Канон святой великомученице Варваре

Святая великомученица Варвара была дочерью знатного язычника в г. Илиополе Финикийском. Она была необычайно красива. Опасаясь, чтобы кто-либо не причинил зла дочери, отец решил воспитать ее, скрывая от людей. Он построил башню, где вместе с Варварой находились только ее учители-язычники. С башни открывалась невообразимая красота Божьего мира. Девушка начала задумываться о Первопричине мира и пришла к выводу, что есть Создатель столь прекрасного мира, а языческие боги — идолы — не могли создать Вселенную.

Видя сомнение дочери в языческой вере, отец решил, что причина этого в ее замкнутости, и позволил ей выходить из башни. По Божьему усмотрению Варвара повстречала юных исповедниц-христианок, которые рассказали ей о Боге Творце, Пресвятой Троице, Богочеловеке Господе Исусе Христе. Святая Варвара стала ревностно служить Господу. Узнав об этом, отец пришел в ярость и жестоко избил ее. Дочь проявляла твердую решимость следовать за Христом, и отец заключил ее под стражу, долго морил голодом, затем предал ее правителю города. Святая дева подвергалась тяжким пыткам, мукам, терзаниям. Наконец, сам отец обезглавил ее.

Земная жизнь святой великомученицы Варвары завершилась в начале IV века. Ее отец-мучитель вскоре был сожжен молнией. Святой великомученице Варваре необходимо молиться, чтобы избежать внезапной смерти без покаяния. Память св. великомученице Варваре 4 декабря (17 декабря по гражданскому стилю).
 

——————————————————————

Общее начало и конец всем канонам →
Порядок чтения по уставу
——————————————————————
 

Тропарь, глас 4-й

Агница всеблаженная, божественне озарившися светом Святыя Троицы. Трисолнечное утвердивши в купели, в побежение льсти отеческия. И веру исповедавши Христову. Тем ти честная Варваро, свыше благодать даровася, исцеляти болезни и недуги вся. Тоя молитвами Христе Боже, спаси душа наша. (Дважды).

Слава, и ныне. Богородичен. Иже от века утаенное и ангелом несведомое таиньство. Тобою Богородице земным явися, Бог в неразмесне снятии воплощаемь. И крест волею нас ради восприим. Им же воскресив первозданнаго, и спасе от смерти душа наша.
 

КАНОН, глас 2-й
 

Песнь 1. Ирмос

Во глубине потопи древле, фараонитская вся воиньства преоружену силу. Воплощьжеся Слово, преспеющия грехи потребил есть. Преславныи Господь, яко прославися.

Запев: Святая великомученице Варваро, моли Бога о нас (поклон).

О Троице божественая честная, яже паче ума дарование рабом подающи, светоносную вдохни мрачному ми уму лучю. Твою похвалити мученицу Варвару преславную.

Запев. Похвалением всяк предел воистину превзыде, твоих мученик слава Человеколюбче. Но еже от веры противу силе прием хваление. Низпосли Владыко богатно воздание.

Слава. От терновнаго корене израсте шипок прекрасен, Церковь Христову облаговони. И яко овча, заколением страдания обагрившися кровию славная Варвара. Юже по достоянию воспоем.

И ныне. Богородичен. Превышши еси Чистая всякия твари, видимыя и невидимыя присно Дево. Зиждителя бо родила еси, яко же изволи воплотитися во утробе Твоей. Его же со дерзновением моли, спасти поющих Тя.

Катавасия: Избави от бед рабы своя, святая великомученице Варваро, яко вси по Бозе к тебе прибегаем, ты бо молиши о нас Христа Бога нашего (поклон). Господи помилуй (трижды с поклонами).
 

Песнь 3. Ирмос

Процвела есть пустыня яко крин Господи, язычная неплодящая Церкви пришествием Ти. О ней же утвердися сердце мое.

Запев. Уязвляема любовию Твоею яко же Жениховою Владыко. Неодержимым стремлением страстотерпица Варвара, все отеческое безбожие возненавидев.

Запев. Ни пищам красота, ни цвет доброты. Ни богатство же, ни сласти юностныя не отвергоша тя Варваро славная, Христови уневестившися добрая дево.

Слава. К совершенным подвигом, ничто же явися возбранение немощи женьстей, ни юность возраста Христе. Невидимою Ти силою укрепляема.

И ныне. Богородичен. Чини удивишася ангельстии Пречистая, и человеческая устрашишася сердца о рожестве Твоем. Темже Тя Богородице верою чтем. Катавасия.

Седален, глас 3-й. В страдании своем вся удивила еси, яко претерпевши мучителей раны, связания муки и темницы Варваро прехвалная. Тем же и венец с Небесе тебе даде Христос. К Нему же возжелев усердно притекла еси. Той благодать подаде тебе мученице, исцеления источати человеком.

Слава, и ныне. Богородичен. Божественая бысть сень Слова, едина пречистая Дево Мати, чистотою ангелы превосходящи. Иже паче всех мене персть бывша, осквернена плотьскими согрешеньми, очисти молитв Своих божествеными водами, подающи Чистая велию милость.
 

Песнь 4. Ирмос

Пришествовав от Девы, не ходатай ни ангел. Но Ты Сам Господи воплощься, и спасе всего мя человека. Тем вопию Ти, слава силе Твоей.

Запев. От Девы рождься, даровал еси отроковицам девам, шатание низложити льстиваго. Тем же и добропобедная Варвара, сего гордыни поругася.

Запев. Прамати хитростьми льстиваго прелщьшися первее, пища изгнана бысть райския. Варвара же сего прельстивши. В небеснем чертозе ныне водворяется.

Слава. Крестом Своим смерти силу разорил еси. Темже телесныя доброты отроковица Христе не пощадевши, терпит доблествене раны Варвара, твердым умом.

И ныне. Богородичен. Тя пристанище спасения, и стену необориму Богородице Владычице вси вернии свемы. Ты бо мольбами си от бед избавляеши душа наша. Катавасия.
 

Песнь 5. Ирмос

Ходатай Богу и человеком бысть Христе Боже. Тобою бо Владыко к светоначалнику Отцу Ти, от нощи неведения преведение обретохом.

Запев. Оконцы треми, бани просвещатися повелевши, тайно написала еси крещение Варваро троичным светом, душесиянным сущим очищением.

Запев. Сущаго Бога разжегшися ревностию, лжеименным богом сквернавая оплева лица, Варваро всехвалная. Ругающися отроковице внешнему миродержьцу.

Слава. Гневом лютым отца уклоньшюся Варвару одержиму, абие гора прият. Яко же древле славную первомученицу Феклу, Христови чюдо соделавшу.

И ныне. Богородичен. Моли Своего Сына и Господа Дево чистая. Плененым избавление сущим от сопротивнаго обстояния, на Тя надеющимся мирно даровати устроение. Катавасия.
 

Песнь 6. Ирмос

Во глубине греховней одержимь есмь Спасе, и в пучине житейстей влаемь. Но яко Иону, из глубины мя страстей возведи и спаси мя.

Запев. Яко же обещася мудрость даровати Спасе богонаучену, иже Тебе ради стоящим пред судищем мучителей. Ея же мученица Варвара исполнися.

Запев. Безбожных лесть изобличи словом богомудрым Варваро славная. Терпением же дел, мучителей разум удивила еси.

Слава. Ранам нещадно строгатися. Рубы же власяными твердо востиратися Христа ради, непорочная страстотерпица тело предаде.

И ныне. Богородичен. Неискусомужно Дево родила еси, и вечнуеши Девою. Явльши истиннаго Божества, Сына и Бога Твоего образы. Катавасия.

Слава, и ныне. Кондак, глас 4-й. Иже в Троице благочестно певаемому присно, последовавши Богу страстотерпице, еллинския оставила еси жертвы. Посреде же судища страждущи Варваро, мучителей не убояся прещения богомудрая. Велегласно поющи присно. Троицу чту едино Божество.

Икос. Уневестившюся Христови мучением, Варвару сшедшеся почтем достойно. Яко да тоя молитвами, пагубы душетленныя избавльшеся, и губительства, труса и падежа, житие во умирении препроводим. И сподобимся со всеми святыми, иже от века Богу благоугодившими ходити во свете. И пети с ними. Удивил еси Спасе Своя милости, всем человеком верою исповедающим. Троицу чтем едино Божество.
 

Песнь 7. Ирмос

Богопротивно веление беззаконнующа мучителя, высок пламень вознесло есть. Христос же простер богочестивым детем хлад духовныи, сыи благословен и препрославлен.

Запев. Иже землю погубити и потребити море, мучитель суетно шатаяся. Яко игралище предлежит Варвары отроковицы под ногама. Сего бо поправ Христос, яко птицу худу связал есть.

Запев. Ранами нестерпимыми твое стружемо тело все. Обагрено же кровными каплями, и свещами претерпела еси опаляема, по ребром мученице всехвалная. Христа благодарящи Варваро славная.

Слава. О безчеловечному и немилосердому мучителей суровьству, и многому безбожию. Сосца бо мученицы яко же в Макелии люте мечи отсецаху, ум утверждающия к подвигоположнику Христу.

И ныне. Богородичен. Святых Святую разумеваем Тя. Яко Едину рождьшую Бога непременнаго, Дево нескверная, Мати безневестная. Всем бо источила еси верным нетление, божественым рожеством Своим. Катавасия.
 

Песнь 8. Ирмос

Пещь огнена иногда в Вавилоне, детели разделяше, Божиим велением. Халдея опаляющи, верныя же прохлаждающи поюща: благословите вся дела Господня Господа.

Запев. Явися тебе Христос светом неприкосновенным всаждене о, Варваро в темнице, дерзати повелевая, и раны изцеляя, и радость даруя. Тем же вперилася еси своего Жениха любовию.

Запев. Явися Христе яве проречение Твое исполнено. Отец бо чадо на смерть предаст, самодетелен же закланию бысть, окаянныи родитель Твоей мученице. Тем же с Небесе огнем сожигается.

Слава. Ангел светел, одеждею световидною тя, Христа ради обнажену честная Варваро облече, яко же невесту обходящу страсти. Одежди бо мученице совлечеся, божествено приемши изменение.

И ныне. Богородичен. Ты иже от Отца неразлучнаго в чреве Ти богомужно пожившаго, без семене заченши несказанно родила еси, Богородителнице пречистая. Тем же Тя спасение всем нам исповедаем. Катавасия.
 

Песнь 9. Ирмос

Безначална Родителя Сын Бог и Господь, воплощься от Девицы нам явися, омрачная просветити. Собрати расточеныя. Тем всехвалную Богородицу величаем.

Запев с поклоном. Славную хотящи прияти кончину, мечем Варваро мучения своего, с Иулияниею венцем мученическим сподобльшися. Глас божественыи услышала еси, исполняющь обещания твоя.

Запев. Своему совокупльшися ныне Всецарю Жениху Христу. Блистающися славою Варваро божественаго света в небесных чертозех, певцы своя назирай, страстей изменяющи, и приводящи к живому Богу.

Слава. Исполняя твое прошение Варваро страстотерпице Христос, исцеления подавает творящим твою верою молебную память. Яко воистину морскаго песка, твоя преминуша благоименитая чюдодейства.

И ныне. Богородичен. Чертог бысть, иже паче ума воплощению Слова Дево Богородителнице, одеяна славою добродетелей испещрена. Тем Тя Всенепорочная Богородицу возвещаем. Катавасия.

Отпуст: Господи Исусе Христе, Сыне Божии, молитв ради пречистыя Твоея Матере, и святыя великомученицы Варвары, и всех ради святых, помилуй и спаси нас, яко Благ и Человеколюбец. Аминь. Господи помилуй (трижды). Исходные поклоны.

+

Авторизация

* *
*

Регистрация

*
*
*
*

Проверочный код Time limit exceeded. Please complete the captcha once again.


Восстановление пароля