грядуща судити всяческим. Тогда правосуде Господи пощади душа наша, и согрешении оставление даруй яко Бог милостив рабом Своим.
 

Песнь 4. Ирмос

Услышах слух силы Креста, яко Рай отверзеся Его ради, и возопих, слава силе Твоей Господи.

Запев. Вознесыися во славе, иже Ангелом царю, Утешителя нам от Отца посли. Темже вопием Ти, слава силе Твоей Господи.

Запев. (Повторяем стих).

Слава. Яко взыде Спас ко Отцу с плотию, удивишася Ему Ангельская воинства, и возопиша, слава силе Твоей Господи.

И ныне. Горния силы горнейшим вопияаху, врата возмите, Христу нашему Царю, Его же воспеваем вкупе со Отцем и Духом. Катавасия.
 

Песнь 5. Ирмос

Утренююще вопием Ти, Господи спаси нас, Ты бо еси Бог наш, разве бо Тебе иного не знаем.

Запев. Ангельския силы, вземлема Тебе видевше, врата взываху Царю нашему возмите.

Запев. (Повторяем стих).

Слава. Исполнив веселия всяческая Милостиве, к горним силам с плотию пришел еси.

И ныне. Апостоли видевше возвышаема Спаса, с трепетом взываху, Царю нашему слава Тебе. Катавасия.
 

Песнь 6. Ирмос

Обыде мя бездна, гроб же ми кит бысть. Аз же возопих к Тебе Человеколюбче, и спасе мя десница Твоя Господи.

Запев. Взыграшася апостоли, зряще на высоту днесь Зиждителя возносима, упованием Духа, и со страхом зовяху, слава восходу Твоему.

Запев. (Повторяем стих).

Слава. Яко видеша Тя Спасе наш вышния силы, на высоту вземлема с телом, взываху глаголюще, велико Владыко человеколюбие Твое.

И ныне. Предсташа Ангели, вопиюще Христе учеником Твоим, им же образом видесте Христа восходяща с плотию, паки приидет праведен, иже всем Судия. Катавасия.

Слава, и ныне. Кондак, глас 6-й. Еже о нас совершив смотрение, и яже на земли соединив с небесными, вознесеся во славе Христе Боже наш, и никако же отлучаяся, но пребывая неотступно, и вопия любящим Тя, Аз есмь с вами, и никто же на вы.

Икос. Иже земная на земли оставивше, и пепельных персти уступающе, приидите воспрянем, и на высоту возведем очи и разумы, вперим виды вкупе и чувства, на небесная врата смертнии, непщуем быти на масличней горе, и взирати ко избавляющему на облацех носиму. От онуду бо Господь на Небеса вознесеся, оттуду и даролюбезны дары раздая апостолом Своим, утешив я яко Отец, и возопив им, наставих вы яко сыновы, и рече к ним, не отлучаюся вас, Аз есмь с вами и никто же на вы.
 

Песнь 7. Ирмос

Иже в пещи огненей, песнословесники спасыи дети, благословен Бог отец наших.

Запев. На раму Спасе заблудившее взем естество вознесеся, Богу и Отцу приведе.

Запев. (Повторяем стих).

Слава. Иже на облаце света вознесыися, и спасе мира, благословен Бог отец наших.

И ныне. (Повторяем стих). Катавасия.
 

Песнь 8. Ирмос

Из Отца прежде век рожденаго Сына и Бога, и в последняя лета воплощена из Девы Матере, священнии пойте, людие превозносите Его во веки.

Запев. Иже во двою существу возлетевшаго Жизнодавца Христа на Небеса со славою, и Отцу соседяща, священнии пойте, людие превозносите Его во веки.

Запев. (Повторяем стих).

Слава. Иже от работы идольския тварь избавившаго, и представивша ту свободну Своему Отцу: священнии пойте, людие превозносите Его во веки.

И ныне. Иже Своим сошествием низложившаго сопостата, и Своим возшествием прославивши человека, священнии пойте, людие превозносите Его во веки. Катавасия.
 

Песнь 9. Ирмос

Тя паче ума и словесе Матерь Божию, в лето безлетнаго неизреченно рождьшую, вернии единомудрено, песньми величаем.

Запев с поклоном. Тебе Избавителя миру Христа Бога, апостоли видяще божествено возвышаема, со страхом играюще величаху.

Запев. Тебе сошедшаго даже до последних земли, и человека спасша, и вознесением Своим возвысивша сего, величаем.

Слава. Твою обожившуюся плоть, зряще Христе на высоте Ангели, друг ко другу глаголаху, воистину Сей есть Бог наш.

И ныне. Богородичен. Радуися Богородице Мати Христа Бога, Его же родила еси, днесь от земли возносима, со апостолы зряще возвеличила еси. Катавасия.

Задостойник: Тя паче ума и словесе Матерь Божию, в лето безлетнаго неизреченно рождьшую, вернии единомудренно, песньми величаем. (Поклон земной).

Отпуст: Иже во славе вознесыися на небеса, Господи Исусе Христе Сыне Божии, молитв ради пречистыя Твоея Матере, и святых славных и всехвальных апостол, и всех святых, помилуй и спаси нас, яко Благ и Человеколюбец. Аминь.

+

Авторизация

* *
*

Регистрация

*
*
*
*

Проверочный код Time limit exceeded. Please complete the captcha once again.


Восстановление пароля