По церковному преданию, икона Божией Матери «Тихвинския» написана св. апостолом и евангелистом Лукой и послана им в Антиохию, затем в Иерусалим, а в V веке из Иерусалима была перенесена в Константинополь, где для нее был построен Влахернский храм. В 1383 году, за 70 лет до взятия турками Константинополя, икона покинула храм и в лучезарном свете явилась чудесным образом над водами Ладожского озера в Новгородских пределах. Чудесно носимая с места на место, она остановилась близ города Тихвина. На месте явления иконы был построен деревянный храм Успения Богородицы, а позже вместо него каменный храм. В 1560 году при храме был устроен мужской монастырь. Молясь канон Пресвятой Богородице явления Ея иконы «Тихвинския», христиане надеются на заступничество Небесной Владычицы от врагов видимых и невидимых, на помощь на войне, исцеления в болезнях. Память Божией Матери явления Ея иконы «Тихвинския» 26 июня (9 июля по гражданскому стилю).
——————————————————————
Общее начало и конец всем канонам →
Порядок чтения по уставу
——————————————————————
Тропарь, глас 4-й
Днесь яко солнце пресветло возсия нам на воздусе, всечестная икона Твоя Владычице, и лучами милости Твоей просвети весь мир. Сию же великая Русия, яко некии дар божественыи, свыше благоговейне восприемши, воспрославляет Тя Богомати Дево, и от Тебе рождьшагося Христа Бога нашего: Ему же молися, О Госпоже Царице Богородице, да избавит вся грады и страны християнския невредимы от всех навет вражиих, и спасет всех еже верою поклоняющихся (поклон) пречистому Твоему образу, Дево неискусобрачная. (Дважды). Слава, и ныне (повторяем тропарь).
КАНОН, глас 8-й
Песнь 1. Ирмос
Воду прошед яко по суху, из егепетска зла избежав, израильтянин вопияше, Избавителю Богу нашему поем.
Запев: Пресвятая Госпоже Богородице, услыши молитву раб Своих, молящихся Тебе (поклон).
О Троице вседержителная, и Единице трисолнечная, душу ми и сердце и ум просвети, и благодатию освяти, и к божественней си любви Преблагая возведи, благочестно пети благосердие, присно Девы благословенныя.
Запев. Благаго Царя благая Мати, яже всем благопослушная в прошениих, и пресветлая во благодеяниих, благодать света Твоего нам возсияй, и облагодати днесь, О богоблагодатная, песнь пети Тебе начинающих.
Слава. Ликом ангельским виновно суть Владычице таинственнаго Твоего торжества сущее, и сии движутся к похвалению. Мы же бреннии что Ти принесем, но точию усердная.
И ныне. Аще и к таковому Всепетая песнословию непотребни, за благость же Ти Пречистая не отрини: но просвети нас светом милости Твоея, грехов наших тму потребляющи и усердная подающи.
Катавасия: Спаси от бед рабы Своя, Богородице Дево, яко вси по Бозе к Тебе прибегаем, яко к нерушимей стене и заступлению (поклон). Господи помилуй (трижды с поклонами).
Песнь 3. Ирмос
Утвержеи небеса в начатце разумом, и землю на водах основавыи, на камени мя Христе церковнем утверди, яко несть свята, паче Тебе Человеколюбче.
Запев. Грядите вернии на таинство, узрите возсиявшую на высоте боголепно: се бо Богомати пречистым днесь образом осияла есть, и посетила нас благодатию, благоверно поющих, несть бо пречисты паче Тебе Владычице.
Запев. Осеняется Богородице иконы Твоея благодатию всяк ум верных, и возвышается таинственным пришествием Ея горе, ею же днесь благочестно сподоби Владычице и нас раб Твоих, вышняго причастия верно Тя поющих.
Слава. Даждь нам ненаветно небесную шествовати стезю Богоневесто, укрепляющи нас на божественая деяния, яко да Твоим Дево заступлением злокозненнаго уклоншеся путей, общницы присносущыя славы будем.
И ныне. Ангельскаго Творца истиннаго света Христа, неизреченно из Тебе Богомати возсиявшаго лучами, омраченная наша душа и сердца просвети, и благодатию си, О Благодатная освяти к горнему света рачению облагодатьствующи. Катавасия. Слава, и ныне.
Седален, глас 4-й. Яко древняго воистину пречестнее киота, Твой пречистый образ паче илектра просвещаяся, и повсюду неоскудно, лучи милости Твоея всем простирает. И соблюдает милостивно чтущих преславное пришествие его Владычице, в онь же сошедшеся усердно празднуем.
Песнь 4. Ирмос.
Ты ми Христе Господь, Ты же и сила ми, Ты ми Бог Ты ми радование. Не оставль недра отча но милостию си нашу нищету посетив тем с пророком Аввакумом зову, силе Твоей слава Человеколюбче.
Запев. Творец всех и Создатель, вседержителною силою носяй всяческая, образом Своим божественым, и Твоим Дево днесь богоносным, премирно к нам прииде, на руку Твоею Чистая носимь, на спасение человеком Человеколюбец.
Запев. Неизреченному Божию, и божественому дарованию, иконе Пречистыя и света Христа, приидите вернии поклонимся (поклон), и с любовию поем вопиюще, низпосли, о Благо дателю, рождьшия Тя ради присно Девы благосердыя благодать нам и милость.
Слава. Аароня паче киота пречистыи Твой образ Богородице, Духа Святаго силою и благодатию неизреченно Бог освяти и облагодати, и ангелом служити ему повеле. С ними же о нас, о Всесвятая молися, славящих спасителное его смотрение, и Твое еже о нас милосердие.
И ныне. Яже по благодати дарованная от Бога Помощнице християном всем, Того моли Всесвятая и Пренепорочная, яко да презрит наша безчисленная согрешения, и избавит пламеннаго томления, и тмы мучащия, и муки всякия. Катавасия.
Песнь 5. Ирмос.
Утренюет дух мой, к Тебе Христе Боже, зане свет повеления Твоего пришествия, в них убо озари ума нашего Владыко, и настави на стезю животную.
Запев. Ты, о Благодатная, в крайнем Ти днесь благоволении, боголепным явлением всяческая благодатно облагоухала еси, и таинственное света Твоего просвещение всему миру низпослала еси, к свету вышния славы Богородице верныя возводящи.
Запев. Омрачихомся помыслы, отягчихомся грехи, недоумеем светоносныя благодати и милости Твоея исповедати Владычице. Но о Пресвятая Дево, просвети нас и обогати, таинственными Ти даровании, и божественными желании, к свету праваго пути направляющи.
Слава. Благочестно отвсюду о Богомати, ко пречестней Твоей иконе притекающих, и усердно покланяющихся (поклон) и верно везде призывающих ю, предвари от бед всяких спасающи, и лютых недуг, и духов прогонящи. И тишину и здравие подающи всем, Владычице.
И ныне. Лютыми помышлении, и скверными воспоминании, от лукавых врагов стужаеми зелне, не остави убо нас ниже презри Богородителнице, но осени Твоею благодатию, покрывающи от сих и заступающи, и спасающи от всех их навет и страстей, о Богоблаженная. Катавасия.
Песнь 6. Ирмос.
Молитву пролию ко Господу, и Тому возвещу печаль мою, яко зол душа моя наполнися, и живот мой аду приближися, но молюся яко Иона, от тли Боже мой возведи мя.
Запев. Аер присно и земля вся Царице в преславнем Ти иконы пришествии, исполнися чюдес и божественных даров, благодатию Твоею во утвержение благочестию и всем верным Всепетая. Ею же днесь и сопостати низлагаются, и славящия Тя крепце возмогают.
Запев. Граде Божии, селение святое, Дево Богоневестная, сохрани от сопротивных нахождения, и от всех навет вражиих святыи дом Свой, и вся грады и страны християнския, любовию поющия Тя, и верно почитающия пречистыи образ Твой.
Слава. Освящение, здравие и спасение, о Мати Божия, всегда нам подавай, душам же и телесем, благочестно покланяющимся (поклон) божественей Твоей иконе, и усты и сердцем благоговейне целующим ю, и со страхом прикасающимся, и верою от души приснославящим.
И ныне. Державныи покров и стену необориму, стяжавше Тя присно Дево Богородице, привлечени заступлением Ти зовем: стрелы вражия и козни вся бесовския, яко младенчески покажи, и недействены силою Твоею, крепкая Помощнице. Катавасия.
Слава, и ныне. Кондак, глас 8-й. Притецем людие в дом спасителныи Царицы и Богородицы за неизреченную милость Ея, под Тоя благоутробие прибегше верно, пречистому Ея образу припадающе, и благочестно вопиюще, Владычице за спасителное смотрение мира, премирно и светозарно к нам пришедши, просвети нас светло сотворяющих празднество пришествия Твоего, и укрепи славящия Тя люди, изрядно на враги победителная им подающи, и вся притекающия к Тебе, и верою поющия Тя спаси, да зовем Ти, радуися Дево миру спасение.
Икос. Премирно явление Богоматере видяще, на высоту добродетелей взыдем, ум на небо преложше. Сего бо ради непостижимо прииде, хотя привлещи к высоте вопиющих Ея сице. Радуися благословенная Дево, от всех родов избранная Богом. Радуися Небесная Царице, Господа Бога Мати, Творца всяческих. Радуися всерадостное ангелом пение, радуися всежелательное всего мира зрение. Радуися неподвижимое веры благочестия основание, радуися всесветлое благодати познание. Радуися к земным Божие благоизволение, радуися земных к Богу возведение. Радуися озлобленым душам утешение, радуися всем верным скорое поможение. Радуися дарованная от Бога Предстателнице роду христианскому, его же и соблюдай прилежно от всяких бед и зол, да зовем Ти, радуися Дево верным спасение.
Песнь 7. Ирмос.
Божия схождения огнь устыдеся в Вавилоне древле. Сего ради отроцы, в пещи радованною ногою, яко во свете ликоваху поюще: благословен Бог отец наших.
Запев. Ангелом говейныи образ Твой Владычице неизреченною присно благодатию сияет и силою, днесь бо того даровании, земныя просвещавши, и с небесными совокупляеми, и к вечному животу возводиши, за неизглаголанную благость Богоблагодатная.
Запев. Твоего боголепнаго явления, и преславнаго иконы пришествия, и пучины чюдес Чистая, и витийствующии уста никако же возмогут исповедати. Мы же грубии что возглаголем; но точию, помилуй и спаси нас, о Всемилостивая.
Слава. Известная верных Помощнице, и всех благих подательнице, приими нас верно припадающих Ти и любовию вопиющих, помилуй нас Госпоже, помилуй нас, яко же днесь, тако и во он век буди нам помощница и заступница.
И ныне. Мати Божия милосердая, милости Твоея пучину днесь нам отверзи, и от уст мысленных волков исхити, хотящих нас поглотити, и до конца погубити: помилуй, молим Тя о Владычице, помилуй, не отврати посрамленых раб Твоих. Катавасия.
Песнь 8. Ирмос.
Покрывали водами превыспренняя Своя, полагали морю предел песок, и со держан землю, Тя поет солнце, Тя славит луна, Тебе приносит хвалу вся тварь, яко Содетелю всем во веки.
Запев. Изряднии чинове небеснии благочестно благоговеют пречистому Твоему образу Всечистая, и премирному его пришествию, иже под солнцем преславно показавшуся, и вселенную воздвигшу пети, и славити Сына Твоего яко Содетеля всех во веки.
Запев. Преславная днесь поюще, покланяемся (поклон) любезно ангелом говейней Ти иконе, благоговеюще о Госпоже Царице: славящих Тя людей наших, божественною си благодатию осени, и на враги укрепи.
Слава. Радости вина всеблагословенная, радуися Всенепорочная, радуися Благодатная, держава и ограждение и спасеное прибежище, спаси нас раб Твоих неимущих помощи: на Тя бо надеемся, и Тебе поем во веки.
И ныне. Едину Тя жизни стяжахом хранительницу, и крепку надежду спасения: молим Тя о Благосердая, и по кончине ходатайствовав о нас, яко да будущих истязаний избавимся, и милостива обрящем Сына Твоего и Бога в День Судныи. Катавасия.
Песнь 9. Ирмос.
Удивися убо о сем небо, и земли ужасошася концы, яко Бог явися человеком плотию, чрево же Твое бысть пространнее небес, тем Тя Богородице ангел и человек чиноначалия величаем.
Запев с поклоном. Проста аера и небошественна, икона Твоя Владычице путь проходящи божественно и светолепно, неизследимы стези являющи, и всех в поднебесней благодатию си озаряющи, верою вопиющих, воистину честнейши всех еси Дево чистая.
Запев. Слова пением, превысоких Ти Чистая чюдес никако же достигохом; но молебно Тя молим, моли Царице Сына Своего Владыку и Царя всех, даровавшаго нам Тебе преславну Помощницу, яко да Тобою сподобит нас Небеснаго Своего Царствия.
Слава. Песнь желанну, пения недоуменна, облагодати за благодать си, о Богоблагодатная, прошения наша к пользе исполняющи и к высоте горней всех возводящи, верно Ти зовущих, воистину вышши всех еси Дево всенепорочная.
И ныне. Роди вси радостно блажим Тя Богородице, яко радости вся исполнила еси: всяк убо возраст, и всяка душа верных благодарит всегда. Умилнейши же днесь покланяющеся (поклон) молим Тя: не забуди Своя рабы Владычице, сподоби избранных радости, в будущем веце оном. Катавасия.
Отпуст: Господи Исусе Христе, Сыне Божии, молитв ради пречистыя Твоея Матере, честнаго и славнаго явления чюдотворныя иконы Ея Одигитрии Тихвинския, и всех ради святых, помилуй и спаси нас, яко Благ и Человеколюбец. Аминь. Господи помилуй (трижды). Исходные поклоны.