Святые отцы Церкви — неугасимые светильники веры, богомудрия, праведности и святости, озаряющие земной путь христианина. Невозможно переоценить значение всех святых угодников Божиих в нашей духовной жизни. Святые отцы своею благодатью, которой они удостоились у Господа, вселяют в наши сердца страх Божий, просвещают наш разум к пониманию Священного Писания, укрепляют нашу волю к добродетельной жизни, незримо избавляют нас от многих погибельных сетей лукавого, просят в своих молитвах Господа о нашем вечном спасении. Будем с усердием молиться помещаемый ниже канон святым отцам первых шести Вселенских Соборов, прославляя их духовные подвиги и прося их молитвенного заступничества за нас, грешных и недостойных. Церковь прославляет память св. отцов первых шести Вселенских Соборов в ближайшее воскресенье к 16 июля (29 июля по гражданскому стилю).
——————————————————————
Общее начало и конец всем канонам →
Порядок чтения по уставу
——————————————————————
Тропарь, глас 8-й
Препрославлен еси Христе Боже наш, иже светила на земли отцы наша основавыи, и теми ко истинней вере всех нас наставил еси. Многомилостиве слава Тебе. (Дважды).
Слава, и ныне. Богородичен. Иже нас ради рождеися от Девы, и распятие претерпев Благии, испровергии смертию смерть, и воскресение явлеи яко Бог, не презри их же созда рукою Своею, яви человеколюбие Свое Милостиве, приими рождьшую Тя Богородицу молящуся за ны, и спаси Спасе наш люди согрешьшыя.
КАНОН, глас 6-й
Песнь 1. Ирмос
Яко по суху ходив Израиль, по бездне стопами, гонителя фараона видя потопляема, Богу победную песнь поя вопияше.
Запев: Святии отцы, молите Бога о нас (поклон).
Иже от Никия, яко же от некоего небесе, всюду возгремевше, слово живаго Отца, и сего показавше враги громом избиены, священными словесы да почтутся.
Запев. Духоборец духа лукаваго, Святым Духом Христос от Своея церкве далече отгна. Вторым действом Собора совокупив.
Слава. Христоборца прелесть изгна Несториа, Кирил Собору начальник. Иже ясно Девую Марию, исповеда Богу Матерь чистую.
И ныне. Богородичен. Несозданныя Троицы, единаго Христа, во двою естеству и хотению Чистая раждаеши. Соединение человеком и ангелом, Тебе ради соделавшаго.
Катавасия: Избавите от бед рабы своя, святии отцы, яко вси по Бозе к вам прибегаем, вы бо молите о нас Христа Бога нашего (поклон). Господи помилуй (трижды с поклонами).
Песнь 3. Ирмос
Несть свята, яко же Ты Господи Боже мой, вознесыи рог верных си Блаже. И утверждь их на камени исповедания Ти.
Запев. Твари служитель явлься, Арий безумныи. Македонии паки мерзок явлься, в геенне огненей, равно мучатся с еллины.
Запев. Седьмими Соборы священными святых отец, честную церковь уяснил еси Христе. Яко же седмих светильник светом, прелести тму прогнав далече.
Слава. Стадо погубляет Твое, многообразная краста еретик слове. Пастырие же Твоих словесных овец, учением сие пременивша.
И ныне. Богородичен. Единаго родила еси Чистая, от несозданныя Троицы во двою существу и хотеню Чистая. Его же образу честно поклоняемся (поклон), благодати исполняемся. Катавасия.
Седален, глас 4-й. Светильницы пресветлии, истине Христове, мир просвещьше учении вашими, отцы боговещаннии. Попальше ереси злославных хулник. Угасше огнепальную еретик молву. Тем же яко святители Христовы, молите спастися нам.
Слава, и ныне. Богородичен. Обновила еси Чистая божественым рожеством си, истлевшее страстьми земленородных мертвеное существо. И воздвигла еси вся от смерти к жизни нетления. Тем же Тя подолгу ублажаем вси, Дево препрославленая, яко же прорекла еси.
Песнь 4. Ирмос
Христос мне сила Бог и Господь, честная церкви боголепно зовет вопиющи, от совести чисты, о Господе празднующи.
Запев. Врази твои возшумеша, и ненавидящии Тя главу воздвигоша Спасе в мале. Но абие падоша, не терпяще гласов труб духовных.
Запев. Солнца солнцеве, сугубе озариша, Сын и Дух от Отца, несозданни собезначални. Обоим Отец един виновен веруется.
Слава. Седмь убо духов, на них же почи, о Христе Исаия се рече. На седмих же Соборех почи Христос, со Отцем и Божественым Духом.
И ныне. Богородичен. Бога родила еси плоть носившаго, от чистых Ти кровей Отроковице чистая. Его же сугуба естеством, в составе же едином, отцы проповедаша. Катавасия.
Песнь 5. Ирмос
Божиим светом Ти Блаже, утренюющих Ти душа любовию просвети молюся, Тя ведети слово Божие истиннаго Бога, от мрака греховнаго изимающа.
Запев. Божественыи виноград Христов, иже от Египта пренесе. Темнаго отчаянна губителя зверие, перьвее поядаху. Пращею же отец далече отгнашася.
Запев. Божественым сиянием трисиянным, ум просвещьше честнии отцы, Единаго проповедаша честныя Троицы Христа Господа, сугуба естеством и хотении.
Слава. В вещных, яко же в серафимских, мудрыми отцы о Троице, церкви онебесися. Трисвятую песнь присно Тебе поющи, собирает троическое Твое едино Божество.
И ныне. Богородичен. Мати и раба Своего Сына бысть Чистая. Ибо иже из Тебе прежде Тебе бяше, яко Содетель Твой. Его же во двою существу познаваем, соединяем же словом составным. Катавасия.
Песнь 6. Ирмос
Житейскаго моря воздвизаема зря, напастей бурею, в тихо пристанище притек вопию Ти, возведи от тля живот мой Многомилостиве.
Запев. Бог богом Господь, Давыд прежде воспеть глаголя, и призва от восток, от конец всея земли, даже до запад их. Вселенских Собор отец назнаменуя.
Запев. Седмь столп утверди, премудрость Божия Твою церковь Владыко, седмочислеными Соборы священных отец. Не уклониму соблюдому, от всяких ересей.
Слава. Студ лица да покрыет, Евтиха и Диоскора, слияние блядьствовавших естества Христова. Не в приведении бо, но во обожении, естество земных прият.
И ныне. Богородичен. Да возмется Нестории, в еврейския темныя Соборы, и язык да отсечется хульныи. Бога бо роди Дева Мария, Плотоносца нам. Катавасия.
Слава, и ныне. Кондак, глас 8-й. Апостольское проповедание, и отец учение, церкви единою верою запечатле. И ризу носящи истине, истканную от вышняго богословия. Исправляет и славит, благочестия великое таиньство.
Икос. Высоким проповеданием, Божию церковь услышим вопиющю, жаждаи да грядет ко мне и пиет. Чаша юже держу, чаша есть премудрости. Сие пиво, истинное слово почерпох. Воду проливаю непрекословия, но исповедания. Ея же пия нынешнии Израиль, Бога зрит вещающа. Видите видите, яко Сам Аз есмь, и непременяюся. Аз Бог первыи, Аз же и посих. И разве Мене несть иного отнюдь. От сюду приемшии насытятся, и восхвалят благочестия великое таиньство.
Песнь 7. Ирмос
Хладодателну убо пещь сотвори ангел, преподобным детем. Халдея же опали велением Божиим, мучителя увеща вопити, благословен Бог отец наших.
Запев. Вавилонскаго убо змия, разрази Даниил первее. Молитва же отец, просади лютаго египетскаго змия, яве поядающаго Христово стадо Ария.
Запев. Непрощенным нечестием недугова, волк Македонии, приразився обожающему духу человеки, и вся банею крещения, на первую доброту воображающу верныя.
Слава. Диоскор, и Евтих, и Севир, Левиафан, трие сливающии и смешающии Христова существа, смешением умным, к Троице честней приразишася дерзостно.
И ныне. Богородичен. Плотьскаго Ти зрака образ Владыко, честно облобызаем, и Матере Твоея, и святых всех. Почесть ведяще правым помыслом, преходити добре к первообразному. Катавасия.
Песнь 8. Ирмос
Из пламене святым росу источи, а праведнаго жертву и воду попали. Вся бо твориши Христе елика хощеши. Тем Тя превозносим Господа во веки.
Запев. Яко же от единаго корене, отрасли богосадны, Сын и Дух восияша. Ибо Отец единовиновен есть, безлетныи, безлетным лицам единочестен.
Запев. Из чрева невеществена, безлетно восиял еси, единосущное слово Отцу и Духови. Но нас ради, в летную вселися вещественую утробу, единыя Богородицы.
Слава. Раждьженыя стрелы огнем духовным, в студная сердца врагом вонзошася еретиком. И на смерть удавиша, совокупления отец, седмочислено божественых.
И ныне. Богородичен. Не лицы единаго Христа славим. Не смешением существа сего соединяем. Един бо сыи и той же лицем, раздвояется естествы Дево, Твой Сын и Содетель. Катавасия.
Песнь 9. Ирмос
Бога человеком неудобь видети, Нань же не смеют чини ангельстии зрети. Тобою бо Пречистая явися нам слово воплощенно. Его же величающе, с небесными вои Тя величаем.
Запев с поклоном. Не подобает приложити, или оставити что священнаго предания, православныя нашея веры. В ню же бо верно крестихомся. А иже преложители сея веры, в правду предани будут прещению проклятия.
Запев. Радостию сердца вси взыграем, священныя Соборы отец совокупльше. Тех бо ради свет видехом православия. Светилницы бо явишася, вся наставляюще к правым учения обретением.
Слава. Душам испросим очищение, и благочестно житие препроводити потщимся. Яко да причастницы будем святым отцем, иже скрыша правых учении богатство, нам чадом их.
И ныне. Богородичен. Бог от боку Твоею восия Мати Божия, и род человеческии обожи, и славы Своея сподоби. И с наследники всех показа, иже Тя Богородицу воистину присно проповедающия. Катавасия.
Отпуст: Господи Исусе Христе, Сыне Божии, молитв ради пречистыя Твоея Матере, и иже во святых и богоносных отец наших вселенских учителей, собравшихся на шести Вселенских Соборех на потребление ересей, и всех ради святых, помилуй и спаси нас, яко Благ и Человеколюбец. Аминь. Господи помилуй (трижды). Исходные поклоны.