Канон преподобному Макарию Египетскому

Русская вера, 2017

Преподобный Макарий Египетский подвизался в IV веке. 60 лет он провел в одной из египетских пустынь, беседуя с Богом в молитве, оплакивая свои грехи, совершая тяжелые иноческие подвиги. Преподобный Макарий учил: «Если желаешь спастись, будь как мертвец, который не гневается, когда его бесчестят, и не превозносится, когда его хвалят». Он также говорил: «Если душа в сем еще мире не приимет в себя святыни Духа за многую веру и за молитвы, и не сделается причастною Божественного естества, то она непригодна для Небесного Царства».

Однажды преподобный Макарий шел по пустыне и, увидев лежавший на земле череп, спросил его: «Кто ты такой?» Череп отвечал: «Я был главным языческим жрецом. Когда ты, авва, молишься о находящихся в аде, мы получаем некоторое облегчение». Преподобный спросил: «Каковы эти мучения?» «Мы находимся в великом огне, — отвечал череп, — и не видим друг друга. Когда же ты молишься, мы начинаем немного видеть друг друга, и это служит нам некоторым утешением». Услышав такие слова, преподобный прослезился и спросил: «Есть ли мучения еще более жестокие?» Череп ответил: «Внизу, глубже нас, находятся те, которые познали Имя Божие, но отверглись Его и заповедей Его не соблюдали. Они терпят еще более тяжкие муки».

Будем просить в своих молитвах преподобного Макария непрестанно молиться Господу о прощении наших грехов и нашем вечном спасении, об избавлении нас от нескончаемого адского пламени. Память преподобному Макарию Египетскому 19 января (1 февраля по гражданскому стилю).
 

------------------------------------------------------------------

Общее начало и конец всем канонам →
Порядок чтения по уставу
------------------------------------------------------------------
 

Тропарь, глас 1-й

Пустынныи житель, и во плоти ангел, и чюдотворец показася, богоносе отче наш Макарие. Пощением и бдением и молитвами небесныя дары прием, исцеляеши недужных, и души приходящих ти с верою. Слава давшему ти крепость. Слава венчавшему тя. Слава деющему тобою всем исцеления. (Дважды).

Слава, и ныне. Богородичен. Гавриилу провещавшу Ти Дево, еже радуися. И со гласом воплощашеся всех Владыка, в Тебе святем киоте, яко же рече праведныи Давыд. Явися пространнейши небес, поносивши Зиждителя Своего. Слава всельшемуся в Тя, слава прошедшему ис Тебе, слава свободившему нас рожеством Своим.
 

КАНОН, глас 4-й
 

Песнь 1. Ирмос

Лицы израильстии, не мокреными ногами, пучину чермную, и мокрую глубину прошедше. Всадники тристаты, враги зряще в ней погружены, радостно глаголаху, поем Господеви, славно бо прославися.

Запев: Преподобне отче Макарие, моли Бога о нас (поклон).

Божественым светом осияемь, и со ангелы отче ныне водворяяся, молитвами твоими спасай, творящыя всесвященную ти память, и в радости вопиющыя, поем Богу нашему, яко прославися.

Запев. Путь иже к жизни ведущии, неуклонно преблаженне шествовал еси. Мира избег мятежей, и бесовская смущения разорил еси. Радостно взываеши, поем Богу нашему яко прославися.

Запев. Умертвив плотьское мудрование, постными своими борении, божественому Духу покорил еси отче. И сего окормляемь божественою силою, радостно вопияше, поем Богу нашему яко прославися.

Слава. Вся красная оставил еси, непрестанную возлюбил отче красоту в дому Господни. Идеже шум празднующих, радостно вопиющих, поем Богу нашему яко прославися.

И ныне. Богородичен. Безлетна Сына безначална Отца, плоть нас ради человецех бывша, Чистая во утробе заченши, под летом Сего родила еси несказанно. Ему же и радующеся вопием, поем Богу нашему яко прославися.

Катавасия: Избави от бед рабы своя, преподобне отче Макарие, яко вси по Бозе к тебе прибегаем, ты бо молиши о нас Христа Бога нашего (поклон). Господи помилуй (трижды с поклонами).
 

Песнь 3. Ирмос

Лук силных изнеможе, а немощнии пропоясашася силою. Сего ради возвеселися, о Господе сердце мое.

Запев. Закону повинулся еси Духа, его же всеоружием преподобне препоясався, а не законом греха, изволение повинул еси.

Запев. Горе к Богу, мудрование имея отче, яже на земли оставил еси. Болезньми воздержания, непрестанно облегчаем.

Запев. Расторг узы естества, паче естественым и чистым своим житием богоносе, выше естественых приял еси действо.

Слава. Да Богови блаженне без смущения беседуеши, в пустыни отче жити изволил еси, от молв удаляяся.

И ныне. Богородичен. Спасти хотя человека на полезное, яко Благодатель и Человеколюбец, в Твою утробу неописанно Богомати вселился. Катавасия.

Седален, глас 1-й. Воздержания огнем, яко злато в пещи мудре искушься, светлейши явился еси. Сего ради к Небесному преставися Царствию. Тем же верою восхваляюще тя вопием, благодать и милость, и очищение согрешением нашым отче испроси.

Слава, и ныне. Богородичен. Настави нас на путь покаяния, уклоньшыяся присно к злых безпутию. И преблагаго прогневавшыя Господа, неискусобрачная благословеная Марие. Прибежище отчаянным человеком, Божие вместилище.
 

Песнь 4. Ирмос

Седяи во славе на престоле божественем, на облаце легце прииде Исус пребожественыи от пречистыя Девы. Спасе же вопиющыя, слава Христе силе Твоей.

Запев. Истлевшагося абие, обетшаннаго человека, совлечеся отче, с греховными страстьми, воздержанием независтным. Облечежеся в новаго по Христе всечестне.

Запев. Светлое твое житие, яко правило известно, всякоя отче божественыя добродетели показася. В молитвах и пощениих, во бдениих же и молбах, иже к Христу человеколюбцу.

Запев. Дремания своима веждома преподобне не дал еси, дондеже отче храм себе сотворил еси прекрасен, всевидящему Владыце. К Нему же взываеши, слава силе Твоей Господи.

Слава. В юности мудрость, в старости разум, во всем житии пождание и долготерпение, и еже ко всем любовь показал еси. Взывающым, слава силе Твоей Господи.

И ныне. Богородичен. Умерщвеныя Пречистая человеки оживила еси, падшыя сих к тлению воставила еси. Жизнодавца рождьши, избавляющаго взывающыя, слава силе Твоей Господи. Катавасия.
 

Песнь 5. Ирмос

Просвещение Твое Господи, низпосли нам. От мглы прегрешения разреши Блаже, Твоего мира с небесе подавая.

Запев. Вперив славне душевныи разум, и чювства мудре окормив. Был еси храм освящен Богови, и честен.

Запев. Строптиваго змия увядив советы, и того горкия козни. Поучился еси присно божественому закону, душа наслаждая.

Слава. Украсил еси преподобне, души тричастное. И Владыку ума уставль, имяше Христа наставляющаго, к шествию небесному.

И ныне. Богородичен. Девая роди пречистаго Бога, законополагающа всем чистоту. И святыню благочестия, сущым на земли возвещая. Катавасия.
 

Песнь 6. Ирмос

Возопил прообразуя погребение тридневное, пророк Иона в ките Богу моляся. От тля спаси мя, Исусе Царю сыи силам.

Запев. В пустыни жити усердно, возлюбил еси Богоносне. В ней Бога приемля избавляющаго тя, и соблюдающа твоя стопы.

Запев. Непреклонен в пощении Богомудре пребыл еси, даже до кончины храня сие опасение. Им же нетленному сподобися яве наслаждению.

Слава. Равноангельно на земли житие пожил еси. Равноангельную честь достойно улучил еси, со ангелы всеми Богови предстоя.

И ныне. Богородичен. Зачала еси во утробе Богомати, безначалнаго Бога Слова, нас ради в человецех бывша непреложна по нас, во двою знаема естеству. Катавасия.

Слава, и ныне. Кондак, глас 1-й. Блаженную жизнь скончав в житии, с мученическими лики, в земли кротких достойно водворяешися, богоносне Макарие. И в пустыню яко же во град вселився, благодать приял еси от Бога чюдесем. Тем же тя почитаем.

Икос. Богоноснаго быв убо Антония ученик отче искреннии, яко же воском изображая, всякой научися того воистину добродетели и страдания. Тем же яко Илия сугубо, яко же и оному Елисею чюдесем благодать даст, и проуведения сияние. Велие положися во всем мире деяние и житие твое, воздвизая спящыя в погибелней пропасти. Тем же тя почитаем.
 

Песнь 7. Ирмос

Спасыи во огни, авраамския си дети. И халдея убив, яже без правды праведныя уловляше. Препетыи Господи Боже отец наших благословен еси.

Запев. Свыше силою, и Божиею помощию, враги низложи победоносец. Зовыи был еси, препетыи Господи Боже отец наших благословен еси.

Запев. Очистив мглу юже от страстей бывшую, безстрастия просвещением озарися. Зовыи блаженне, препетыи Господи Боже отец наших благословен еси.

Слава. Уяснив душю добродетелными лепотами, красен добротою Богови был еси. Пояше радуяся, препетыи Господи Боже отец наших благословен еси.

И ныне. Богородичен. Призывая нас плененыя Дево, во еже бехом в началех. Во чрево Твое вселься воплотися. Человеколюбец Господь, Бог отец наших. Катавасия.
 

Песнь 8. Ирмос

Отроки благочестивыя в пещи, рожество Богородиче спасло есть. Тогда убо образуемо, ныне же действуемо. Вселённую всю воздвиже пети, Господа воспевайте дела, и превозносите Его во веки.

Запев. Глаголы жизни вечныя, преблаженне в сердце своем прием, плоть увядил еси. Мирови же умертвися, и живоносным умерщвением одеявся. Господа пойте дела вопия, и превозносите Его во веки.

Запев. Милостива быти богоносне, единого Благодателя моли, иже твою всесвященную память празднующим. Согрешением оставление сим испроси. Господа пойте вопиющым, и превозносите Его во веки.

Запев. Возрением к Богу непрестанным внимая, и от онуднаго сияния зарю прием, свет неугасимыи явлься яко зерцало, посылаеши поющым, Господа пойте дела, и превозносите Его во веки.

Слава. На лествицу к небеси простертую, на ней же утвержен явися Господь, отче возшел еси. Божествеными восхожденьми, присно предуспевая преподобне, дондеже достигл еси поющих, Господа пойте дела, и превозносите Его во веки.

И ныне. Богородичен. Поем Тя Обрадованная, Бога бо воплощенна нам родила еси. Тем же Богородицу Тя вси именуем, богоприятную трапезу, доброту Ияковлю. Господа пойте дела вопиюще, и превозносите Его во веки. Катавасия.
 

Песнь 9. Ирмос

Евва убо недугом ослушания, клятву вселила есть. Ты же Дево Богородице, прозябением прижития Твоего, мирови благословение процвела еси. Тем же тя вси величаем.

Запев с поклоном. Слезами убо постническими, бразду сердца своего напоил еси. Радуяжеся отче богоносне, ныне радостию рукояти собираеши подвигом почести. Тем же тя вси ублажаем.

Запев. Незаходим восия тебе свет, и присносущно веселие восприят, идеже ликуя со ангелы, окрест Царя и Господа. Верою творящих память твою поминай, отче всеблаженне.

Запев. Возмогл еси избежати бесов стреляния, и коварствия лукавна, спасеся блаженне душа твоя. Свята и чиста и нескверна, наслаждения небеснаго сподобися. Поминай убо поющыя тя.

Слава. Законом отче страдальческим подвизася, и победил еси. Тем же тя славою венцем, яко един благодатель почте. И божественаго светоявления сподоби, и блаженным наслаждением.

И ныне. Богородичен. Яко всех тварей Творца рождьши Богомати, превозшла еси всю тварь божественою славою, и святостию и благодатию, и всякою добродетелию болшею. Тем же Тя вси величаем. Катавасия.

Отпуст: Господи Исусе Христе, Сыне Божии, молитв ради пречистыя Твоея Матере, и преподобнаго отца нашего Макария Египетскаго, и всех ради святых, помилуй и спаси нас, яко Благ и Человеколюбец. Аминь. Господи помилуй (трижды). Исходные поклоны.


Обзор книги