Канон Ангелу Грозному

Русская вера, 2017

Рано или поздно каждый из нас на смертном одре встретится лицом к лицу с Грозным Ангелом, который придет для разлучения души с телом. Переход души в потусторонний мир — страшный для нее момент. Об этом не следует забывать на протяжении всей жизни. Поэтому необходимо регулярно молиться канон Ангелу Грозному, прося его удалить от нас страх в минуту перехода нашей души в загробный мир. Чтобы смерть тела не стала для христианина началом нескончаемого страдания, нужно во все дни земной жизни жить по заповедям Божиим, иметь общение с Господом через молитву, соблюдать устав Святой Церкви о постах, не менее одного раза в год бывать на Исповеди и так проводить свою жизнь, чтобы грехи не возбраняли получать Святое Причастие Тела и Крови Христовой; необходимо также безукоризненно выполнять епитимию, без выполнения которой нет прощения грехов.

Если мы так будем жить, то и своей душе принесем вечную пользу, и Ангелу Грозному не причиним скорби во время прохождения нашей душой сорокадневных посмертных мытарств.
 

------------------------------------------------------------------

Общее начало и конец всем канонам →
Порядок чтения по уставу
------------------------------------------------------------------
 

Тропарь, глас 4-й

От небесных избраннаго воеводу, от Бога посланнаго мудраго оружника, и грознаго полчанина, и победителя вражиим силам, святаго ангела хвалим поюще, и смертию назирает, и от суеты мира избавляет, и от вечных мук избавляет нас, поющих ему аллилуия. (Дважды).

Слава, и ныне. Богородичен. Иже от века утаенное, и ангелом несведомое таиньство, Тобою Богородице земным явися, Бог в неразмесне снятии воплощаемь. И крест волею нас ради восприим. Им же воскресив первозданнаго, и спасе от смерти душа наша.
 

КАНОН святому ангелу грозному воеводе, хранителю всех человек, от Вседержителя Бога посланному по вся человеческия души возвести к Богу, а тело персти отдати. Ты же человече, не забывай смертнаго часа, пой по вся дни канон сей. Глас 6-й.
 

Песнь 1. Ирмос

Яко по суху ходив Израиль, по бездне стопами, гонителя фараона видя потопляема, Богу победную песнь поем вопияше.

Запев: Святыи ангеле Христов грозныи воевода, помилуй мя, грешнаго раба своего (назови имя) (поклон).

Преже грознаго твоего и страшнаго ангеле пришествия, умилися о мне, грешнем (назови имя), возвести ты ми конец мой, да покаюся дел своих злых, да отрину от себе бремя, греховную тягость, да легче ми с тобою путь шествовати.

Запев. Страшныи и грозныи ангеле, не устраши мене, маломощнаго, дай ми, ангеле, смиреное свое пришествие и кроткое твое вхождение, и вельмися тебе возрадуюся, напой мя, ангеле, чашею спасения.

Слава. Святыи ангеле, да мя напоиши чашею спасения, и весело теку в след твоего хождения, и молюся не остави мене сира.

И ныне. Богородичен. Рождьшая Царя вышним силам пречистая Царица. Ты еси милостива, можеши облегчити мое бремя тяжкое греховное.

Катавасия: Избави от бед раба своего, святыи ангеле Христов, грозныи воевода, яко вси по Бозе к тебе прибегаем, ты бо молиши о нас Христа Бога нашего (поклон). Господи помилуй (трижды с поклонами).
 

Песнь 3. Ирмос.

Несть свята яко же Ты Господи Боже мой. Вознесыи рог верных си Блаже, и утверждь их на камени исповедания Ти.

Запев. Егда приидет время твоего прихода страшнаго, святыи ангеле, по мене, грешнаго (назови имя), разлучити мою душу от убогаго ми тела, и вниди с тихостию, да с радостию усрящу тя честно.

Запев. Молютися святыи ангеле, яви ми свой светлыи зрак, и весело воззри на мя, окаяннаго и грешнаго, да не устрашит мене приход твой святыи, да уготовлюся на сретение тебе честно.

Слава. Святыи ангеле, Божии посланниче, даждь ми час покаятися, согрешении моих, и отринути бремя тяжкое греховное, да легче ми тещи во след тебе.

И ныне. Святыи ангеле, не имам иного, разве тебе, спутника скора. Помилуй мя, грешнаго (назови имя), приведи душу мою к Богородице. Та бо есть милостива, отпущает грешным согрешения. Катавасия.
 

Песнь 4. Ирмос

Христос мне сила, Бог и Господь, честная Церкви боголепно зовет вопиющи от совести чисты, о Господе празднующи.

Запев. Молютися, страшныи и грозныи ангеле посланниче, вышняго Царя воевода, да весело воззри на мя, окаяннаго, да не ужаснуся твоего зрака и весело с тобою путь шествую.

Запев. Плачася вопию: о, воевода Небеснаго Царя, грозно хождение твое, да не вскоре растли мене, грешнаго, весело и тихо напой мя смертною чашею.

Слава. От сердца вопию ти, о, грозныи воине Царя царствующим, несть иного сильнее тебе, и крепкаго во бранех и смыслена в мудрости, и прямо во исправлении, исправи путь мой.

И ныне. Богородичен. Госпоже Дево Богородице Владычице, рождьшая Царя Небеснаго. Смертоноснаго часа неминухся, избави душу раба своего от сетей ловящих. Катавасия.
 

Песнь 5. Ирмос

Божиим светом Ти Блаже, утренюющих Ти душа любовию, просвети молюся, Тя ведети Слово Божие, истиннаго Бога, от мрака греховнаго изимающа.

Запев. О, сродницы мои, егда видите мене от вас разлучена, и зрак лица моего изменися и гробу предаюся, и к Судии влеком буду, молите о мне святаго ангела да ведет душу мою в место покойно.

Запев. О, друзи мои любезнии, егда видите мене от вас разлучена и земли предаема, помолитеся о мне ко святому ангелу, да проводит душу мою двадесять мытарств и измет ю, от всех погибелей.

Слава. О, людие Божии избраннии и благочестивии и вси племена земнии, егда видите мое смертное тело на земли повержено, и вонею объято греховною, молите о мне ангелу смертоносному, да ведет душу мою в тихое пристанище.

И ныне. Богородичен. Пречистая Богородице Владычице, Ты веси немощь земнородных человек, яко вскоре разорится естество плоти нашея, Ты, Госпоже, буди ми помощница и заступница. Катавасия.
 

Песнь 6. Ирмос

Житейскаго моря воздвизаема зря, напастей бурею, в тихое пристанище Твое притек вопию Ти, возведи из тля живот мой, Многомилостиве.

Запев. От Бога посланнаго страшнаго воина, и всем людем и царем, и князем, и архиереом и всякому дыханию великое изменение от суетнаго сего света.

Запев. В напастех пребывающих, и в скорбех тружающихся, сущих верных избавителю, святыи ангеле грозныи посланниче, и мене избави от суетнаго жилища.

Слава. Святыи ангеле, от всех нас на земли живущих, дань свою приимеши от Бога повеленную ти, егда приидеши, и приимеши, и неси в сокровище света.

И ныне. Богородичен. О, Царице Богородице, сирым питательница, и обидимым заступница, и бедным помощница, помилуй мя. Катавасия.

Слава, и ныне. Кондак, глас 5-й. Небеснаго Царя воевода и предстатель Престолу Божию, и творитель воли Господни, и совершитель заповеди Его не лишаешися славы велелепныя, прославляешися, скоро пленяеши, николиже, всюду готов стоиши, храбруеши зла не убоишися ни стара отрееши, ни мала отступиши, вся поимеши и ведеши в место покойно, и мене помилуй, грешнаго (назови имя), да пою ти аллилуия.
 

Песнь 7. Ирмос

Хладодательну убо пещь сотвори ангел, преподобным детем, халдеи же опали велением Божиим, мучителя увеща вопити, благословен Бог отец наших.

Запев. Великии мудрыи хитрец, никто же может твоея нещадости, святыи ангеле, умилися о мне окаяннем.

Запев. Милосерд сыи светлыи светильник, просвети ми мрачную душу своим светлым пришествием, да во свете теку в след тебе.

Слава. Святыи ангеле, радуюся и трепещу рукою, и показую людем час разлучения моего, души моей грешней, от убогаго ми тела. Святыи ангеле, помози ми, грешному.

И ныне. Богородичен. Пречистая Богородице Владычице, помилуй мене, грешнаго, в час разлучения. И святыи ангеле, страшныи посланниче, изми душу мою от сетей ловящих. Катавасия.
 

Песнь 8. Ирмос

Из пламени святым росу источи, а праведнаго жертву и воду попали. Вся бо твориши Христе елико хощеши. Тем же Тя превозносим Господа во веки.

Запев. Царя Небеснаго слава, нетленная и непроходимая, Сотворшему чины архангельския свята такова страшна и грозна, смертоносна ангела, хвалите пойте и превозносите Его во веки.

Запев. Царя Небеснаго слуга, и предстатель Престолу Божию, святыи ангеле, смерть принес нам, измени нас доброты здания сего, и приведи нас к свету светлейшему и праведному Судии. Хвалите, пойте и превозносите Его во веки.

Слава. Царю Небесному и Богу нашему угождаеши, и заповеди Его не преступаеши, волю Его твориши, в любви пребываеши. Ангела тя свята хвалим, поем же и превозносим Его во веки.

И ныне. Богородичен. О, Царице Владычице, Царя рождьшия вышним силам земным Бога и Господа и Спасителя от находящих ны бед молися Богородице, да помилует мя в День Судныи, поюща и превозносяща во веки. Катавасия.
 

Песнь 9. Ирмос

Бога человеком неудобь видети, Нань же не смеют чини ангельстии зрети. Тобою бо Пречистая явися нам Слово воплощенно, Его же величающе, с небесными вои Тя величаем.

Запев с поклоном. Осквернившим душу злыми похотьми, теплыми слезами не омывше, милостынею не очистивше и страшнаго посланника не поминающе, мы же тя ангеле величаем.

Запев. Бога нам поведаеши, святыи ангеле, и душу мою окаянную изимаеши из тела, а тело растлеваеши и гробу предаеши. Молютися святыи ангеле, изми душу мою от сетей ловящих, тя величающа.

Слава. От Бога посланному, всех ангел престрашнее еси святыи ангеле. Не устраши душу мою убогую наполнену злосмрадия, очисти ю, и представи ю Престолу Божию непорочну, тя величаем.

И ныне. Богородичен. О, Богомати пречистая, вся спасаеши и милуеши, тако же помилуй и мене, злосмраднаго, в час разлучения, и в муку посланнаго. Тогда ми помози, Богородице, окаянному, от огня исхити и от муки вечныя избави Тя величающаго. Катавасия.

Отпуст: Господи Исусе Христе, Сыне Божии, молитв ради пречистыя Твоея Матере, и святаго ангела Твоего грознаго воеводы, и всех ради святых, помилуй и спаси нас, яко Благ и Человеколюбец. Аминь. Господи помилуй (трижды). Исходные поклоны.


Обзор книги