Рождество Пресвятой Владычицы нашей Богородицы и Приснодевы Марии — первый двунадесятый (от славянского «дванадесять» — двенадцать) православный праздник церковного года. Первый он и по хронологии событий новозаветной истории, и по церковному календарю, который начинается с сентября и потому называется в богослужебных песнопениях «началом нашего спасения». Рождение Божией Матери явилось исполнением пророчеств о том, что вскоре придет на землю Христос, Спаситель мира. Праздник Рождества Пресвятой Богородицы ежегодно отмечается Церковью 21 сентября (8 сентября по старому стилю), является непереходящим и имеет 1 день предпразднества и 4 дня попразднества.
——————————————————————
Общее начало и конец всем канонам →
Порядок чтения по уставу
——————————————————————
Тропарь, глас 4-й
Рожество Твое Богородице Дево, радость возвести всей вселенней. Из Тебе бо восия Солнце правде Христос Бог наш, разрушив клятву, даст благословение, и упразднив смерть, дарова нам живот вечныи.
Канон, глас 2-й
Песнь 1. Ирмос
Грядите людие, поем песнь Христу Богу, раздельшему море, и проведшему люди, яже испусти из работы египетския, яко прославися.
Запев: Пресвятая Госпоже Богородице, услыши молитву раб Своих, молящихся Тебе (поклон).
Грядите вернии, Духом Божественым радующеся, Юже от неплодове днесь прошедшую, человеком на спасение, присно Деву Отроковицу песньми почтем.
Запев. (Повторяем стих).
Слава. Радуйся Чистая, Мати и Рабо Христа Бога, яже первому ходатаице блаженству, человеческии род Тя, вси достойно песньми славим.
И ныне. Живота раждается днесь мост, им же человецы возведение падения еже от ада обретшии, Христа Жизнодавца песньми прославляют.
Катавасия: Спаси от бед рабы Своя Богородице Дево, яко вси по Бозе к Тебе прибегаем, яко к нерушимей стене и заступлению (поклон). Господи помилуй (трижды с поклонами).
Песнь 3. Ирмос
Утверди нас Собою Господи, древом умерщвеи прегрешения, и страх Твой всади в сердца наша, яко Человеколюбец.
Запев. Непорочно Богови пожившая, всех породиста спасение, Богомудрая родителя, Зиждителя рождьшую и Бога нашего.
Запев. (Повторяем стих).
Слава. Всем жизнь источаяй Господь, от неплодове произведе Деву, в Ню же вселитися сподоби, и по рожестве сохранив нетленну.
И ныне. Аннин плод, Марию днесь, грозд рождьшую живоносныи, яко Богородицу воспоем, Предстательницу же всех, и Помощницу. Катавасия.
Слава, и ныне. Седален, глас 4-й. Девая Мария и Богородица воистину, яко облак света днесь восия нам, и от праведнику происходит в славу нашу. Не к тому Адам осуждается, и Евва от уз свободися. И сего ради зовем вопиюще, со дерзновением Единой Чистей, радость возвещает рожество Твое всей вселенней.
Песнь 4. Ирмос
Услышах Господи, слух Твоего смотрения, и прославих Тя Единаго Человеколюбца.
Запев. Воспеваем Тя Господи, верным спасеное пристанище, подавшаго всем Тебе Рождьшую.
Запев. (Повторяем стих).
Слава. Тя Богоневестная, похвалу всех Христос явил есть, и утвержение поющим верно Твое таинство.
И ныне. Неискусобрачная Владычице, Твоими молитвами, избавляеми прегрешении, благоразумну вси Тя ублажаем. Катавасия.
Песнь 5. Ирмос
Яко сень писаннаго мрака гадание разорь, и верных сбытием истинным, Богоотроковицы ради озарив сердца, и нас светом Твоим Христе озари.
Запев. Воспоем людие всех Ходатайцу, иже по нас быти виновному. Ея же образу радовахуся сподобльшеся пророцы, искони спасение от Тоя плодяще.
Запев. (Повторяем стих).
Слава. От суха жезла прозябение, священнику, Израилеви показа разсуждение. И ныне светлость прозябших преславно, научает от неплодове преславное рождение.
И ныне. (Повторяем стих). Катавасия.
Песнь 6. Ирмос
К Господу от кита Иона вопияше, Ты мя возведи из глубины ада Владыко, да яко Избавителю во гласе хваления, истинным же Духом пожру Ти.
Запев. К Господу в скорби неплодства возописта, Божия Матере богомудрая родителя, и Сию в роды родов родивше, на общее спасение и похвалу.
Запев. (Повторяем стих).
Слава. Прияша небесныи дар достоин Богови, Божию Матерь, богомудрая родителя, самех Херувим превышше носило, Слова и Зиждителя Родительницу.
И ныне. (Повторяем стих). Катавасия.
Слава, и ныне. Кондак, глас 4-й. Иоаким и Анна поношения безчадства, и Адам и Евва, от тли смертныя свободистася, Пречистая, святым рожеством Твоим. То празднуют и людие Твои, вины греховныя избавльшеся вопиюще Ти, неплоды раждает Богородицу и питательницу жизни нашея.
Икос. Молитва купно и воздыхание, неплодства и безчадства, Иоакима и Анны богоприятное, во уши Господни вниде, и прозябе Плод живоносен миру. Ов бо молитву на горе творяше, ова же в саде поношение ношаше. Но с радостию, неплоды раждает Богородицу, и питательницу жизни нашея.
Песнь 7. Ирмос
Купина в горе огнем не опалима, и обросима пещь халдейская, яве прописа Тя Богоневестная, Божественыи бо Безплотныи в плотне чреве, Огнь неопально прият. Тем же из Тебе Рождьшемуся зовем, благословен Бог отец наших.
Запев. Твое в вещественых явление, Законодавец возбрани разумети. Великое Пречистая таинство, не мудрити нижних, образно наказуя иногда. Темже удивлься чудеси глаголаше, благословен Бог отец наших.
Запев. (Повторяем стих).
Слава. Гору и дверь небесную, и мысленую лествицу боголепно, лик божественыи пронарече. От нея же камень отсечеся, не руками мужескими, и дверь ею же пройде Господь, иже чудесем Бог отец наших.
И ныне. (Повторяем стих). Катавасия.
Песнь 8. Ирмос
В пещи отрочестей, прообразил еси иногда Свою Матерь Господи. Образ же сих огня избавляше, не опально вшедших. Юже поем явльшуся Тобою концем днесь, и превозносим во вся веки.
Запев. Иже к Богу нашего примирения пронареченая скиния, ныне быти начинает, рождьши Слово, нам дебельством плоти явльшася. Его же поем, от небытия бытие тем приемшии, и превозносим во вся веки.
Запев. (Повторяем стих).
Слава. Неплодныя преложение, мирное благих разреши неплодьство, и ясно чудо Христа показа, к земным пришедша. Его же поем, иже от небытия бытие приемшии, и превозносим во вся веки.
И ныне. (Повторяем стих). Катавасия.
Песнь 9. Ирмос
Яже прежде солнца светильника Бога восиявша, плотию к нам пришедшаго из боку Девичу неизреченно вочеловечшася, благословеная Чистая, Тя Богородице величаем.
Запев с поклоном. Иже непокоривым людем, из камене источив воду. Благопокоривым же языком, дарует от чресл неплодных, плод на веселие нам, Тя Богомати чистая, юже достойно величаем.
Запев. (Повторяем стих).
Слава. Иже немилостивнаго древняго погубления осуждение, и праматере исправление, иже роду к Богу вину присвоения, к Зиждителю мост, Тя Богородице величаем.
И ныне. (Повторяем стих). Катавасия.
3адостойник: Чуже есть матерем девою быти, и странно девам дети раждати: на Тебе Богородице обое смотрение бысть, тем Тя вся племена земная, непрестанно величаем. (Поклон земной).
Отпуст: Господи Исусе Христе Сыне Божии, молитв ради пречистыя Твоея Матере, честнаго и славнаго Ея Рожества, и всех святых, помилуй и спаси нас, яко Благ и Человеколюбец. Аминь.