Канон преподобному Онуфрию Великому

Преподобный Онуфрий жил в IV веке в Египте и подвизался 60 лет в полном одиночестве в дикой пустыне. Ангел Господень приносил святому хлеб и каждую субботу и воскресенье причащал его Святых Таин. Около пещеры, где жил преподобный, чудесным образом выросла финиковая пальма и открылся источник чистой воды. Многие искушения от диавола претерпел в пустыне преподобный Онуфрий. Будем просить в своих молитвах преподобного Онуфрия Великого помогать нам преодолевать различные искушения от бесов. Память преподобному Онуфрию Великому 12 июня (25 июня по гражданскому стилю).
 

——————————————————————

Общее начало и конец всем канонам →
Порядок чтения по уставу
——————————————————————
 

Тропарь, глас 1-й

Желанием духовным пустыню достигл еси, богомудре Онуфрие. И яко бесплотен в той многолетне подвигся трудне, сревнуя пророкома Илии и Крестителю. И от руку ангельскую таин божественных наслаждься. И ныне во свете святыя Троицы веселяся, моли преподобне спастися нам, твою память почитающим. (Дважды).

Слава, и ныне. Богородичен. Гавриилу провещавшу Ти Дево, еже радуися. И со гласом воплощашеся всех Владыка, в Тебе святем киоте, яко же рече праведныи Давыд. Явися пространнейши небес, поносивши Зиждителя Своего. Слава всельшемуся в Тя, слава прошедшему ис Тебе, слава свободившему нас рожеством Своим.
 

КАНОН, глас 4-й
 

Песнь 1. Ирмос

Колесницы фараоновы, и всю силу его вверже в море, крепкии во бранех. Воспоем ему песнь нову, яко славно бо прославися.

Запев: Преподобне отче Онуфрие Великии, моли Бога о нас (поклон).

Зарею трисиянною сияя, живота мрачнаго мя исхити, смертоносных согрешении, твоими отче молитвами Онуфрие. Яко да пою память твою.

Запев. Мира отвергся, прилепися Христови. Плоть покорил еси помыслу. И приятелище явися Святаго Духа, отче богомудре Онуфрие.

Слава. Столпом божественаго света наставляемь, Египта оставил еси страстнаго. И к высоте достигл еси безстрастия, и Богови беседова.

И ныне. Богородичен. Родила еси иже прежде Тебе рождьшагося из Отца, пребысть же нетленна, и по рожестве Девая. Тем же Богородицу Тя воистину исповедаем Препетая.

Катавасия: Избави от бед рабы своя, преподобне отче Онуфрие великии, яко вси по Бозе к тебе прибегаем, ты бо молиши о нас Христа Бога нашего (поклон).Господи помилуй (трижды с поклонами).
 

Песнь 3. Ирмос

Утверждаяи гром, и зиждаи дух, утверди мене Господи, да Тя пою целомудрено, и творю волю Твою, яко несть свят, яко же Ты Боже наш.

Запев. Ангельскому последуя зрению, пустыню достигл еси. И воздержанием плотския сласти увядив, ангельски поживе в той блаженне.

Запев. Насаждено древо, при исходищих явися воздержания вод, во благо отче время, благоплодие добродетелей, яко воистину подал еси Онуфрие деянием.

Слава. Всесветлая звезда, вселенней от пустыни восиял еси, и уяснил еси верных, зарями подвиг благочестивых соборы, отче наш Онуфрие преподобне.

И ныне. Богородичен. Праотец разорила еси печаль, радость нам рождьши, Живодавца и Избавителя, пресвятая Богородице. Его же прилежно моли, спасти стадо Свое. Катавасия.

Седален, глас 4-й. Удалился еси преподобне, и в пустынях яве водворися, Господа избавльшаго тя от лют присно чая. Тем же благоугодив Владыце всеблаженне, приял еси нестареющееся Небесное Царство. В нем же ныне водворяяся, поминай чтущыя тя.

Слава, и ныне. Богородичен. Настави нас на путь покаяния, уклоняющыяся присно к злым безпутию, и преблагаго прогневающыя Господа. Неискусобрачная благословеная Марие, прибежище отчаянным человеком, Божие селение.
 

Песнь 4. Ирмос

Услышах Боже слух Твой, и убояхся. Разсмотрих дела Твоя, и дивихся Господи. Яко Твоея хвалы исполнися земля.

Запев. Совлек тленную греха ризу отче, правды Онуфрие во одежду облечеся. И внутрь чертога вселился еси.

Запев. Молитвами непрестанными, свет божественаго разума собрал еси в сердцы своем отче наш. Неразумия же отбеже мрачныя льсти Онуфрие.

Слава. Тесныи шествовав путь, и прискорбныи на земли богомудре. К широкому достигл еси, и радости исполнь, небесных наслаждении преподобне.

И ныне. Богородичен. Спасение Тя, на всяко время и место призываю. Не презри мене Всенепорочная, яже Бога рождьшая Избавителя вкупе и Спаса моего. Катавасия.
 

Песнь 5. Ирмос

Восияй ми Господи, свет повелении Твоих. Яко к Тебе Христе Дух мой утренюет, и поет Тя. Ты бо еси Бог мой, и к Тебе прибегаю Царю мирныи.

Запев. Ангелом единожителя Пафнутии, обрет в пустыни тя, великаго равноангельнаго светилника, благочестно жития твоего, всем яви исправления мудре.

Запев. Восия тебе Господь, Его же от души вожделел еси, безстрастия свет невечернии Онуфрие. И мира в повестех непорочнаго жития твоего, всего просветил есть мудре.

Слава. Яко благоповедуя Онуфрие блаженне, еже прилеплятися Бозе нашем, на Того упование от души возложил еси. И Того хвалу имел еси во устех присно.

И ныне. Богородичен. Восияй ми Владычице зарю милости Твоея, иже во тме прегрешении моих сущу Девице. И к свету настави покаяния молюся, и спасения жизни. Катавасия.
 

Песнь 6. Ирмос

Буря мя помышлении постигши, во глубину низведе безмерных согрешении. Но Ты кормчии Благии, предварив окорми, яко пророка, и спаси мя.

Запев. Мразом померзаеме плоти твоей, теплотою Духа прохлаждашеся твой дух. Зноем же опаляемь мудре, роса остужаше небесною тя благодатию.

Запев. Идущу ти к пустыни, божествено предваряше славне светозарение, тамо хотящаго света прияти тя ныне прописающи, и славу присно пребывающую.

Слава. В вертепе родивыися, и на руку старца яко младенец прияти спюдоблься, младеньствующа делы благими, старца в вертепе тя учиняет к лучшим.

И ныне. Богородичен. Бездну милости рождьшая, страстей моих бездну, пучиною щедрот Твоих потопльши, тучю от души подаждь ми слез, Богородительнице всенепорочная. Катавасия.

Слава, и ныне. Кондак, глас 3-й. Сиянием Духа Пресвятаго, мудре Онуфрие просвещься, оставил еси яже в житии молвы. Пустыню же достиг преподобне отче. Возвеселил еси иже надо всеми Бога и Зиждителя. Сего ради прославляет тя Христос блаженне, великии Дародатель.

Икос. Кто изречет твоя подвиги всеблаженне. Или кто от земленородных, достойно похвалит твое житие Онуфрие отче. Яко же бесплотен пожил еси, былии питаемь. Пищю же имел еси Христа Бога. Нань же свою надежю положил еси. Наг ходя в пустынях, студень и мраз яко бесплотен терпя. Сего ради той тя светилника показа блаженне, великии Дародатель.
 

Песнь 7. Ирмос

Иже на горе с Моисеом глаголавыи, и образ Девыя купину показав, благословен еси Господи Боже отец наших.

Запев. Иже на горе Илию препитавыи птицею, Той ти ангелом пищу посылает, тя величая преподобне, иже Того возвеличившаго.

Запев. Яко же финик, при исходищих прозяб водных воздержания, пищю имяше финики, питався неснедением болезней твоих.

Слава. Видении разширяяся отче, болезньми питашеся терпения. И ныне вышнюю улучил еси трапезу Онуфрие.

И ныне. Богородичен. Иже во чрево Девыя вселивыися, и сие небес ширши показавыи, благословен еси Господи Боже отец наших. Катавасия.
 

Песнь 8. Ирмос

Земля и вся иже на ней, море и вси источницы, небеса небес, свет и тма, мраз и зной, сынове человечестии, священнии благословите Господа, и превозносите Его во веки.

Запев. Землю долную преминув, небесную стяжа жизнь. И со бесплотными лики смесися нося плоть, Онуфрие блаженне. И землю кротких наследова, юже тебе подаст Христос во веки.

Запев. Слезныя капли, гасило стяжал еси воистину, страстным разгорением. И любовию огня божественаго, росе совокупися безстрастия Христу Богу нашему. Тем же тя чтем Онуфрие богомудре.

Слава. Ангельскому житию поревновавша, непрестанными молитвами, рукою ангела, своим тайнам причастника отче, Христос тя показа. Иже великаго совета воистину ангел. Его же превозносим во веки.

И ныне. Богородичен. Земле святая, из Нея же Христос прозябе клас жизни, и истаевшее гладом назда, человеческое естество древния злобы, Богомати всенепорочная. Тем же Тя поем во веки. Катавасия.
 

Песнь 9. Ирмос

Яко сотвори мне величие силныи, и свято имя Его. И милость Его в род и род на боящихся Его.

Запев с поклоном. Взирании непрестанными, иже к Богу отче богомудре, обожаемь причастием его, был еси Бог. И со ангелы служа, сего славиши присно.

Запев. Умертвив плоть, победил еси врага. Преставися к невечерней зари. Небесных благ, Ты наследник быв, отче Онуфрие.

Слава. Иже любовию творящих святыи твой праздник, от всякаго треволнения страстей, мольбами си избавляй присно. Яко дерзновение обрет, у Спаса Онуфрие.

И ныне. Богородичен. Надежду Тя и стену стяжавше Пречистая, уповаем улучити благих молитвами Ти Чистая, их же обеща Христос, воплотивыися из Тебе нас ради. Катавасия.

Отпуст: Господи Исусе Христе, Сыне Божии, молитв ради пречистыя Твоея Матере, и преподобнаго отца нашего Онуфрия Великаго, и всех ради святых, помилуй и спаси нас, яко Благ и Человеколюбец. Аминь. Господи помилуй (трижды). Исходные поклоны.

+

Авторизация

* *
*

Регистрация

*
*
*
*

Проверочный код Time limit exceeded. Please complete the captcha once again.


Восстановление пароля