Канон святому равноапостольному князю Владимиру

Русская вера, 2017

В 988 году, благодаря апостольскому подвигу св. князя Владимира, Русь была обращена в православную веру. Святой Владимир управлял Русскою землею с великим христианским смирением, сооружал храмы Божии. По словам митрополита Иллариона, св. князь Владимир был «одеждою нагим, питателем алчущих, прохладою для жаждущих, помощником вдовицам, заступником обижаемых, обогатителем убогих». Русская Церковь причислила св. князя Владимира к лику святых и нарекла его равноапостольным.

Каждый из нас должен много делать для того, чтобы Церковь процветала числом спасаемых душ, жила внутренним миром, противостояла всем козням бесовским. Самое первое делание в этом плане — молитва о благоустроении Святой Церкви. Будем просить в своих молитвах св. равноапостольного князя Владимира, просветителя Русской земли святым Крещением, чтобы он усиливал перед Господом наши молитвенные ходатайства об успехах веры Христовой на Руси. Память св. равноапостольному князю Владимиру 15 июля (28 июля по гражданскому стилю).
 

------------------------------------------------------------------

Общее начало и конец всем канонам →
Порядок чтения по уставу
------------------------------------------------------------------
 

Тропарь, глас 4-й

Сподобивыися купцу, ищущу добраго бисера, славнодержавныи Владимире. На высоте стола седя, матере градовом богоспасаемаго Киева. И испытуя посылаше к царскому граду, уведети православную веру. И обрете безценнаго бисера Христа, избравшаго тя яко втораго Павла. И оттрясшаго слепоту во святей купели, душевную вкупе и телесную. Тем же празднуем ти успение, людие твои суще. Моли спастися державе русстей и всему православию. (Дважды).

Слава, и ныне. Богородичен. Иже от века утаенное, и ангелом несведомое таиньство, Тобою Богородице земным явися, Бог в неразмесне снятии воплощаемь. И крест волею нас ради восприим. Им же воскресив первозданнаго, и спасе от смерти душа наша.
 

КАНОН, глас 6-й
 

Песнь 1. Ирмос

Яко по суху ходив Израиль, по бездне стопами. Гонителя фараона, видя потопляема. Богу победную песнь поем вопияше.

Запев: Святыи равноапостолом княже Владимире, моли Бога о нас (поклон).

Приидете вернии, песнь духовную вси возопием, и прославим Христа. Иже светло прославил есть, честнаго Владимира, великаго князя.

Запев. Иже семя сеющему даруя, Ты и мне даруй слово, Дарителю благих. Разреши ми соуз языка, и обнови Спасе к славословлению верно.

Слава. Иже волею а не нуждею, к Себе всех призываеши. Яко же древле Моисея и Исуса. Тако же и ныне в сердцы возгласи, вернаго и достохвалнаго князя.

И ныне. Богородичен. Украшена добротою добродетелей, Богомати чистая. Бога истиннаго зачала еси, нас божествеными добродетельми просветившаго.

Катавасия. Избави от бед рабы своя, святыи равноапостолом княже Владимире, яко вси по Бозе к тебе прибегаем, ты бо молиши о нас Христа Бога нашего (поклон). Господи помилуй (трижды с поклонами).
 

Песнь 3. Ирмос

Несть свята, яко же Ты Господи Боже мой. Вознесыи рог верных си Блаже. И утверждь их на камени исповедания Ти.

Запев. Иже Павла просветив, и избранна сотвори. Тако и Василия ныне отца русскаго, очныи недуг отторгл еси Милостиве, Твоим крещением.

Запев. Константина вернаго подобник явися, Христа в сердцы си прием. И Его заповедем яко же отец, всю землю русскую научил еси.

Слава. Божественою силою ты возмогая, безбожнаго перуна, кущу бесовскую сокрушил еси, и ко опаши констей того привязав, повеле воином разбити идола.

И ныне. Богородичен. Сень святую обрет Марию Девицу, Божии сосуд, Владимир князь великии, апостола Павла ревнитель. Сей Церковь божественую в Тоя имя воздвигл есть. Катавасия.

Седален, глас 2-й. В молитвах бдяи присно, радостною душею Василие. Того ради почерпл еси Духа премудрости, от источника сходящаго свыше. Тем верою просияв яко солнце, моляся Христу непрестанно. Ускори Щедрыи, и потщися спасти от прегрешении мира.

Слава, и ныне. Богородичен. Богородице безневестная чистая, иже Бога без семени рождьшая всех Владыку. Того со ангелы моли, избавитися нам от всякаго недоумения. И дати умиление, и свет душам нашим, и согрешением очищение, иже Едина вскоре заступающи.
 

Песнь 4. Ирмос

Христос мне сила Бог и Господь, честная Церкви боголепно зовет вопиющи. От совести чисты, о Господе празднующи.

Запев. Чюдо страшно и преславно и неизглаголанно, совершает Владыка Христос. Обновляет божественым крещением, всю русскую землю, и просвещает князя Василия.

Запев. Светло приидете, и достолепно возгласите сынове русстии, ко отцу нашему Владимиру. И память его верно вси да празднуем светло.

Слава. Отчее нечестие отгнал еси, всечестныя же своея праматере, правоверную веру возлюбил еси. Равне апостолом Христовым, княже великии Владимире.

И ныне. Богородичен. Яко дверь приводящую к божественому входу Рая светлаго. Яко мысленое место священия. Яко доброту Ияковлю, Девицу ублажаем. Катавасия.
 

Песнь 5. Ирмос

Божиим светом Ти Блаже, утренюющих Ти душа любовию просвети молюся. Тя ведети слово Божие истиннаго Бога, от мрака греховнаго изимающа.

Запев. Днесь ангели Божии радуются светло на небесех, в память твою святую. Спасл бо еси нас от всякаго лукавства. И жертв бесовских, люди многи избавил еси, и всю землю русскую.

Запев. Рыдает бесовское множество, и темное соборище. Видяще на земли попираемы идолы, иже на погибель воздвиженыя человеком. Их же Божиим повелением Василие сокрушил еси.

Слава. Радуися и веселися рабе Христов, княже великии и мудрыи, молебниче о душах наших. Тобою бо мы вси избавлени есмы бесовския лести. Темже радуися вопием ти.

И ныне. Богородичен. Чистотою сияющи издалеча. Божественое уготование Владычне, Всепетая бывши. Ты бо Едина показася Мати сущи Богу, и рукама яко Младенца Того понесши. Катавасия.
 

Песнь 6. Ирмос

Житейскаго моря воздвизаема зря, напастей бурею. В тихо пристанище притек вопию Ти. Возведи от тля живот мой Многомилостиве.

Запев. Силою Божиею попран есть сатана душегубец, и лестныя его жертвы. Победника бо явил нам есть Христос, Василия вернаго князя. Сокрушити и поврещи того под ноги наша.

Запев. Спасе прежде Господь рукою Моисеовою Израиля от работы. Той же и ныне рукою Василия вернаго князя, всех нас от лести идольския спасл есть.

Слава. Достойно ти взываем, и вопием вси. Радуися всечестне преблаженне, тя бо избавителя с Богом Василие имамы. Не презри раб своих, но присно сохраняй нас.

И ныне. Богородичен. Обретохом Пречистая Тобою спасение, Девице препетая. Его же желают ангели на Небесех видети, Сей ныне видится в недрех Твоих Младенец Бог наш. Катавасия.

Слава, и ныне. Кондак, глас 8-й. Подобьствовав великому во апостолех Павлу, в державных сединах всеславныи Владимире. Вся яко младенческая мудрования оставль, еже о идолех тщание. Яко муж совершен украсися, божественаго крещения багряницею. И Спасителю Христу в веселии предстоя. Моли спастися державе русской.

Икос. Посетивыи древле Израиля Моисейским законом, просветил же еси мир явлением Твоего пришествия Христе Боже. Богогласныя своя ученики послал еси проповедати по странах, еже от Девы безсеменное рожество Твое. И тем повеле крестити во имя Отца и Сына и Святаго Духа. Обетшавшу же видя страну русскую грехом, Дух Твой послал еси, в крепкоразумнаго душу славнаго Владимира, познати Тебе единаго от Троицы Христа Бога. И Твоим крещением просветив избранныя Твоя, и своя от Тебе порученныя ему люди. И приведе к Тебе верою вопиющыя. Избави свое достояние от супротивных поган, державу русскую.
 

Песнь 7. Ирмос

Хладодателну убо пещь сотвори ангел, преподобным детем. Халдея же опали велением Божиим, мучителя увеща вопити. Благословен Бог отец наших.

Запев. Елены ты новыя любовию известися, внук быв преблаженныя Ольги. Константин же великии новыи явися, Христу Василие вопия. Благословен Бог отец наших.

Запев. Лютыи льстец двизашеся на християны воевати. Превеликии же Господь в Корсуни тя просвещает, и крещению божественому сподобляет, и Царствие Небесное тебе даровал есть.

Слава. Обетшавшую лесть бесовскую прогнал еси. Яко великии Христов ученик, обновив просветил еси всех нас, вопити Господеви немолчно. Благословен Бог отец наших.

И ныне. Богородичен. От родов Тя всех избрал есть, Бог превечныи прежде век. И в последняя дни плоть прием от Тебе, совершен вкупе Бог и Человек, присно Дево. Катавасия.
 

Песнь 8. Ирмос

Ис пламени святым росу источи, а праведнаго жертву и воду попали. Вся бо твориши Христе елико хощеши. Тем Тя превозносим Господа во веки.

Запев. От безбожных идол всех нас избавил еси. Ко Христу же Богу возвел еси отче верных князей, наказателя стад своих, Христа поющих во веки.

Запев. Константин новыи ты известился еси, во всей русьстей земли блаженне Василие. Ты бо имя Христово изъяснил еси, Его же превозносим во веки.

Слава. Цареви Вечному ныне ты предстоиши, и десницею Его венчан еси. Молися Ему за недостойныя рабы твоя, яко да поем Его и превозносим во веки.

И ныне. Богородичен. Облак Слова Ты еси Препетая, и свеща солнечная. Колесница многоценная. Девическое возвышение. Горб тучная и усыренная. Пребывавши пречистая Дево Господоименитая. Катавасия.
 

Песнь 9. Ирмос

Бога человеком неудобь видети, Нань же не смеют чини ангельстии зрети. Тобою бо Пречистая явися нам Слово воплощенно. Его же величающе, с небесными вои Тя величаем.

Запев с поклоном. Сладок яко же финик, высок изращаемь. И цвет творя масличныи, ветви многоплодныя. Ты бываеши винное изращение, кисте две созреле мученики принося, Романа и Давыда честную.

Запев. Лицы князей ныне благородных предстоят, от тебе благочестне носяще. С людьми верными хваляще тя. Наставниче и скорыи заступниче, поминай всех нас. Яко да в мире тобою живот обрящем.

Слава. Людие русстии, приидете снидитеся к честней церкви, Владимира святаго нареченнаго Василия, преблаженнаго великаго князя, угодника Христова преславнаго. И приимите живот и спасение, благодать и велию милость.

И ныне. Богородичен. Бога Девице Ты родила еси на земли, во плоти смешение бысть бесплотное, во единой Ипостаси, и во естеству двух. Да спасет всех нас, кланяющихся верно, яко Богородице пречистей (поклон). Катавасия.

Отпуст: Господи Исусе Христе, Сыне Божии, молитв ради пречистыя Твоея Матере, и святаго равноапостолом князя Владимира, и всех ради святых, помилуй и спаси нас, яко Благ и Человеколюбец. Аминь. Господи помилуй (трижды). Исходные поклоны.


Обзор книги