Канон в неделю по Рождестве Христовом

Русская вера, 2017

На другой день Рождества Христова Святая Церковь празднует Собор Пресвятой Богородицы, память св. Иосифа Обручника, царя и пророка Давыда (предка по плоти Господа Исуса Христа) и св. апостола Иякова (сына св. Иосифа Обручника от первого брака), а в ближайшее воскресенье творит службу в память этих святых (если же Рождество Христово прилучится в воскресенье, тогда в ближайший понедельник).

Будем в своих молитвах прославлять благочестивую и богоугодную жизнь этих праведников, сродников по плоти Господа нашего Исуса Христа, будем усердно просить их умолить Христа Спасителя о прощении наших согрешений, об избавлении нас от вечной муки, о даровании нам земного благоденствия.

Пречистая Богородица Дева Мария имеет чистоту, святость и славу выше всех Ангельских чинов. Святой Иосиф Обручник происходил из рода царя Давыда. В первом браке у него было четыре сына и две дочери. Овдовев, он жил в строгом воздержании. Когда старцу Иосифу было 80 лет, первосвященники избрали его хранителем девства Пресвятой Богородицы, давшей обет безбрачия.

Святой Иосиф присутствовал при Рождении Христа, по указанию ангела он вместе с Девой Марией бежал в Египет, спасая Богомладенца от гнева царя Ирода. Трудом плотника он зарабатывал средства на пропитание Святого Семейства.

Святой царь и пророк Давыд дожил до глубокой старости и имел непоколебимую веру в пришествие в мир обещанного Богом Искупителя — Мессию, Господа Исуса Христа. Св. Давыд был кроток и незлобив, в своей жизни имел много скорбей за содеянный им грех прелюбодеяния с женой Урии, которого он умышленно послал в сражение на смерть. Св. Давыд явил величайший образец покаяния. Им написана богодухновенная книга «Псалтырь».

Св. апостол Ияков сопровождал Святое Семейство в Египет и служил Им там. После Вознесения Христова он был первым Иерусалимским епископом. За проповедь о Христе принял мученическую кончину, его сбросили с крыши Иерусалимского храма.
 

------------------------------------------------------------------

Общее начало и конец всем канонам →
Порядок чтения по уставу
------------------------------------------------------------------
 

Тропарь, глас 2-й

Благовествуй Иосифе Давыду чудеса Богоотцу. Девую бо видел еси, раждающу. С пастыри славословил еси, с волхвы поклонился еси. Ангелом весть приял еси. Моли Христа Бога, да спасет душа наша. (Дважды).

Слава, и ныне. Богородичен. Вся паче смысла, вся преславная Твоя Богородице таиньства. Чистотою запечатленна, и девьством хранима. Мати разумеся неложна, Бога рождьши истиннаго. Того моли спастися душам нашим.
 

КАНОН, глас 4-й
 

Песнь 1. Ирмос

Воспою Ти Господи Боже мой, яко проведе люди Своя по суху посреди моря. Покры же оружие, и всю силу фараонову.

Запев: Святии Богоотцы, молите Бога о нас (поклон). Елицы рожество сотворяем воплощшагося нас ради, радость воспоем, Иякова Божия брата, и Давыда Богоотца.

Запев. Слава в вышних лицы ангельстии. В Вифлееме Иосифу предсташа глаголюще. С ними же благоизволшаго воплотитися воспоем.

Слава. Давыде Богоотче с гусльми, иже от корене Иессеева воплощшагося Господа, Иякова праведнаго привлек воспой.

И ныне. Богородичен. Воспою Ти Господи Боже мой, яко родися из Матере Девы святыя. И сию показал еси надежду душам нашим.

Катавасия: Избавите от бед рабы своя, святии Богоотцы, яко вси по Бозе к вам прибегаем, вы бо молите о нас Христа Бога нашего (поклон). Господи помйлуй (трижды с поклонами).
 

Песнь 3. Ирмос

Утвержаяи грома, и зиждаи Духа, утверди мя Господи, да Тя пою целомудрено, и да творю волю Твою. Яко несть свят, яко же Ты Боже мой.

Запев. Рождьшагося плотию от Девы без Семене Христа Бога, со ангелы вси воспоем, слава в вышних Богу взывающе.

Запев. Всепразднественыи, иже нас ради истощившагося вернии праздник, с Давыдом же и Ияковом, песньми но достоянию почтем.

Слава. Яко Жениху от чертога из Матерних ложесн, Давыд рече Господу изыти. Его же ныне со Ияковом воспоем.

И ныне. Богородичен. Безневестную Богородицу Марию воспоем, Той бо ради нам восия праведное Солнце. Катавасия.

Седален, глас 3-й. Иосифа праведнаго Девыя обрученика с Давыдом и Иякова достодолжно воспоем. Сии бо праведною ходивше стезею, достигоша небесныя обители достойно. Ликующе со ангелы, нам просят согрешением оставления.

Слава, и ныне. Богородичен. Девая роди Творца всяческих, и волсви грядут Сему плотию поклонитися. Человецы со ангелы славословят. Вертеп же и ясли дароносят, воспевающе Рождьшагося, Отроча млада превечнаго Бога.
 

Песнь 4. Ирмос

Твоего на землю Пришествия Христе Боже, провидя пророк Аввакум, ужасно вопияше, слава силе Твоей Господи.

Запев. С волхвы Рождьшемуся поклонимся (поклон). И со ангелы и Иосифом, ликуем. Богоподобно взывающе, слава в вышних Христу Богу.

Запев. Царствуяи всеми царьми Христос, по плоти от семене Давыдова рождеися, избраннаго Иякова прият брата, яко же изволи.

Слава. Иже от Девы Бог явлься плотию, спрослави память вашу святии, апостолом лучшии Иякове, и Давыде всеблаженне.

И ныне. Богородичен. Херувимских чинов преимущи, и Бога на руку носима, с плотию понесши, радуися Богородице безневестная. Катавасия.
 

Песнь 5. Ирмос

Восиявыи Свет, и просвещен утро, показавыи день. Слава Ти слава Ти, Исусе Сыне Божии.

Запев. Иже от Девы чистыя благоволивыи родитися Бог воплощаемь, слава Ти слава Ти, Иосиф вопияше.

Запев. Иже от Девы воплощься и память уяснив, Давыда и Иякова, слава Ти слава Ти, Исусе Сыне Божии.

Слава. Его же пророк Давыд дождь на руно нарицаше богодухновенно, Ияков проповеда Сына Божия.

И ныне. Богородичен. Ангелом глас немолчно тварь приносит Ти Дево, радуися Мати чистая, Исуса Сына Божия. Катавасия.
 

Песнь 6. Ирмос

Возопил прообразуй погребение тридневное, пророк Иона в ките моляся, от тля спаси мя, Исусе Царю сын силам.

Запев. Предстояще ужасающеся чини небесныя вертепу, и рожеству пречистому воспеша немолчно, слава в вышних Богу рождьшуся.

Запев. Сел еси на престоле, яко же клятся Владыко пророку Давыду, от плода чрева его прошед. Иякову же церковный предал еси престол Христе.

Слава. Царь убо Давыд и пророк чюден, и праотец показася Божественаго воплощения. Первыи же епископ ученик Ияков Исусов.

И ныне. Богородичен. Молимся, раби Твои Дево Богородице, из Тебе Воплощеннаго моли, яко Тя едину предстателницу нашю свемы. Катавасия.

Слава, и ныне. Кондак, глас 3-й. Веселия днесь Давыд исполняется божественыи, Иосиф же хвалу со Ияковом приносит, венец бо с родством Христовем приемше радуются, и неизреченно на земли рождьшагося воспевают. Щедрыи спаси Тебе чтущих.

Икос. Неизреченным советом раждается плотию, Безплотныи. Описуется ныне телом, Неописанный. И спасает непреложно оба существа. Начало приемлет, иже естеством безначалныи, и един Безлетен. Зрится Младенец пресовершенный. Носится рукама, носяи всяческая. Тем же иже Того с родством почтенных, яко Бог венчает Своим Рожеством. Их же прославляюще верою, немолчно вопием, Щедрыи спаси Тебе чтущих.
 

Песнь 7. Ирмос

Авраамстии древле в Вавилоне отроцы, в пещи пламень попраша. Хвалимые вопиюще, отец наших Боже благословен еси.

Запев. Паче слова рожеству Богородицы Марии, лицы ангельстии дивящеся, Иосифу вопияху, в вышних слава, и на земли мир.

Запев. Невеститель убо Давыд, чертежник же божественныя церкве Ияков бывше. Глаголаху, воплощеися нас ради Боже благословен еси.

Слава. Иже во пророцех царь, и в царех пророк, со Ияковом богомудрым и нам воспой, воплощеися нас ради Христе благословен еси.

И ныне. Богородичен. В неопалней купине и росодавней пещи, Ты первонаписавшися Мати чистая, без семене родила еси воплощенна Бога, присно благословенная. Катавасия.
 

Песнь 8. Ирмос

Царя Христа Бога Его же исповедаша пленнии отроцы, в пещи глаголюще, гласом велием, вся дела пойте, и превозносите Его во веки.

Запев. Воплощьшагося Христа, Его же славословиша небесныя силы. Иосиф обручении непрестанно воспевает, вся дела Господа пойте, и превозносите Его во веки.

Запев. Воплощьшагося Христа, Его же прорече Давыд Богоотец. И людем проповеда Ияков вопия, вся дела Господа пойте, и превозносите Его во веки.

Слава. Иже от Девы рождьшагося Христа, и возвеличивша Давыдову и Ияковлю священную память, яко друга Его, вся дела Господа пойте, и превозносите Его во веки.

И ныне. Богородичен. Царя Христа Его же нам роди Богородица Мария, и по рожестве пребысть Девою Чистая. Вся дела Господа пойте, и превозносите Его во веки. Катавасия.
 

Песнь 9. Ирмос

Сотвори державу мышцею Своею, низложи силныя со престол, и вознесе смиреныя, Бог Израилев. В них же посети нас восток свыше. И направил ны есть на путь мирен.

Запев с поклоном. Рождьшемуся от Девы вся тварь трепетом послужи, небеса убо звездою. Земля же ясльми, гора вертепом. Волсви дарми, пастырие чюдесем. Ангели же слава в вышних Богу.

Запев. Царь от пастырей древле убо Давыд бысть, от колена же Июдова и царска ты Иякове, пастырь показася воплощьшагося Агньца вышняго, Сына Божия.

Слава. Вифлееме ныне веселися, град быв новаго Давыда. И Сионе возвещай церквам старейшиньство, общее веселие, всех Царя. И Того угодники ныне восприемши.

И ныне. Богородичен. Ангельстии собори Тя Богородителнице славят, и человеческии род Тя непрестанно песньми почитаем. Ты бо божественым рожеством, земленыя с небесными совокупила еси. Тем же Тя почитаем. Катавасия.

Отпуст: Воскрес из мертвых Господи Исусе Христе, Сыне Божии, молитв ради пречистыя Твоея Матере, и святых праведных Богоотец Иосифа Обручника, Давыда царя и Иякова брата Твоего по плоти, и всех ради святых, помилуй и спаси нас, яко Благ и Человеколюбец. Аминь. Господи помилуй (трижды). Исходные поклоны.


Обзор книги