Святой праведный Иов — один из величайших ветхозаветных праведников, жил за 2000 – 1500 лет до Рождества Христова в земле Уц. Господь, испытывая веру праведного Иова, попускал диаволу причинять праведнику величайшее зло. Диавол сделал так, что в один день святой лишился всего своего богатства и детей, но не возроптал он на Бога и сказал: «Нагим вышел я из чрева матери моей, нагим и возвращусь к матери своей земле. Господь дал, Господь и взял. Да будет имя Господне благословенно». Затем св. Иов был поражен тяжкою болезнью — проказою, но и это не дало ему повода для ропота. Он за все благодарил Господа. Из Священного Писания известно, что Господь возвратил св. праведному Иову здоровье, и у него родились еще десять детей. Св. Иов невинно претерпел величайшие страдания, но он не поколебался в своей вере в Бога и вышел из постигшего его испытания гигантом веры и духа. Его преданность Всевышнему получила безмерное вознаграждение от Господа на всю вечность.
Если Господь послал кому-либо из верующих скорбь для испытания веры, если жизнь христианина захлестывает зло, он подвержен нападкам от диавола, клевете и злословию от людей, необходимо усердно молиться св. праведному Иову, прося угодника Божия в своих молитвах стать заступником и ходатаем перед Богом для злостраждущего. Не будем забывать, что вера св. Иова одержала такую славную победу, что он имеет у Господа особенную благодать ходатайствовать за вечное спасение других людей. Память св. праведному Иову 6 мая (19 мая по гражданскому стилю).
——————————————————————
Общее начало и конец всем канонам →
Порядок чтения по уставу
——————————————————————
Тропарь, глас 6-й
Праведника Твоего память Господи празднующих, всех нас избави от искушения лукавого, да Тя славим единаго Человеколюбца. (Дважды).
Слава, и ныне. Богородичен. Иже благословеную нарекии Матерь Себе, прииде на страсть волею Своею, восияв на кресте, взыскати хотя Адама. Глаголя ангелом, срадуйтемися, яко обретеся изгибшая драхма. Иже вся мудре устроивыи, Господи слава Тебе.
КАНОН, глас 4-й
Песнь 1. Ирмос
Лицы израильстии, не мокрыми ногами Понта Черьмнаго, морьскую глубину прошедше. Всадники тристаты, враги видяще в нем погружены, в радости пояху, поем Богу нашему, яко прославися.
Запев: Святыи праведныи Иове, моли Бога о нас (поклон).
Крепкаго адаманта, терпения венцем украшена, Христова Церкви умныма зрящи очима, торжествует радостно вопиющи, поем Богу нашему, яко прославися.
Запев. Ни язык премудрых возможет, ни ум человечь постигнути похвалы твоея. Ибо несозданныи язык, тя богочестива истинна и непорочна нарече. Тем же согласно вопием, поем Богу нашему, яко прославися.
Слава. Непщевав богатьством ограждена, подвижно победити праведника. Испрошает льстивыи, и обнажением нужно поборив разседеся. Терпением бо вопияша, поем Богу нашему, яко прославися.
И ныне. Богородичен. Лицы Тя пророческия поют Чистая, и безплотных множества почитают. Ибо Зиждителя всех, из утробы Твоея несказанно прошедша зряще, Сего немолчно поют, поем Богу нашему, яко прославися.
Катавасия: Избави от бед рабы своя, святыи праведныи Иове, яко вси по Бозе к тебе прибегаем, ты бо молиши о нас Христа Бога нашего (поклон). Господи помилуй (трижды с поклонами).
Песнь 3. Ирмос
Лук силных изнеможе, а немощнии препоясашася силою. Сего ради возвеселися о Господе сердце мое.
Запев. Пребываеши непреклонен умом, ты любезных детей, и богатьства обнажен, воспеваше, благословено Господа моего имя.
Запев. Вещь добродетели сотвори, богатьство и нищету. Обоими разжигаем, яко злато седмерицею, явился еси искуснейши.
Слава. Глаголом жены приложися, яко же началному родителю, злобе началник змий тебе. Но солгася коварьством, без меры хваляися.
И ныне. Богородичен. Радуися Мати неискусобрачьная, яже Бога Слова во утробе Своей вмещьши. И рождьши воплощенна, яко Бога купно и человека. Катавасия.
Седален, глас 3-й. Иова непорочнаго и чистейшаго, превысокаго столпа, и непобедима хитростьми врага бывша духом, вси ублажим, и верно восхвалим, велика угодника Христови бывшаго, и сего прилежно моляща, спасти от бед душа наша.
Слава, и ныне. Богородичен. Яко невозделанен Дево виноград, прекрасныи грозд возрастила еси, источающь нам вино спасения, всем веселящее душа и телеса. Тем же яко вину Тя добрым блажаще, всегда со ангелом вопием Ти, радуися Обрадованная.
Песнь 4. Ирмос
Услышах славное смотрение Твое Христе Боже. Яко родися от Девы, да от лести избавиши зовущыя, слава силе Твоей Господи.
Запев. Доволнейшии образ, и столп одушевлен. И изображение добродетели, Иов непорочныи показася. Его же ревнители нас вопиющих сотвори. Слава силе Твоей Господи.
Запев. Исцелевает твоего благосилия и терпения, незлобныя души во гноени страдание, еже во Едеме сущаго преступления исцеление, Иове преблаженне.
Слава. Помыслом разсуждая преподобным, воспеваше Иов. Благая приемше от Господа болезненая доблествено нестерпим ли. Слава силе Твоей Господи.
И ныне. Богородичен. Неискусобрачная Богоневесто, яже Спаса рождьши плотию, Тя воспеваем Препрославленая. И немолчно сице Тебе взываем, радуися предстателнице Твоим рабом. Катавасия.
Песнь 5. Ирмос
Восиявыи свет, и просветивыи утро, и показавыи день, слава Ти, слава Ти, Исусе Сыне Божии.
Запев. Утешающе от лют, приложше струпом своим болезни. Множайшыя ти исплетоша венцы, Иове славне.
Запев. Юношьски в лютых, непобедим явися. И в богатьстве, к досажению праведниче невзятся, Иове непорочне.
Слава. Невредимо душевное хранило назидая. Добле терпяше славне, вражию лютую бурю.
И ныне. Богородичен. Ангелов глас немолчно тварь приношает Ти Дево. Радуися Мати чистая Исуса Сына Божия. Катавасия.
Песнь 6. Ирмос
Возопил прообразуя погребение тридневное, пророк Иона в ките моляся, от тли спаси мя, Исусе Царю сыи силам.
Запев. Дивится слух, наслажаяся словес твоих, яко уста таин показася исполнь, сотворшаго тя и научьшаго тя, Божественаго Духа.
Запев. Исцеляя скорбящему болезнь сердцу, от очию милосердия проливааше слезы. Предстоя сирым, и вдовицам, Иове славне.
Слава. Житие твое благочестно, и боголюбно бысть. Сего ради и смерть явися покой. И к непрестанному веселию, Иове преставися.
И ныне. Богородичен. Молимся о рабех Твоих, пренепорочная Богородице, из Тебе Воплощеннаго моли, яко Тя едину предстательницу нашу знаем. Катавасия.
Слава, и ныне. Кондак, глас 8-й. Яко истинен и кроток, и Богу собеседник освещен явися славне Иове, угодниче присныи Христу. Просветил еси мира терпением своим. Тем богомудре, вси терпение твое, и житие твое хвалим в твою память.
Песнь 7. Ирмос
Спасыи во огни, авраамския си дети, и халдея убив, иже неправедно праведныи уловльше. Препетыи Господи Боже отец благословен еси.
Запев. Законных не невкусен сыи. Но пророк и закону нося исполнение Иове. За любовь Богови угодил еси. Воспевая, отец наших Боже благословен еси.
Запев. Не снискав сокровища на земли, но на небесех упование. Яко прах вменил еси злато, Богови же пети вожделел еси. Препетыи Господи Боже отец благословен еси.
Запев. Любве тя чад имения обнажив, праведных враг. Души же твоея крепость, не преста вопити, препетыи Господи Боже отец благословен еси.
Слава. Троичен. Слово и Дух от Отца, едино трисоставное естество, благословяще благочестно богомудрии. И верою вопием, препетыи Господи Боже отец благословен еси.
И ныне. Богородичен. Безбрачно во чреве выше слова приимшю, непременнаго Бога, милостию человецех причащьшагося, благочестно воспоем, яко Матерь Божию во веки. Катавасия.
Песнь 8. Ирмос.
Иже во образе ангела, явльшагося в пещи огненей, песнословяще Христа Бога нашего пойте дети. Священнии благословите, людие превозносите Его во веки.
Запев. Торжествует весь празднующих в вышних лик, с чюдесным воспеваемым Иовом, пойте дети, священнии благословите, людие превозносите Господа во веки.
Запев. Усугуби тебе венцы на земли и на небеси, подвигоположник богомудре Иове. Тем же взываеши, священнии благословите, людие превозносите Христа во веки.
Запев. Исцеления душам же и телом, гноение твоея плоти, источает пребогате воспевающим, священнии благословите, людие превозносите Господа во веки.
Слава. Недуг и здравие, богатьство и нищета, вскипеша в житии твоем блаженне. Светел бо явлься всеми, зовеши, людие превозносите Господа во веки.
И ныне. Богородичен. Неизреченно и без семене заченшую, и рождьшую радость вселенней, Христа Бога, пойте дети, священнии благословите, людие превозносите во вся веки. Катавасия.
Песнь 9. Ирмос
Евва убо недугом ослушания, клятву вселила есть. Ты же Дево Богородице, прозябением прижития Твоего, мирови благословение процвела еси. Тем Тя вси величаем.
Запев с поклоном. Иов убо терпения светлостию, достойно венчася. Ты же плачеши и сетуеши, не терпя праведнаго венец. Суетно бо надеявся, посрамился еси сатано, едине праведником враже.
Запев. Яко достижно человеком видети, славу Твою усмотрив беземертную, страхом удержан быв. И благоговением возопи Иов, зело трепетен, пепел есмь и земля, Ты же Господь. Тем Тя вси величаем.
Запев. Книги тя достойно животныя прияша, и сокровища небесная, яко пшеницу зрелу сущю, и исполнь дней духовных, Иове угодниче Господень блаженне. Тем же тя вси ублажаем.
Слава. Единице трисоставная честная, и единославная Пресвятая Троице Боже наш, свет и жизнь, и нетление мирови показася, зовущыя Твоя рабы от лести спаси, да верою Тебе поклонимся (поклон).
И ныне. Богородичен. Премудрости вместилище паче ума, лучши показася, Отроковице пренепорочная, одушевлен престол же и дверь. Тем же яко Царицу возлюбиша девицы Тебе Дево, вслед Тебе приведошася Богоотроковице. Катавасия.
Отпуст: Господи Исусе Христе, Сыне Божии, молитв ради пречистыя Твоея Матере, и святаго праведнаго Иова, и всех ради святых, помилуй и спаси нас, яко Благ и Человеколюбец. Аминь. Господи помилуй (трижды). Исходные поклоны.