Что можно просить у Господа? Жизнь человека полна проблем. Каждый день мы решаем те или иные жизненные вопросы. Христианин, решая свои проблемы, обязан обращаться за помощью в молитве к Господу Богу и к Его святым угодникам. Но прежде, чем начать что-либо просить у Бога, надо рассудить: будет ли просимое полезно с христианской точки зрения. Просить у Господа можно только лишь то, что согласно с волей Божией.
Необходимо помнить, что все то, что отвлекает нас от Бога, — противно воле Божией; все то, что приводит нас к Богу, — согласно с волей Божией.
Часто мы не понимаем, что служит для блага нашей души. Мы желаем избегать скорби, увлекаемся излишним приобретением материальных благ, служим греховным страстям. И думаем, что в этом заключается истинное счастье жизни. Но Господь смотрит иначе на жизнь христианина. Всеведущий Отец Небесный знает, когда нам полезна скорбь, а когда радость, и поэтому Он никогда не пошлет нам того, что не полезно для нашего вечного спасения. Господь делает все то, что найдет нужным для нас в данный момент. Он мог допустить, что Ирод «мечом убил Иакова», и в то же время Он вывел апостола из темницы (Деян. 12, 2, И).
Господь допускает в нашей временной жизни неприятные события, имея конечной целью только добро для нас. Поэтому вместе с многострадальным Иовом скажем:
«Неужели доброе мы будем принимать от Бога, а злого не будем принимать?» (Иов. 2, 10).
Славнейший ветхозаветный мудрец Соломон, когда Бог сказал ему: «проси, что дать тебе?» (3 Цар. 3, 5), молился так:
«… нищеты и богатства не давай мне, питай меня насущным хлебом, дабы пресытившись, я не отрекся Тебя и не сказал: «кто Господь?» и чтобы, обеднев, не стал красть и употреблять имя Бога моего всуе» (Притч. 30, 8—9).
Будем всегда помнить, что просить у Господа необходимо прежде всего вечных духовных благ: прощения грехов и спасения души от вечной погибели, и всего того, что будет помогать нам в достижении этой цели. В своих молитвах мы должны просить Господа также о даровании мира для всей земли. Забота о сокровищах нетленных для наших ближних — есть неотъемлемая часть наших прошений у Господа. Он хочет, чтобы и прошения наши были великими. Не будем подсказывать Господу, как Ему осуществить тот или иной план. Он — Бог Всемогущий и силен в одно мгновение совершить самое невероятное чудо.
Содержащиеся в каноне «За всякое прошение» молитвенные обращения к Господу способны привлечь Его к нам на помощь во всякой нужде, если только мы будем искренне совершать свою молитву и во всем будем послушны Его святой воле. Во время скорби, печали, болезни, искушения будем усердно молиться данный канон, и Господь избавит нас от тяжкого испытания.
——————————————————————
Общее начало и конец всем канонам →
Порядок чтения по уставу
——————————————————————
Тропарь, глас 6-й
Помилуй нас Господи, помилуй нас, всякого бо ответа недоумеюще, сию Ти молитву яко Владыце, грешнии раби Твои приносим, помилуй нас Господи, помилуй нас.
Слава. Господи помилуй нас, на Тя бо уповахом, не прогневайся на ны зело, ниже помяни беззаконии наших. Но призри на ны яко Милосерд, и избави нас от враг наших. Ты бо еси Бог наш, и мы людие Твои. И вси дела руку Твоею, и имя Твое призываем.
И ныне. Богородичен. Милосердия двери отверзи нам, благословеная Богородице Дево. Надеющиися на Тя не погибнем, но да избавимся Тобою от бед, Ты бо еси спасение роду христианскому.
КАНОН, глас 6-й
Песнь 1. Ирмос
Яко по суху ходив Израиль, по бездне стопами, гонителя фараона видя потопляема, Богу победную песнь поем вопияше.
Запев: Милостиве Господи, услыши молитву раб Своих, молящихся Тебе (поклон).
Общии плачь составим братие, возраст весь же, и чин, род и племя, и горце воздохнем вкупе, и всех Творца милостива сотворим.
Запев. Благоутробия ради милости привед, от несущих Владыко естество древле тленных, и обетшавшее спасл еси тления, погибающих, и ныне нас помилуй.
Запев. Священствовав Свою кровь Слово Божие, и умираеши яко человек, Бог сыи нас ради. Но мы благодать страшную Твою отступающе, зле ныне отриновени быхом.
Слава. Законов Твоих отрицающеся и уставов Христе Боже, безстудне естество оскверняюще, достойныя подъемлем язвы. Стихиям естественаго изступльшим чина.
И ныне. Богородичен. Ужаса и колебания, и страха вся исполнь, праведныи зрящи Владыки гнев. Но Сего милостива нам, яко Сына Своего и Бога соделай Владычице.
Катавасия: Сохрани от бед рабы Своя Милостиве, яко усердно к Тебе прибегаем, к милостивому Избавителю, и всех Владыце, Господу Исусу (поклон). Господи помилуй (трижды с поклонами).
Песнь 3. Ирмос
Несть свята, яко же Ты Господи Боже мой. Вознесыи рог верных си Блаже, и утверждь их на камени исповедания Твоего.
Запев. Адам первую заповедь Твою древле преслушав, Рая изгнан бысть, и жизни и Бога. Мы же всех вкупе отступльше, ныне умерщвяемся.
Запев. Столп преже явися лукав, Каин зависти злыя, брата убив. Ему же ревнующе ныне мы, стенати и трястися зле яко же он, вси осуждени быхом.
Запев. Зле тварь нань, зверится и злобит чрез естество, движущи ополчения естественая, Божии владычнии гнев праведныи всем возвещающи.
Слава. Скрыся Владыко Христе солнечная светлость, удержася течение обычных дождев, суша и тма держит, ты же славе солньце отвратися.
И ныне. Богородичен. Крепость несть в нас, всякого же дерзновения, обнажени быхом вси делы скверными. Ты же яко Мати чистая, пременяеши Владыку всем. Катавасия.
Седален, глас 4-й. Скорое, и твердое и крепкое утешение, Всемилостиве посли нам, да Тя во гласе хваления, трисвятую песнь, возсылаеи, душею сокрушенною припадающе молимся, Спасе всего мира, Ты еси Бог кающихся.
Песнь 4. Ирмос
Христос мне сила Бог и Господь, честная Церкви боголепно зовет вопиющи, от совести убо чистыя, о Господе празднующи.
Запев. День Владыко гнева и скорби, и не бе день сей, ниже нощь. Иже ныне постиже всех нас пророчески, и несть избавляющаго.
Запев. Содомляном первие зле разверзе небеса, вопль умножися. Сих же затворяет согрешении множество, ныне нам в правду Владыко.
Запев. Угасе солнце, облацы Владыко чрез естества удержаша дождь. Земля же стенящи, страшится обнажения своего, и казни предзрящи.
Слава. Видя Владыко виждь озлобление людей Твоих, и воньми стенанием. Манием устави бури, и духовом сопротивным запрети.
И ныне. Богородичен. Утаившися первие болезней, родила еси всех Владыку паче естества. Его же ради болезнь разреши Чистая Своих людей, уставиши бурю. Катавасия.
Песнь 5. Ирмос
Божиим светом Ти Блаже, утренюющих Ти душа любовию, просвети молюся, Тя ведети Слово Божие истиннаго Бога, от мрака греховнаго изимающа.
Запев. Утеснена мя всюду, Давыд зря грядущ гнев Божии возопи. Мы же что сотворим окаяннии, пространными обретше, тесно обитилище.
Запев. Руки яко же избавль фараоня древле люди Своя Благии, разверз напрасно бездну, и нас поганьских рук исхити, и море утишив ветры укроти.
Запев. Быстротам нужи, и злых востаней, волнам и духовом спротивным запрети, и во утишие да приидут Твоим повелением, и дерзость да уставится всяка Человеколюбче.
Слава. Тина и смрад сластей, и всяческих согрешении нас покрыша волны, сего ради раздышут зелне Божественаго гнева волны, и всех нас потопляют.
И ныне. Богородичен. Иже древле Владычице Тобою избавльшиися смерти и тля, поганьския нужди и скорби, и ныне сия разреши молимся, людие бо Твои, и достояние мы есмы изрядное. Катавасия.
Песнь 6. Ирмос
Житейское море, воздвизаема зря напастей бурею в тихо пристанище притек вопию Ти. Возведи от тли живот мой Многомилостиве.
Запев. Плоти первие послужившии предани быша скверно, потоплению безумнии, им же мы поревновавше ныне зле, плоти бывше тление возвратне подъяхом.
Запев. Пути отвратившеся праваго, развращенным путем ходим, отступльше безумне Твоих заповедей, Его же ради и во глубины искушении многоплетенных впадаем.
Запев. Призри свыше яко щедр Боже, стенание услыши, и слезам воньми Твоих людей. Отрочат поющих Ти гласа не презри, Многомилостиве.
Слава. Из уст первее Владыко младенческих, яко Бог паче естества хвалу совершил еси, и сим вонми, и приими мольбу похвалами онех воздаяние творя.
И ныне. Богородичен. Божия Мати Владычице бывши, держиши всю светло тварь, изряднее же мы стяжание Твое: его же ради предваривши, избави глада и поганых Твое стадо. Катавасия.
Слава, и ныне. Кондак, глас 4-й. Всякия скверны всемилостивыи Спасе, аз бых делатель, и во отчаяния ров впадся. Но стеню от сердца, и вопию к Тебе Слове, ускори Щедрыи, и потщися на помощь нашу, яко Милостив.
Икос. Имуще Тебе всемилостивыи Спасе крепкое утвержение, и пречистую Матерь Твою, стену неразориму, и тихое пристанище, не убоимся никогда же вражиих востании. Твоим бо невидимым разумом сохраняеми, и покровом, видимыя и невидимыя враги побеждаем. Твою пречистую Матерь имеюще помощницу, вражиих козней яко от сетей избегаем. Радостию воспеваем, Прерадованная, ускори Щедрыи и потщися на помощь нашу, яко Милостив.
Песнь 7. Ирмос
Хладодательну убо пещь сотвори ангел преподобным детем, халдея же опали, велением Божиим. Мучителя увеща вопити, благословен Бог отец наших.
Запев. Яко же вдовицы глад, древле разрешил еси послав Илию Владыко, пророка Своего, сице разреши словом, и нам сушу и глад яко Благ, напитав обычне Своих людей, иже отцем Боже благословен еси.
Запев. Умерщвена сына сарефтяныни преже воздвиже пророк Твой, дождь подав разгоревшиися Владыко земли. Его же ради молитв, и ныне дождь подавай земли, увядшей зле.
Запев. Множеством благости долготерпе, всех прегрешения презрев ныне, Своя грады напитай и люди, молитвами пречистыя Ти Матере, обдержащих напастей, разрешив напрасных нам.
Слава. Лицы Тя ангельстии молят Человеколюбче, избави люди и град Твой всякия скорби. И поганых множества нечестивых низложи.
И ныне. Богородичен. В напастех явися молимся, Избавительница вкупе, и Предстательница чтущим Тя, напастей и скорбей злых, и дерзости безбожных и нечестивых врагов избавляющи, державною Ти рукою Владычице. Катавасия.
Песнь 8. Ирмос
Из пламени святым росу источи, а праведнаго жертву и воды попали. Вся бо твориши Христе елико хощеши, тем Тя превозносим Господа во веки.
Запев. Гордыи нрав ныне смирим, грабления и льсти вси отбежим, клятвы от душа со лжею возненавидим. Яко да Владыку милостива вси обрящем.
Запев. Словесни бывше, безсловесни явихомся, образ божественыи и сан, делы скверными неподобне обезчестивше. Спаси яко Щедр, молитвами святых Твоих.
Запев. Яко блудницу Христе мой прежде и блуднаго, яко разбойники и мытари многи спасе, яко же Манасию помольшася спасл еси, всех нас спаси, молитвами святых Твоих.
Слава. Младеньствующии языцы, юнии и старцы, иноцы, и спряжении, вси молимся, разреши гнев, ветром запрети, дождь подаждь земли Христе жаждущей.
И ныне. Богородичен. Душею и телом уязвлени вси, делы скверными, язвами первыми, притецем вкупе, Владычице припадем, яко да пременит нам, всех Зиждителя. Катавасия.
Песнь 9. Ирмос
Честнейшую Херувим, и славнейшую воистину Серафим, без истления Бога Слова рождьшую, сущую Богородицу Тя величаем.
Запев с поклоном. Приими мольбы яко Блага, к Тебе Богородице прибегающих, и ходатай нам буди. Предстани Госпоже, и болезни разреши, яко Мати, можеши бо вся Владычице.
Запев. Создал еси сих Сыне руками, и воздвигл еси умерших, и препитал еси Своим Телом. Матерь же Мя от сих паче естества содела праведну. Его же ради приими Ми Слове мольбу.
Запев. Должное творя Мати, ныне просиши милости. Некиим спешиши еже от Мене, недостойни си человеколюбия всякого, Божественому милосердию солгавше.
Запев. Вем се Владыко и Сыне, но раскаявшеся, ныне припадают яко же зриши, плачут и рыдают, растерзаются вси. Нетерплю утробою, сих наказания.
Слава. Знают Мати и язвы, чювьствуют ныне, прелагаютжеся зле. Аз же Тебе благодать сию человеколюбне, ныне обычно яко матери дарую.
И ныне. Богородичен. Паче Слова Слове вся Твоя, воплощение и страдание, и обожение страшное. Богатьство великое, общаго покаяния, их же ради покланяемся (поклон) Сыну славе Твоей. Катавасия.
Задостойник: Владычице приими молитву раб Своих, и избави нас от всякия нужды и печали. Ты еси Богородице, оружие наше и стена. Ты еси заступнице, и к Тебе прибегаем, Тя и ныне на молитву призываем, да избавиши ны от враг наших. Возвеличим Тя вси пренепорочную Матерь Христа Бога нашего, Юже осени Дух Пресвятый (поклон земной). Трисвятое, и по «Отче наш». Молитва Исусова: Господи Исусе Христе, Сыне Божии, помилуй нас. Аминь. Читаем тропарь (написан в начале канона). Слава, и ныне — кондак (написан по 6-й песни канона). Господи помилуй (40 раз). Слава, и ныне.
Молитва
Паки Твоя Господи Человеколюбца Бога Владыки память наказания. И паки нас недостойных Твоих раб прошения и мольбы. Ведущих, яко елико преимееши величеством. Толико и не памятозлобным Ти благоутробием. Его же ради молим Тя, обрати нас Боже спасении наших, и отврати ярость Твою от нас. Яко да не во веки прогневаешися на ны, но милостию си оживиши нас. Скоро да предварят ны щедроты Твоя Господи. И да будет пречистое имя Тебе Человеколюбца Бога благословено, Отца и Сына и Святаго Духа. Ныне и присно и во веки веком, аминь.
Честнейшую Херувим. Слава, и ныне. Господи помилуй (дважды), Господи благослови (четыре поклона).
Отпуст: Господи Исусе Христе, Сыне Божии, молитв ради пречистыя Твоея Матере, и всех ради святых, помилуй и спаси нас, яко Благ и Человеколюбец. Аминь. Господи помилуй (трижды). Исходные поклоны.