Канон Пресвятой Богородице, знамения от ея иконы в Новгороде

Каноны Богородице, Русская вера, 2017

В 1170 году Великому Новгороду угрожали суздальцы вместе с воинскими отрядами других русских князей. Жители города со слезами стали просить Господа о заступничестве. На третью ночь всеобщей молитвы Архиепископ Новгородский Илия услышал небесный голос, повелевавший ему вынести на городскую стену икону Пресвятой Богородицы из Спасо-Преображенской церкви. Когда торжественно переносили икону, завоеватели выпустили множество стрел на участников Крестного хода. Одна из них вонзилась в икону прямо в лик Пресвятой Богородицы. Из глаз Богоматери потекли слезы, и икона чудесным образом повернулась ликом к городу. Это привело врагов в ужас и смятение, они стали воевать между собою. Тогда новгородцы бесстрашно вступили в сражение с нашественниками и победили их.

В память этого чудесного заступничества Пресвятой Богородицы, явленного новгородцам, Церковь установила праздник 27 ноября (10 декабря по гражданскому стилю). Молясь нижепомещаемый канон этого праздника, будем надеяться на помощь Пречистой Владычицы, когда мы подвергаемся нападкам врагов.
 

------------------------------------------------------------------

Общее начало и конец всем канонам →
Порядок чтения по уставу
------------------------------------------------------------------
 

Тропарь, глас 4-й

Яко необоримую стену и источник чюдес, стяжавше Тя раби Твои Богородице пречистая, сопротивных ополчения низлагаем. Тем же молим Тя, мир граду Твоему даруй, и душам нашим велию милость. (Дважды).

Слава, и ныне (повторяем тропарь).
 

КАНОН, глас 6-й
 

Песнь 1. Ирмос

Волною морскою скрывшаго древле гонителя мучителя, под землею скрыша спасеных дети. Но мы яко отроковица Господеви поем, славно бо прославися.

Запев: Пресвятая Госпоже Богородице, услыши молитву раб Своих, молящихся Тебе (поклон).

Да радуется радостию, божественое множество Нова града днесь, зряще теплую Заступницу, странну победу дарующу на сопротивных, и да поет божествеными песньми.

Запев. (Повторяем стих).

Слава. Яко же лествицу превысоку зрим днесь икону Твою Дево всенепорочная. Юже сопротивне зрящии, конечней слепоте предашася. Мы же к ней верне взирающе, от бед избавляемся.

И ныне. В рожестве тли не приимши, тления всех нас Дево измени. Печали уставляющи Матерьним пременением Богорадованная.

Катавасия: Спаси от бед рабы Своя, Богородице Дево, яко вси по Бозе к Тебе прибегаем, яко к нерушимей стене и заступлению (поклон). Господи помилуй (трижды с поклонами).
 

Песнь 3. Ирмос

Тобою Христе небеса утверждаема вся, слово Божие и сила, исповедают славу неизреченну, и вседетелныя руки Твоея сотворение, несть бо пресвят разве Тебе Господи.

Запев. Яко звери устремившеся на стадо Твое Пречистая: но Ты тех челюсти сокруши, и сих немощны до конца показа.

Запев. (Повторяем стих).

Слава. Общаго пастыря, Владыку Христа порождьши Дево неискусобрачная. Тому молися настоящаго гнева избавити нас, и противных обстояния, Владычице.

И ныне. Милостивая милостиваго рождьши Спаса, виждь озлобление и воздыхание людей Твоих, ускори Пречистая ущедрити ны. Катавасия.

Слава, и ныне. Седален, глас 8-й. Яже древле пророки проповедася дверь небесная, неопалимая купина, свещник многосветлыи, златая кадилница, ручка и жезл, преславно днесь чюдному святителю является, народом дерзати повелевает, и дивную победу показует. Тем же благодарная Той возопием: Дево Богородителнице, моли Христа Бога, грехов оставление даровати нам. Тебе бо имамы надежду раби Твои.
 

Песнь 4. Ирмос

Удивися Твой разум от мене, услышавшу преславная веления смотрения Твоего: укрепижеся возлюблением Твоего схождения. Ты бо моея нищеты не отвержеся.

Запев. Почитающии Тя град Пречистая, и подолгу славящии, ограждай от безбожных Чистая иноплеменник. Ты бо тому Пречистая богатство неотъемлемо еси, покров же и слава.

Запев. (Повторяем стих).

Слава. Мнящиися яко же древле Иерихон разорити град Твой, пречистая Мати Слова, сами конечней погибели предашася, силою ис Тебе воплощеннаго, Владычице.

И ныне. Призри Чистая, спаси поющия Тя, потребитися хотяща от сопротивных. Тем же нашедшаго прещения избави Богородителнице. Катавасия.
 

Песнь 5. Ирмос

Союзом любве связаеми апостоли, владущему всеми себе Христу предавше, красны ноги умывати, благовествующа всем мир.

Запев. Теплая Заступница к Тебе прибегающим, и ненадеющимся надежа, виждь озлобление людей Своих, и подаждь помощь Пречистая.

Запев. (Повторяем стих).

Слава. Иже Огнь рождьшая божественыи Дево, противных Пречистая молитвою Твоею огнем попали, яко Мати сущи Зиждителя Всепетая.

И ныне. Чистая Богоневесто, недоуменныя люди ущедри, матерними молбами. И еже на ны сопротивных обстояния, разори вскоре молитвами Ти. Катавасия.
 

Песнь 6. Ирмос

Ят бысть, но не ударжан в персех китовех Иона.Твой бо образ нося, пострадавша, и погребению дана. Яко от чертога от зверя изшед, приглашаше же кустодии, хранящии суетная и лжу, милости вашея оставили есте.

Запев. Избави языческаго нашествия град Твой Пречистая, и не предаждь до конца погибнути наследию Твоему Всепетая. Но силою иже ис Тебе рожденаго противных низложи.

Запев. (Повторяем стих).

Слава. Многосогрешшыя Ти не презри, но приими мольбу Матере Твоея о нас Щедре, да не похвалятся сопротивнии, где есть Бог их глаголюще, но да разумеют вси, яко Ты Избавитель с нами еси.

И ныне. Ныне помощи прииде время, ныне пременению потреба Чистая, Сыну Твоему и Богу. Яко да ущедрит согрешившия, и належащаго гнева избавит. Катавасия.

Слава, и ныне. Кондак, глас 4-й. Честнаго образа Твоего знамение, празднующе людие Твои Богородительнице, им же дивную победу на сопротивных граду Твоему даровала еси, верою взываем, радуися Дево християном похвала.

Икос. Разреши тму моих согрешении, иже во уме моем лежащую. И Твоим мя светом просвети Дево, яко да возмогу Тебе похвалу принести. Ея же Отец восхвали, и Дух Святыи осени. Сын же и Слово Божие вселився, и нетленно от пречистою Ти боку прошед, с человеки поживе. Тем же мы грешнии и недостойнии раби Твои, днесь совершающе священное торжество, знамения бывшаго честною иконою Твоею, ею же преславную победу на сопротивных граду Твоему дарова. И от сих, чюдес исполнившеся, вместо благовонных арамат, елико возможно нам земленым, похвалная приносим Тебе глаголюще: радуися Богородице, радосте ангелом и человеком. Радуися твердая надеже и покрове граду Твоему. Радуися, яко противных силою Твоею низлагаем. Радуися разумнаго Солнца Мати, верных просвещающа, неверных же помрачающа. Радуися Дево християном похвало.
 

Песнь 7. Ирмос

Неизреченное чюдо, иже в пещи избавивыи преподобныя отроки из пламене, во гробе нове бездушен полагается, на спасение нам поющим, Избавителю Боже благословен еси.

Запев. Воистину сокровище честно граду Твоему, икона Твоя пречистая даровася, ея же и сами зряще чюдеси удивляемся, и Сыну Твоему вопием, Избавителю Боже благословен еси.

Запев. (Повторяем стих).

Слава. Яко же иногда ниневитяны, покаяния ради пощадив слове Божии, проповедию Ионы пророка. Такожде и зде показа образом пречистыя Ти Матере Христе, вопиющим, Избавителю Боже благословен еси.

И ныне. Храм Тя Божии Владычице ведуще, во святем храме Твоем, руце нечистеи движем на молитву. Виждь озлобление наше, и подаждь нам помощь. Катавасия.
 

Песнь 8. Ирмос

Ужаснися и убойся небо, и да подвижатся основания земли. Се убо в мертвецех вменяется иже в вышних живыи, во гробе мале обитовает. Его же дети благословите, священнии пойте, и превозносите Его во веки.

Запев. Собезначальнаго слова Отцу Дево пречистая нетленно породила еси, и от сосцу питала еси. Того моли Богородителнице, от сопротивных обстоянии спасти поющих Тя, и превозносящих во веки.

Запев. (Повторяем стих).

Слава. Его же провидя на престоле превысоце Исаия, Сего в ложеснех Дево вместила еси и нетленно породи. Его же моли спастися граду Твоему, поющу, дети благословите, священнии пойте, и превозносите Его во веки.

И ныне. Едина сущи Благая, преблагое Слово моли прилежно, настоящаго гнева граду Твоему избавитися, несуменною верою Сыну Твоему поющу, дети благословите, священнии пойте, и превозносите Его во веки. Катавасия.
 

Песнь 9. Ирмос

Страньствия Владычня, и безсмертныя трапезы, на горнем месте, высокими умы вернии приидите насладимся возшедша Слова, от Слова научьшеся, Его же величаем.

Запев с поклоном. Милосердым оком свыше, призри на град и люди Твоя Пречистая. Иныя бо помощи не имамы, токмо Тебе Всенепорочная, да Тя вси Матерь Божию непрестанно величаем.

Запев. (Повторяем стих).

Слава. Едина Рождьшая Слово воплощенное Дево всепетая. Приснотекущии источник, исцелением изливаеши, верою притекающим храму Твоему Пречистая.

И ныне. Се раби Твои вопием Ти Мати Божия, обычныя милости Твоя на град и люди, милостивно показующи. Сопротивных обстоянии нас измени, да Тя вси непрестанно величаем. Катавасия.

Отпуст: Господи Исусе Христе, Сыне Божии, молитв ради пречистыя Твоея Матере, честнаго и славнаго знамения бывшаго от иконы Ея в великом Нове граде, и всех ради святых, помилуй и спаси нас, яко Благ и Человеколюбец. Аминь. Господи помилуй (трижды). Исходные поклоны.


Обзор книги