Канон преподобному Моисею Мурину

Русская вера, 2017

Преподобный Моисей Мурин жил в IV веке в Египте. В молодости он был предводителем отряда разбойников. Осознав всю тяжесть своего грехопадения, он пришел в один из монастырей и очень усердно стал совершать покаяние, оплакивая в молитвах свой прежний образ жизни. Здесь он вел борьбу со многими страстями, особенно с блудной. Бесы старались подвергнуть его унынию, всячески внушали ему мысли покинуть монастырь. Но преподобный выстоял в многолетней борьбе с ними и получил от Бога власть над бесами. Будучи уже на высоте христианского подвижничества, преподобный Моисей Мурин проявлял необыкновенное смирение, любил, когда бесчестили его, скрывал от человеческих глаз свои духовные подвиги. Достигнув преклонного возраста, он получил откровение от Господа, что на скит, в котором он подвизался, нападут разбойники. Преподобный предупредил насельников-иноков покинуть скит. Сам же решил остаться на месте, чтобы во искупление своего прежнего образа жизни исполнились на нем слова Христа Спасителя: «Все, взявшие меч, мечом погибнут» (Матф. 26, 52). Разбойники убили преп. Моисея Мурина. К преподобному Моисею прибегают в молитвах, прося его наставить на путь покаяния тех, кто через греховную жизнь далеко отошел от Бога. Если кто в своей жизни совершал тяжкие грехи, да просит в молитвах преп. Моисея быть своим молитвенным заступником перед Господом в день Страшного Суда. Память преподобному Моисею Мурину 28 августа (10 сентября по гражданскому стилю).
 

------------------------------------------------------------------

Общее начало и конец всем канонам →
Порядок чтения по уставу
------------------------------------------------------------------
 

Тропарь, глас 1-й

Пустынныи житель, и во плоти ангел, и чюдотворец явися, богоносе отче наш Моисее. Пощением, бдением, молитвами, небесныя благодати прием, исцеляеши болящыя, и душа верою притекающих ти. Слава давшему ти крепость. Слава венчавшему тя. Слава деющему тобою всем исцеление. (Дважды).

Слава, и ныне. Богородичен. Гавриилу провещавшу Ти Дево, еже радуися. И со гласом воплощашеся всех Владыка, в Тебе святем киоте, яко же рече праведныи Давыд. Явися пространнейши небес, поносивши Зиждителя Своего. Слава всельшемуся в Тя, слава прошедшему ис Тебе, слава свободившему нас рожеством Своим.
 

КАНОН, глас 8-й
 

Песнь 1. Ирмос

Поем Господеви, проведшему люди Своя, сквозе Чермное море, яко Един славно бо прославися.

Запев: Преподобне отче Моисее, моли Бога о нас (поклон).

Соузом греховным, помраченое сердце мое, убели отче покаяния тучами, молитвами твоими.

Запев. Страхом Владычним плоть пригвождь, всяку ума страсть, от сердца богоносне преблаженне изсушил еси.

Слава. Браздою мысленною, скрыв Слова отче семена, возделал еси пшеницу, в сокровищих неистощаемых соблюдаему.

И ныне. Богородичен. Всего мя спасает Слово пребогатое благостию, восхотев из чрева Ти воплотитися, чистая Мати Дево.

Катавасия: Избави от бед рабы своя, преподобне отче Моисее, яко вси по Бозе к тебе прибегаем, ты бо молиши о нас Христа Бога нашего (поклон). Господи помилуй (трижды с поклонами).
 

Песнь 3. Ирмос

Ты еси утвержение, притекающим Ти Господи, Ты же свет омраченым, и поет Тя дух мой.

Запев. Духом движимь духовными мудре деянии терпя, лукавьствия покорил еси духи.

Запев. Силою укрепляемь богоначальною, Моисее преподобне, крепкаго яко безплотен, смирил еси змия.

Слава. Тучами слез твоих, огненое опаление страстей угасил еси. И река явися даровании, наполняема Духом.

И ныне. Богородичен. Имея Тя помощь, врагов стремления не убоюся. Имея Тя предстательницу, тех побеждаю полки. Катавасия.

Седален, глас 3-й. Божествеными сиянии разбогатев, и тму разрушил еси страстей всеблаженне. И бодрыми молитвами си, увядил еси плоти возвышаемая мудрования, и к горнему прейде крайнему граду. Отче преподобне Христа Бога моли, даровати нам велию милость.

Слава, и ныне. Богородичен. Божественаго естества неразлучься, плоть быв во утробе Твоей, но Бог вочеловечься пребысть. Иже по рожестве Матерь Деву Тя, яко же прежде рожества сохрань пренепорочну едину Господь. Того прилежно моли, даровати нам велию милость.
 

Песнь 4. Ирмос

Услышах Господи смотрения Твоего таиньство, разумех дела Твоя, и прославих Твое Божество.

Запев. Любоплотнаго беса, непрестанными отче мольбами, и болезнем вдаянми, от души преблаженне отгнал еси.

Запев. Преложив помышление, ко иже паче ума же и слова преподобне. Воздержания зной, яко же божественую росу терпяше.

Слава. Ветрилом окормився нестяжания, легко преплыв еси житейское отче море. Ко пристанищу тихому направляемь.

И ныне. Богородичен. Девьства сосуде, и невместимаго естества село, душу мою светом настави, омраченую Богоневесто. Катавасия.
 

Песнь 5. Ирмос

Утренююще вопием Ти Господи, спаси ны. Ты бо еси Бог наш, разве Тебе иного не знаем.

Запев. Углием распаляемь блаженне безстрастия, вещь разжженую страстей попалил еси.

Запев. Звезда воздержания, высотами сияя явился еси, душа наша просвещая преславне.

Слава. На высоту добродетелей возшел еси, и во остров достигл еси небесныи, отче Моисее досточюдне.

И ныне. Богородичен. Деву по рожестве поем Тя Богородице. Ты бо Бога Слова, плотию мирови родила еси. Катавасия.
 

Песнь 6. Ирмос

Очисти мя Спасе, многа бо беззакония моя, и из глубины зол возведи мя молюся. К Тебе бо возвах и услыша мя Боже спасения моего.

Запев. Нощию мя греховною, и сластей омрачением окружена. Иже в тебе духовными сиянии, всего просвети, всего ко пристанищу спасения отче направи.

Запев. Яко же пчела трудолюбивая, сотом ума своего цветы добродетелей собрав, источил еси сладость безмерную, горесть отче бесовскую отгонящю.

Слава. В пустынях пожидая, вышнии град наследова, плоть порабощая пощеньми чюдне, в пищи не иждивеемей, к райским селом отшел еси.

И ныне. Богородичен. Священие мыслено, и неопально очистилище, светильник златовиден, и трапезу одушевлену, Хлеб носившую жизни Дево, вернии Тя именуем. Катавасия.

Слава, и ныне. Кондак, глас 4-й. Мурины заушив, и лица демоном поплевав, мыслено просиял еси яко же солнце светло, светом жития твоего, и учением наставляя душа наша.
 

Песнь 7. Ирмос

Дети еврейския в пещи, попраша пламень дерзнувше, и на росу огнь преложьше вопияху, благословен еси Господи Боже во веки.

Запев. Кала страстей очищен, духовными блистаяся сияньми, к свету воистину невещественому преставися. Идеже лицы блаженне постник во веки.

Запев. Всяку отбеже злобу, присвоижеся добрым преложением, и добрым желанием, невеществено примесися, вопия блаженне, Боже благословен еси.

Слава. Болезньми воздержания безмерными, болезненыи изсушил еси грех богоносче. Темже безболезненое обрете благих наслаждение, благословя своего Владыку.

И ныне. Богородичен. Се юже рече Деву, Духом великии Исаия, во утробе Бога зачат и раждает. Ему же поем, благословен Бог отец наших. Катавасия.

 

Песнь 8. Ирмос

Седмь седмицею пещь, халдейскии мучитель, богочестивым люте разжже. Силою же лучшею, спасеных видев, Творцу и Избавителю вопияше. Дети благословите, священнии воспойте, людие превозносите Его во веки.

Запев. Молитвами вжиляемь смирением возвышаемь правдою душу облистая, любовию украшаемь к добродетелей совершению, к явленней отче востече высоте, зовыи Владыце. Священнии благословите, людие превозносите Его во веки.

Запев. Черныи телом, душу же светлеишю солнечных сиянии стяжав. Бесом очерни омраченая лица, верных же просвещает сердца своим подобием, тепле поющим, людие превозносите Христа во веки.

Слава. Смирением всюду огражден, убежал еси отче Мурин мысленых стреляния. Образ же бысть иноком к борению врагов. Делы же и словесы, с ними взывая, дети благословите, священнии воспойте, людие превозносите Его во веки.

И ныне. Богородичен. Паче естества зачала еси, паче слова родила еси, Содетеля человеческому естеству, бывша человека, Отцу неразлучна, Владычице чистая. Ему же поет вся тварь, дети благословите, священнии воспойте, людие превозносите Его во веки. Катавасия.
 

Песнь 9. Ирмос

Устрашися всяк слух, неизреченна Божия схождения, яко Вышнии волею сниде и до плоти, от девическаго чрева, быв убо человек. Тем же пречистую Богородицу вернии величаем.

Запев с поклоном. В делех воистину благих и жизни скончався, постигл еси благих источник, и своего желания конец приял еси. Празднующих же идеже глас с хвалением, радуяся вселился еси, досточюдне Моисее отче преподобне.

Запев. Искапают отче сладость пользы, болезней потове твои. И горесть нашу страстную отгонят. Истачают нам исцеления мощи. И гноения зол, и душам скверну очищают.

Слава. Венцы венча Христос неувядающими, твою главу чюдне, победивша твердо полки миродержца. И преподобных лицех преподобно причтеся. С ними же молися, избавится напасти чтущим тя.

И ныне. Богородичен. Уставила еси едина, женам клятву прадедную, Богоневесто. Неописаннаго плотию рождьши описанна. Обновила еси законы естества Нескверная. Расточеная первее, преславным ходатайством си соединила еси. Катавасия.

Отпуст: Господи Исусе Христе, Сыне Божии, молитв ради пречистыя Твоея Матере, и преподобнаго Моисея Мурина, и всех ради святых, помилуй и спаси нас, яко Благ и Человеколюбец. Аминь. Господи помилуй (трижды). Исходные поклоны.


Обзор книги